Emilio (programa tełevizivo)

programa tełevixivo

Emilio , el ze stà un programa tełevizivo comico de Italia 1 andà in onda ła doménega sera dal 1 de zenaro 1989 al 29 de apriłe 1990 par do edision.

Produsion canbia

Erede de Drive In, dal cuało el ga traesto tanti comici (ma sensa Ezio Greggio e Gianfranco D'Angelo, pasà a Odiens), Emilio el ze stà a so volta na trasmision comica de suceso. Anbientà in una redasion de un videozornałe, i comici gaveva el ròło de zornałisti, critici, opinionisti o sénplisi "desturbadori".

El programa venjiva rejistrà in diferìa (e trasmetesto a poche ore de distansa) dal studio 10 del Centro de produsion Mediaset de Cologno Monzese, co in sała un pùblego vero, ma mai incuadrà.

Cast canbia

Inte'l cast (fra i altri): Zuzzurro e Gaspare (anca autori), Athina Cenci (che intarpretava l'inflesibiłe caoredatora), Silvio Orlando (el zornałista), Carlo Pistarino (l'aprendista a'l bomò de: "Capo Cenci, capo Cenci!"), Gene Gnocchi (el critico łetarario), [Giorgio Faletti]] (el stiłista Tamburino, el sosiołogo Faletti e ła parodia de Loredana Bertè), Teo Teocoli (el bałarìn, Macho Camicho, nome parodia dal sełebre puziłe Hector "Macho" Camacho, e l'ultrà miłanista Peo Pericoli), Dominique Chalbot e Sabina Stilo. Infin do atori teatrałi napułitani, Gianfelice Imparato e Luigi Petrucci se alternava inte'l ròło de "spała" de Silvio Orlando inte i só inprobabiłi reportage de guera e malcostume.

A ła prima stazon del varietà ga partesipà anca Enrico Beruschi. El suceso de ła trasmision ze stà tałe che inte'l 1990 ne ze stà reałizà na edision speciałe intitołada Emilio '90 in onore dei Mondiałi de calcio de Italia '90, come strisia zornaliera in orario preserałe.

Personazi canbia

Personazi de Zuzzurro
  • Zuzzurro, el famozisimo comisario, sénpre in cubia co Gaspare.
  • Ezechiele dito "Gambuccia", sperigoło e sotegante cameraman co na ganba de łenjo, che conservava el posto in cuanto racomandà da un fantomatego cunjà avente na "X" inte'l conjome.

Ła trasmision ła andava in onda inte'l pieno de l'era craxista e ze ciaro el refariment oa l'ałora Sindico de Miłan Paolo Pillitteri, cunjà del leader sosiałista Bettino Craxi.[Fonte nesesària]


Personazi de Teo Teocoli
  • Teo Teocoli, bałarìn e invià de ła redasion.
  • Macho Camicho (da łèzarse Macio Camicio), pàrtego spanjoło de calcio e comentador de łe notisie sportive domenegałe.
  • Peo Pericoli. Tifozo miłanista sfegatà, da łe inprobabiłe soraségie ezagerae e da ła tìpega pronunsia striłante (Fraze sełebre: "Ma vieni carogna!", "Amiciiiii!")
Personazi de Giorgio Faletti
  • Franco Tamburino, stiłista intarnasionałe (co sedi "ad Abbiategrasso, Bellinzona, New York") ezajeratamente femenà e misojin; el ciamava tuti i ojeti co nomi femenini (la telefona). El sparlava del mondo del spetàcoło (tormenton "Adalpina!" sigà par ciamar ła camariera che no ła rivava mai). Sto personazo jera ze stà prezentà in Drive In, ma in Emilio el ga otenjùo un spasio pì grando.
  • Loredana Bertè. L'imitasion burlesca de ła cantante,

de minor suceso rispeto ad altri personazi de Faletti[Fonte nesesària]

.

  • Attilio Bossolazzi, el critico sinematogràfego, che'l se slongava in discorsi basiłanti so i vari film e remake de l'epoca.

Ła sigla canbia

Ła sigla de Emilio, cantada dai comici e da alcune coriste, ga costituìo un vero e propio tormenton nonsense, co'l ritorneło «Ahi ahi ahi se faccio un figlio, ahi ahi ahi lo chiamo Emilio, sempre meglio di Basilio, se è una femmina non so!», al cuało seguiva in serada na inprobabiłe serie de rime in -iglio ("Emilio" jera pronunsià "Emiglio" e "Basilio", "Basiglio").[1]

A cantar el jera : Gaspare e Zuzzurro, Carlo Pistarino, Teo Teocoli, Giorgio Faletti, l'ator Silvio Orlando, l'atora Giannina Facio, Athina Cenci, Gene Gnocchi, Enrico Beruschi e altri.[1] Ła registrasion del disco ła ze stà efetuà al Chroma Studio de Miłan (ancò Nikto studio): testo scrito da Cristiano Minellono e mùzega conposta da Giampiero Ameli e Paolo Vallesi; tecneghi del son, Dino Ceglie e Gianpaolo Pini.[2].

El suceso de ła trasmision ga favorìo inazonta ła publegasion de altri dischi łigai ai protagonisti de ła trasmision. Teo Teocoli inte'l 1989 publega el sìngoło Por un beso me mareo, publegà in 7" e 12" da Alpharecord, indove el ripete el personajo de Macho Camicho.[3] Giannina Facio inte'l 1989 ła publega el sìngoło Ela dançava a lambada, insenbre a Gerio Schubach,[4] e inte'l 1990 ła pùblega el sìngoło One, Two, Three, Four, in 7", 12" e CD single[5]

Notasion canbia

  1. 1,0 1,1 Vittorio "Vikk" Papa, La Redazione di Emilio – Emilio (1989 – 7″)Orrore a 33 giri, 18 marzo 2009. entrada il 14 ottobre 2016 (archivià dal URL orizenałe il 19 ottobre 2016).
  2. Modeło:Discogs
  3. Modeło:Discogs
  4. Modeło:Discogs
  5. Modeło:Discogs

Bibliografia canbia


Altri projeti canbia


Linganbi foresti canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Emilio_(programa_tełevizivo)&oldid=1107644"