Ła dodexóna xe 'na gondoła da paràda special, caraterixàda dal fato de esar spènta da dódexe vogadori. Tìpegamente ste inbarcasion xe de proprietà de łe socetà remiere.

Se tràta de inbarcasion tanto łonghe e scarmołine che par el so utiłixo nei cortei storici ga bixogno anca de traspòrto via tera e xe quindi smontabiłi in modułe che vien po' montàe 'vanti del varo 'ntel liógo de destinasión.

Ła più antiga de ste barche ancùo existente xe ła Dodexona de ła "Società Canottieri Bucintoro".