Discusion:Mar Negro
Jero cuà che me dimandavo parché Mar Moro eƚora so ndà vedarme ƚa stòria de ƚa voxe... Ƚa xe sta creà come Mar Néro (?) da Groucho85, e po spostà a Mar Moro da Gatto099, parché in inglexe xe Black Sea e in fransexe xe Mer Noire in vèneto el coƚor el se ciama moro (??!!)... Nisun ghe xe vegnesto inamente de ciamarla Mar Negro, e si che ƚe fonti ƚe ghe xe e 'l nòme el sarìa pròpio cueƚo... Anca parché moro, come nòme, xe el ecuivaƚente del italian negro (anca se deso in italian coreto i dopara "nero"), overo el se dòpara par ƚe persone co ƚa pel scura... Come agetivo el xe si un coƚor, ma el se uxa pì che altro pa' i caveji (in it. i ghe dixaria bruno) o anca pa'l vin. El coƚore vero e pròpio invese el xe el negro.--GatoSelvadego (msj) 19:13, 19 nov 2014 (CET)
- Son d'acòrdo par "Mar Negro", a meno che no ghen sìe fonti par cui el se ciamese "mòro" parché ghen fuse confuxion tra i turchi e i "mòri" islàmici spagnòli. Ma me par na ipòtexi asèi remòta. --Tn4196 cónteme 21:22, 19 nov 2014 (CET)
- I islàmisi spagnòƚi i se ciama mori soƚo che in itaƚian, par noaltri i mori i xe cueƚi co ƚa peƚe scura. Po na volta el se ciamava Mar Maxor (se veda ƚe croniche del sedio a Costantinopoƚi che se cata anca so vec.source). Pì vanti co'l tenpo se ga scominsià ciamarlo co'l so nòme de deso, eco do fonti: El navigante de Camillo Nalin (Che tre volte in mar negro ò naufragà) e I oseleti de Giuseppe Cumano (Sul Mar-Negro, sul... ma gnente).--GatoSelvadego (msj) 12:25, 20 nov 2014 (CET)
- Va bèn, alora mi son de'l tut par "Mar Negro" --Tn4196 cónteme 21:13, 21 nov 2014 (CET)
- I islàmisi spagnòƚi i se ciama mori soƚo che in itaƚian, par noaltri i mori i xe cueƚi co ƚa peƚe scura. Po na volta el se ciamava Mar Maxor (se veda ƚe croniche del sedio a Costantinopoƚi che se cata anca so vec.source). Pì vanti co'l tenpo se ga scominsià ciamarlo co'l so nòme de deso, eco do fonti: El navigante de Camillo Nalin (Che tre volte in mar negro ò naufragà) e I oseleti de Giuseppe Cumano (Sul Mar-Negro, sul... ma gnente).--GatoSelvadego (msj) 12:25, 20 nov 2014 (CET)
- Sendo difisiƚe trovar de ƚe mape "in veneto", gho sercà cheƚe publicae a Venesia o da cartografi de orixene veneta, e go catà sti riferimenti, indove se uxa "Mar Negro" o "Mar Maxor":[1],[2],[3],[4],[5],[6]. Go catà anca racuante version che uxa "Pontus Euxinus" o "Mer Noir". Anca mi saria par spostar ƚa paxena prinsipal so' "Mar Negro". Proporia anca de crear un rimando da "Mar Maxor". --Ciaurlec (msj) 16:25, 22 nov 2014 (CET)
Spostà
. PS: Par deso no go fato el rimando da Mar Maxor, però se calchedun el voƚese farlo ƚo xonte pure.--GatoSelvadego (msj) 14:30, 23 nov 2014 (CET)