L'enbrion (del grego: έμβρυον) el ze el primo stàdio del desviłupo de un organismo eucariote diplòide. La definision de enbrion ła vària dipendindo dei organismi considerai, isteso apartegnenti solché a du regni dei viventi: animałi e piante.

DefinisionCànbia

In bòtanegaCànbia

I enbrioni de organismi vezetałi i ze racuante prime struture za contegneste inte l'interior de ła samesa. Le piantine enbrionałi łe prezenta tesuti precursori de łe vàrie parte de ła pianta adulta e uno o pì cotiłedoni. Co che ła piantina enbrionałe ła scumìsia a nutrirse dal teren e a crésar, el fenòmano el taca ciamarse zermenasion.

In zoołoziaCànbia

Inte i animałi el tèrmano enbrion el połe ver signifegai lejermente difarenti, referii al desviłupo de l'organismo, dipendindo dei vari grupi tasonòmeghi. In tèrmani zenerałi par tuti i eumetazoi se parla de enbrion par tuti i stadi inisiałi de ła divizion del zigote, zeneralmente confinà drento de un ovo o in struture a sto cuà similàbiłi. L'enbrion dei mamìfari placentai el ze defìnio cofà cuel'organismo che el se desviłupa partindo col nome de zigote, par dopo devegner e mantegner el nome enbrion finmente che no el ga finio el desviłupo dei òrgani. Da chel momento el vegnarà ciamà feto.

Enbrion umanCànbia

  Par savèrghene de pì, vardarse ła voxe Enbriołozia umana.

Inte i èsari umani ła paroła enbrion ła vien doparada dopo de un determenà nùmaro de divizion sełułari seventemente da ła divizion del zigote, finmente a ła formasion del boton enbrionałe inte l'interior de ła blastocisti, o sia ła defarensiasion morfòlozega che ła permete de destìnguar l'enbrion da ła placenta. Na convension in dòparo ła ze anca cueła là de definire cofà enbrion, l'organismo dopo de ła formasion de l'inpianto inte ła mucoza uterina, avegnimento che inte ła dona ła ze parte de ła gravidansa dopo de ła fecondasion-concepimento. Le prime faze de desviłupo de l'organismo uman (zigote, mòruła, blàstuła, gàstruła) o solché racuante de ste cuà a volte łe ze includeste inte ła definision, altre volte no. Na volta formà el zigote, gavindo un zenoma conpleto, el scumìsia ver caraterìsteghe de l'organismo uman. Partindo da ła nona stimana de concesion, el tacarà ciamarse feto[1][2][3] finmente al parto[4].

BibliografiaCànbia

NotasionCànbia

  1. The developing human: clinically oriented embryology, ISBN 9780323611541.
  2. Neuroscience, ISBN 9781605357416.
  3. Embriología médica, in Wolters Kluwer, D. L. 2019, ISBN 978-84-17602-11-6, OCLC 1109841103. entrada il 3 de mayo de 2020.
  4. Ciclo del embrión. Medlineplus.

Altri projetiCànbia

Linganbi forestiCànbia


Controło de autoritàLCCN (ENsh2003004641 · GND (DE4014555-4
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Enbrion&oldid=1088341"