Enrico Brignano

Enrico Brignano, (Roma, 18 de magio 1966), el ze un ator, rezista, comico e showman roman itałian.

Enrico Brignano

Biografia
Nasimènto	18 de majo del 1966 (58 ani) Roma
Atività
Ocupasion	ator, ator, prexentador de tełevixion, ator de teatro, diretor de cine, senezador, ator de tełevixion
Profesori	Gigi Proietti
Sito web	enricobrignano.it

Biografia

Nasùo a Roma inte'l cuartier de Dragona, de orizeni sisiłiane ed abrusezi, Brignano el ga frecuentà l'Academia par zòveni comici creada da Gigi Proietti. El partesipa cofà comico a barzełetier a ła prima edision de'l programa La sai l'ultima?, in onda so Canale 5. Inte'l 1992 el ze ospite inte ła prima edision de'l programa tełevizivo Scherzi a parte conduzesto da Teo Teocoli e Gene Gnocchi.

Da'l 1998 a'l 2000 el interpreta el roło de Giacinto in Un medico in famiglia; ła serie tv ła ghe ofre na mazor vizibiłità e soratuto un reconosimento da parte de'l pùblego che'l ło segue anca in teatro; de'l 1999 A ze el primo spetacoło tuto suo, Io par voi un libro aperto, da Ostia Antica, trazmeso in direta anca da Mediaset so Canale 5. Inte'l 2000 el zira el só primo film da rezista e protagonista Si fa presto a dire amore a'l fianco de Vittoria Belvedere. El taca l'aseza inte'l mondo de'l spetacoło grasie a łe tournée estive de teatro e cabaret e inte'l 2001 Carlo Vanzina el ło sernìse par el roło de Francesco inte'l film South Kensington indove ch'el resita a'l fianco de Rupert Everett.

El interonpe ła carièra sinematogràfega par dedicarse mazormente a ła so vera pasion, el teatro, e cusì el scrive e interpreta racuanti spetacołi prima de tornar da novo so'l gran schermo a'l fianco de Vincenzo Salemme e Giorgio Panariello co i cuałi el zirarà altri film inte i ani drìo. Inte'l 2007 el conduze un quiz so Rai 2, da'l titoło Pyramid, co Debora Salvalaggio. Da'l 2007 a'l 2011 el fa parte de'l cast dei comici de Zelig. Inte'l 2008 el interpreta na picoła parte inte'l film Asterix alle Olimpiadi.

Inte el 2010 el interpreta a teatro el roło de Rugantino, òpara de'l 1962 de Garinei e Giovannini, roło che in pasà ga vestìo grandi atori cofà Nino Manfredi, Toni Ucci, Enrico Montesano, Adriano Celentano e Valerio Mastandrea. Inte'l 2012 el ze guest-star inte ła serie tełeviziva I Cesaroni 5, łe cui ripreze łe ze scominsiàe el 14 łujo 2011. Senpre inte'l steso ano el ze ospite inte'l programa Panariello non esiste e el conduze Le Iene, co Ilary Blasi e Luca Argentero, st'ùltemo sostituìo da Alessandro Gassmann e drioman da Pippo Baudo e Claudio Amendola.

Inazonta el ze na segonda volta ospite (e vitima) a Scherzi a parte, conduzesto 'sta volta da Luca Bizzarri e Paolo Kessisoglu. Sabo 28 avril 2012 el ga fato parte de ła zurìa spesiałe inte'l talent show Amici di Maria De Filippi. Grasie a'l suceso otenjesto da'l só primo monołogo, el sarà prezente inte'l programa in tute łe serade sucesive in veste de comico. El 19 magio durante ła finałe a l'Arena de Verona el condana i sasini de l'atentato a ła scòła de Brindisi: “No sè òmeni e no sè njanca bestie parchè łori 'ste atrosità no i łe comete. A me auguro che finié inte ła caldèra de l'Inferno”.

El 17 de agosto 2013 el reseve a Catanzaro el "Riccio d'argento" de ła 27ª edision de Fatti di musica par el novo spetacoło Il meglio d'Italia. Senpre inte'l 2013 el vien sielto par dopiar el putinòto de neve parlante Olaf inte'l film Disney Frozen - Il regno di ghiaccio. Da'l 28 febraro 2014 el conduze par cuatro vènare el programa so Rai 1 Il meglio d'Italia.

Vita privà

Inte el 2008 el spoza ła bałarìna Bianca Pazzaglia, da ła cuała el se separa inte'l 2013.

Dal 2014 el ze fidansà co l'atrise e condutrise Flora Canto, da cui el ga avesto na puteła, Martina, nasésta a Roma el 10 febraro 2017.

Curiozità

• Nonostante el parsonazo da łu interpretà in Un medico in famiglia sia tifoso d ła Roma, Brignano in realtà el ze un incanjìo tifozo de ła Lazio. In ocazion de ła festa par el sentenario de ła sosietà biancosełeste, el ga interpretà in una seneta el prinsipałe fondador de ła Lazio, o sia el sotofisiałe dei Bersaglieri nonché podista roman Luigi Bigiarelli.
• I só spetacołi i ze snenrpe conpanjài da canson da łu scrite e intarpretàe.
• El ga verto el cao de l'ano 2012 ai Fori Imperiali de Roma insieme ai Negramaro.
• Unitamente a Fiorello e Fabrizio Frizzi, el ga partesipà a un prozéto a sfondo benefico par reałizar ła "Casa di Andrea e di Tutti i Fiorellini del Mondo", un sentro de suporto ai putełi colpìi da gravi patołozìe e a łe só fameje.

Filmografia

Ato

Sinema

Enrico Brignano a ła prexentasion de Un'estate ai Caraibi (2009)

• Ambrogio, regia de Wilma Labate (1992)
• Miracolo italiano, regia de Enrico Oldoini (1994)
• In barca a vela contromano, regia de Stefano Reali (1997)
• La bomba, regia de Giulio Base (1999)
• Si fa presto a dire amore, regia de Enrico Brignano (2000)
• South Kensington, regia de Carlo Vanzina (2001)
• SMS - Sotto mentite spoglie, regia de Vincenzo Salemme (2007)
• Un'estate al mare, regia de Carlo Vanzina (2008)
• Asterix alle Olimpiadi (Astérix aux Jeux Olympiques), regia di Frédéric Forestier e Thomas Langmann (2008)
• Un'estate ai Caraibi, regia de Carlo Vanzina (2009)
• La vita ze una cosa meravigliosa, regia de Carlo Vanzina (2010)
• Sharm el Sheikh - Un'estate indimenticabile, regia de Ugo Fabrizio Giordani (2010)
• Faccio un salto all'Avana, regia de Dario Baldi (2011)
• Ex - Amici come prima!, regia de Carlo Vanzina (2011)
• Ci vediamo domani, regia de Andrea Zaccariello (2013)
• Stai lontana da me, regia de Alessio Maria Federici (2013)
• Tutte lo vogliono, regia de Alessio Maria Federici (2015)
• Poveri ma ricchi, regia de Fausto Brizzi (2016)
• Poveri ma ricchissimi, regia de Fausto Brizzi (2017)
• Tutta un'altra vita, regia de Alessandro Pondi (2019)

Tełevizion

• Le mele marce, regia de Raffaele Festa Campanile - film TV (1992)
• Par amore o par amicizia, regia de Paolo Poeti - miniserie TV (1993)
• Il maresciallo Rocca - serie TV (1996)
• Un medico in famiglia - serie TV (1998-2000)
• Sant'Antonio di Padova, regia de Umberto Marino - film TV (2002)
• Il bambino di Betlemme, regia de Umberto Marino - film TV (2002)
• Raccontami una storia, regia de Riccardo Donna - miniserie TV (2004)
• Finalmente Natale, regia di Rossella Izzo - film TV (2007)
• VIP, regia di Carlo Vanzina - film TV (2008)
• Finalmente a casa, regia de Gianfrancesco Lazotti - film TV (2008)
• Fratelli detective, regia di Giulio Manfredonia - film TV (2009)
• Fratelli detective - serie TV, 12 epixodi (2011)
• Un Natale par due, regia di Giambattista Avellino - film TV (2011)
• I Cesaroni - serie TV, epixodio 5x14 (2012)