Ericsson

Ericsson (Telefonaktiebolaget LM Ericsson) ła ze na multinasionałe zvedeze oparante in 180 paezi inte ła fornidura de tecnołozìe e servisi de comunegasion, software e infrastruture in anbito ICT (Information and Communication Technology) a oparadori de tełecomunegasion, pùblega aministrasion e altre industrie.

Un antigo tełefono de ła Ericsson consarvà inte'l Birmingham Science Museum a Nottingham.

Tełefono Cełułare ET237 metà ani '90

El ze cuotà a ła Borsa de Stccolma e a ła Borsa de New York (NASDAQ: ERIC

).

El ze menbro de l'Istituto europèo par łe norme de tełecomunegasion (ETSI).

Storia

I inisi

Fondada inte'l 1876 inte'l sentro de Stocolma cofà negosio de reparasion de tełegrafi da Lars Magnus Ericsson, un trentene che'l ga za łaorà inte na azienda de achipajamenti tełegràfeghi par l'azensia governativa zvedeze Telegrafverket. Do ani pì tardi el scominsia, insieme a un amigo, Carl Johan Andersson, a prodùzer e vénder ła propia atresadura tełefònega: el primo contrato par ła fornidura de tełefoni e cuadri ełètreghi el ze co ła prinsipałe sosietà zvedeze de tełecomunegasion, Stockholms Allmänna Telefonaktiebolag. Senpre cuel'ano Ericsson ła otien da na inpreza inportadora de tełefoni: l'incargo de métar a ponto e mejorar tełefoni Bell e Siemens. E łu, che'l conoseva za cuełi tełefoni dai tenpi cuando che'l łaorava a ła Telegrafverket, el ze bon de prozétar un stromentod e cuałità suparior da poder èsra doparà da nove conpanjìe tełefòneghe cofà Rikstelefon e capasi de fornir un servisio pì econòmego respeto a'l Grupo Bell. E da'l momento che Bell no ła ga brevetà łe só invension in Scandinavia, Ericsson no ła ga problemi de breveto o royalty. A ła fine de'l 1879 el taca prodùzer tełefoni co un design resercà deventando uno dei pì inportanti fornidori de achipajamenti tełefòneghi in Scandinavia. E da'l momento che łe sóu materie prime łe ze in gran parte inportàe, inte i ani drio Ericsson ła acuizise un serto nùmaro de aziende par garantirse łe fornidure de oton, fiło, ebanite e asaro manjàtego.

Inte'l 1883 el Gruppo Bell el forma in Zvesia na sosietà tełefònega independente ciamada Stockholms Allmänna Telefonaktiebolag e el strenze un pato co Ericsson par l'atresadura par ła só nova rede tełefònega. Inte'l 1918 łe do sosietà łe se fonde in Allmänna Telefonaktiebolaget LM Ericsson.

Ericsson in Itałia

In Itałia Ericsson el òpara da'l 1918 con łe sosietà FATME e SEI. Roma ła ze sede de'l cuartier zenarałe de'l Gruppo Ericsson in Itałia, 3.000 ze i dependenti.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Ericsson

Linganbi foresti

• (inglezo) Sito ufisałeericsson.com.