Rotasismo

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Ere fransexa

El tèrmano rotacismo o rotasismo in fonètega el ìndega na caratarìstega fonètega artegołatòria (mejo conosesta cofà ere fiapa, o ere sgneca o ere fransexa) pròpia de racuante persone che łe ga na pronunsa del sono de ła ere difarente da ła doparasion comun o da ła doparasion popołare inte el vèneto o inte calsiasi altra łéngua.

Difarentemente da ła major parte dei disturbi de ła pronunsa o de lenguajo curai dai logopedisti, el rotasismo el połe èsar gavesto da on difeto orgànego, on exénpio el połe èsar cheło de ver on frenuło lenguałe curto da ła nàsita o de on pałà oxivałe.

Inte ła major parte dei caxi, sta cuà ła xe na caraterìstega spesìfega de ła persona, saria dire che el indivìduo el dòpara in manjiera inconsapévoła ła łéngua, defati, inte on mùcio de persone infete da sta caraterìstega, ła łéngua al posto de vibrar inte ła parte anteriora del cavo orałe (o sia rente ai denti), ła vibra inte ła parte posteriora (veło pałatin o xona de l'ùgoła), produxendo na vibrante uvułare o fregadiva uvułare sonora; in altri, połe no sonar pròpio, produxendo par exénpio na aprosimante labiodentałe.

El rotacismo, anca se no el fa parte de ła normała fonołoxia de tante łéngue, el vien doparà coretamente in altretante łéngue, andove ła xe considarada na dision stàndar e de consevensa on sono "normałe".

Altri projetiCànbia

Linganbi forestiCànbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Rotasismo&oldid=957937"