Un'aula de scoła.

L'educasion (dal verbo latin educĕre (cioè tirar fora, o "tirar fora chel che sta drento"), derivante a so olta da l'union de ē- (“da, fora da”) e dūcĕre ("condure").[1], segondo altri invese el derivaria dal verbo ƚatin educare ("tirar fora, aƚevare").[2] ƚa xé che l'atività, influensada n'tei difarenti periodi storeghi da ƚe varie culture, che ƚa façiƚita, ƚa xviƚupa e ƚa forma in conoscensa e capaçità mentaƚi, soçaƚi e conportamentali in on individuo.[3]

El termine el xé tante olte pensà come interscanbiabiƚe a insegnamento o istrusion, anca se st'ultima ƚa se dopara par indicare metodołoxie pì "traxmisive" dei saveri. Tutavia, sibèn che ƚe stratexie de l'istrusion ƚe poƚe esare parte de on caminamento educativo, el signifegà de educasion el xé pì grando e che el mira a trar fora e potensiar anca ƚa cualità e ƚe conpetense inesprimùe.


In lengua vèneta el termine educà el xé anca sinonimo de on individuo che'l segue na condota soçaƚe coreta n'tei confronti de norme che no ƚe xé neçesariamente codifegae (anca se xeneralmente condivideste), ƚe cusì ciamae "creanse" come ƚa jentiƚesa e ƚe bone manjiere che caxi tuti conosemo e che talvolta no se aplica.

N'altro motivo de caxìn el xé anca dovuo a ƚe difarenti manjiere de doparare sto termine n'te ƚe difarenti lengue, (par exenpio n'te ƚa lengua inglexe co "education" tante olte el njien doparà anca par indicare el termine "istrusion").[4] La streta conesion che ghe xé intrà el savere ciapà da uno o pì persone (istrusion) e el so conportamento (educasion), ƚa poƚe far parere ƚe do paroƚe sinonime in vari contesti.


Linganbi forestiCànbia

  1. Istruzione sul Vocabolario Treccani. Lingambo vardà el 05-06-2011.
  2. Educazione sul Vocabolario Treccani. Lingambo vardà el 21-02-2013.
  3. Segondo el vocaboƚario Treccani ƚa indica ƚa traxmision de ƚe regole conportamentaƚi in vari canpi. Educazione n'tel Vocabolario - Treccani. Lingambo vardà el 04-06-2011.
  4. In Veneto na persona educada ma sensa creansa no ƚa njien considerada educada sibèn che ƚa xé ben istruìa (n'tel contenpo in inglexe sarà (educated); al contrario a na persona analfabeta ma rispetoxa e de bone creanse in Veneto el saria considerà educada.
Controło de autoritàLCCN (ENsh85040989 · GND (DE4006650-2 · NDL (ENJA00567137
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Educasion&oldid=860662"