I Europe i ze un grupo rock zvedeze che'l se ga formà inte'l 1981 e ativo fin a'l 1993. El se ga reformà inte'l 1999 i ze uncora ancò in atività.

Infotaula de personaEurope

(2016) Cànbia el vałor in Wikidata
Atività
Atività 1979 Cànbia el vałor in Wikidata –
ZènareSpeed metal (it) Traduzi, glam metal (it) Traduzi e rock duro Cànbia el vałor in Wikidata
Targheta discogràfega
Eror Lua: callParserFunction: function "

[[Categoria" was not found.


Sito webeuropetheband.com Cànbia el vałor in Wikidata
IMDB: nm1654780










Facebook place: europetheband
Twitter: europetheband
Instagram: officialeuropetheband


MySpace: europe


Youtube: UCcVWnNUkJcqn2-7QUIk_wIQ








Souncloud: europe-official
Spotify: 7Js6Lde8thlIHXggv2SCBz


iTunes: 461932
Last fm: Europe
Musicbrainz: ccfe7a3c-1a45-4984-a8d0-644549cefe61
Songkick: 337597
Discogs: 251950


Allmusic: mn0000170381














Tra i màsemi esponenti stòreghi de l'hard rock mełòdego, i Europe ai ezordi i varcava i confini e i ga otenjùo el suceso de'l grando pùblego inte'l 1984 co'l segondo àlbun Wings of Tomorrow e i ga razonzesto el pico de ła notoriedà a łeveło mondiałe inte'l 1986. El só suceso no soło el ga redesenjà nove temàteghe e el ga provocà de łe imitasion, ma par ła prima volta el ghe ga fato vadanjar a l'heavy metal na notevołe espozision radiofònega[1].

El grupo el ga do dei 20 mejo àlbun inte ła clasifega Billboard 200 (Out of This World), (The Final Countdown) e tre primi 30 singołi inte ła Billboard Hot 100 chart (Rock the Night, Carrie e The Final Countdown).[2]

Co 13 ani de conserti e 5 àlbun in studio, inte'l 1993 i se gavea ciapà na pauza, riunìndose inte'l 1999 a ła viziłia de'l cao d'ano 2000 par na performance in Stocolma. Da ałora i ga publegà nantri sìe àlbun e sucesivi tour mondiałi, Start from the Dark (2004), Secret Society (2006), Last Look at Eden (2009), Bag of Bones (2012), War of Kings (2015) e l’undezèzemo Walk the Earth publegà el 20 otobre 2017 da ła caza discogràfega Hell & Back. El ze stà produzesto da Dave Cobb e rezistrà inte i Abbey Road Studios' de Łondra. Anca grasie a 'st'ùltemo łaoro el grupo inte l'edision 2018 dei Grammy Awards, el ze stà nominà a premià come grupo "Best Hard Rock/Metal".[3]

Uno dei só prinsipałi punti de forsa el ze da senpre el setore live, łe influense prinsipałe de'l grupo łe ze Whitesnake, Deep Purple, Rainbow, Led Zeppelin, Thin Lizzy, UFO e Michael Schenker Group.[4][5]

Someja promosionałe dei Europe par l'àlbun Bag of Bones (2012)

El grupo el ze costituìo da Joey Tempest (voze), Mic Michaeli (tastiere), Ian Haugland (bataria), John Levén (baso) e John Norum (ghitara).

Łe orìzeni canbia

Ian Haugland da'l vivo

In Zvesia, inte'l 1978, el cantante e ghitarista John Norum, el basista Peter Olsson, el baterista Tony Niemistö, el ghitarista Micke Kling e el basista Jan-Erik Bäckström, provenjienti da Upplands Väsby, soborgo de Stocolma (Zvesia), i gaveva formà na rock band ciamada WC. I WC i sonava cover de clàseghe rock band cofà i UFO, i Thin Lizzy e i Status Quo e i ze deventà presto asè popołari, grasie soratuto a'l tałento de Norum a ła ghitara. Dopo poco, parò, el grupo el se ga desfà, poiché i conponenti i gavea demostrà pì intarese par feste e toze che par ła mùzega.

Inte'l 1979, Olsson el ga ciamà Norum proponendoghe de reformar i WC insieme a'l baterista Werner. Werner dopo poche setimane el ga zbandonà el prozeto e el ze stà renpiasà de novo da Tony Niemistö.

Po' gavemo desidesto ch'A ne serviva un cantante, un òtemo cantante., op. cit., John Norum

Europe da'l vivo

I ghe ga proponesto a Joakim Larsson, só amigo de Norum e a l'èpoga basista de'l grupo Roxanne, de unirse ai WC. Benché tra i Roxanne ed i WC no'l corese bon sangue, Joakim el ga acetà vołentiera e el ga proponesto de canbiar el nome de'l grupo in Force, na citasion de l'àlbun dei UFO Force It.

Joakim el ga scrivesto canson inisialmente so ła só ghitara acùstega e cuindi prové da l'intiero grupo co ła ghitara ełètrega de Norum. Algune de łe canson scrite da Joakim in chel parìodo ze Rock On, Strange, Midnight Show, Black Rose e Can't Work It Out. Ben presto i Force i ga devenjesto el grupo rock pì conosùo a Upplands Väsby. A cuel tenpo, i cuatro i reseveva 100 Kronor zvedezi (sirca 10 euro) par onji conserto. Inte'l 1980 i gaveva rezistrà na prima demo, conposta da sìe trase, che ła zera stà spedìa a racuante caze discogràfeghe łe cuałe no łe gaveva miga mostrà partegołar intarese, non retenjendo che un grupo hard rock zvedeze el podese aver suceso.

John Leven da'l vivo

L'ano drìo (1981) Olsson el ga łasà i Force. Mentre el trio el zera in serca de un novo basista, ze stà rezistrada na segonda demo co Joakim a'l baso. De novo i ga avesto na resposta negativa da parte de łe caze discogràfeghe.

Po' Norum el ze ndà da John Levén, uno dei só amisi che a cuel tenpo el sonava ła ghitara ritmica, chiedéndoghe de entrar inte'l grupo come basista. Levén el ghe ga pensà un fià sù, po' el ga desidesto de unirse ai Force. El mèdemo ano i Force i ga partesipà, sensa suceso, a na conpetision de grupi rock, restandone grandemente dełuzi. Inte l'apriłe 1981 Levén el ga resevesto na oferta da parte de Yngwie Malmsteen de unirse ai só Rising Force. Da'l momento che Yngwie el zera asàe famozo e apresà in Zvesia, Levén no'l ga podùo rezister e el ga acetà l'oferta. El só rinpiaso inte i Force ze stà Marcel Jacob, l'ex basista de Yngwie.

Joey Tempest da'l vivo

Inte'l parìodo in cui Marcel el ga fato parte dei Force, ze stà scriveste do canson: The King Will Return, che ła sarìa stà incluza inte'l primo àlbun omònemo e Black Journey For My Soul che co'l titoło modifegà de Scream Of Anger sarìa deventada una de łe pì potenti trase de Wings of Tomorrow.

Jacob no'l ze restà łongo inte i Force; el ga łasà el grupo dopo soło 3 mezi e 2 conserti. El singoło che Levén e i Rising Force i zera drìo rezistrar no'l ze stà mai reałizà. I do basisti i se ga scanbià da novo grupo e Levén el ze tornà inte i Force, mentre Jacob el ze tornà inte i Rising Force. Pì tardi Jacob el gavarìa łasà Yngwie e formà i Talisman insieme a Jeff Scott Soto.

El grupo el gaveva sentìo de aver bezonjo de un manager, e ghe ga ofrìo a Erdtman el łaoro. Inte'l tardo febraro, in contenporanea co ła reałizasion de l'àlbun, Joey e Thomas i ga inisià un viazo de promosion par i Europe. Inisialmnete i ze ndà inte i Stati Unìi par negosiar un contrato intarnasionałe per el grupo. Erdtman el gaveva apontamento co łe pì grande caze discogràfeghe: ła Polygram, A&M, Warner Bros. e CBS. A New York Erdtman el ga incontrà un vecio cołega de ła CBS che'l ło ga jutà inte'l departimento de ła A&R, alla Epic Records. El ga łasà łì na copia de Wings of Tomorrow co el nùmaro de l'albergo ndove che'l ałozava. Presto el ga avùo na ciamada da parte de Lennie Petze, el manager de'l departimento A&R de ła Epic, che'l ga fisà un apontamento co Erdtman. Intanto Thomas e Joey i zera so ła strada par Los Angeles par incontrar de łe parsone de ła A&M. Petze, che'l gavéa pianifegà de ndar a San Francisco, el ga desidesto de ndar a Los Angeles invese, par poderli incontrar. N'ora prima de l'incontro stabiłìo co ła A&M, Joey e Thomas i ga diznà insieme a Petze e i ga anułà l'apontamento co ła A&M. Daspò l'incontro co Lennie Petze, Joey e Thomas i ga zvołà a Tokyo, in Japon. Par na setimana intiera Joey el se ga dedicà solche a intarviste co zornałi, tełevizion e stasion radio.

Tornà in Zvesia, el ga scominsià el Wings of Tomorrow tour, a Mjölby, in Zvesia, inte'l tardo apriłe 1984. 'Sta volta i Europe i gaveva un mejo ecuipagiamento de łuzi e soni, cuindi i conserti i zera co na mejo cuałità tècnega. Ga canbià anca el look dei conponenti de'l grupo: tuti i se ga fato na permanente e i se ga conprà novi vestidi da conserto.

Joey el gaveva sonà łe tastiere sia inte i àlbun che inte i conserti, ma mìa el zera bon de sonar e cantar contenporaneamente. Sicome el preferiva consentrarse soło su'l canto e łe tastiere łe jera drio deventar senpre pì inportanti inte'l stiłe muzegałe dei Europe, i ga gaveva desizo cuindi de catar un novo tastierista che'l sonase ai conserti. Joey el ga pensà a Gunnar Michaeli, che'l gaveva visto inte i Avalon na volta ad un rock gala. In cuel parìodo Gunnar el gaveva da rezistrar un àlbun co'l só novo grupo, i Universe, ma cuando ghe ze stà dimandà de unirsi ai Europe, el ga łasà i Universe e el se ga unìo ai Europe. Anca łu el ga desidesto de sernir un nome d'arte, Mic Michaeli.

A metà de l'istà de'l 1984, i Europe i ga ciapà na pauza da'l só Wings of Tomorrow tour par sonar a un grando festival rock in Finlandia. Cueło el ze stà el primo conserto a l'estero, e el ze stà un suceso. El łaoro de Mic co łe tastiere in tour ghe ga vałesto l'invido ad unirse ofisialmente a'l grupo.

El primo contrato canbia

Inte'l 1982 in Zvesia ze stà łansada ła conpetision Rock SM (Swedish rock championship), guidà da Thomas Erdtman. 'St'altro el zera stà el manager prima de ła CBS Records po' el se ne jera ndà e el gavea fondà ła Hot Records. Ła conpetision ła jera stà organizada insieme a'l zornałe Aftonbladet, de'l cuałe A zera manager l'isteso Erdtman. I grupi che no i jera soto contrato, i gavarìa podesto inviar demo, che sarìa stàe scoltàe e un serto nùmaro de grupi el sarìa stà sernìo par partesipar diretamente a ła conpetision. El grupo vinsente el gavarìa avùo un contrato co ła Hot Records.

I Force, viste łe preseenti dełuzion, no i zera tanto interesà a ła gara, ma ła moroza de Joakim, Anita Katila, ła ga convinsesto i 4 a rezistrar na demo. El nastro el contenjeva sincue canson: The King Will Return, Seven Doors Hotel, Rock On, Children Of This Time and Paradize Bay. I tozi i ga desidesto de non inviar ła demo, non retenjindoła sufisientemente bona.

Se gavevimo dezintaresà de ła demo e zerimo finìi ben presto co'l dezmentegarse anca che ła gavevimo rezistrada., op. cit., John Norum

Europe da'l vivo

Ma giusto pochi zorni prima de ła scadensa, Anita ła ga invià el nastro a ła Rock SM sensa dirgheło a Joakim e ai altri de'l grupo. Ła conpetision ła ze stà un suceso. Erdtman el ga resevùo un totałe de 4000 casete e el łe ga scoltà tute. I Force i jera stà siełesti par partesipar a 80 gare, insieme a 485 grupi. I 4 i gavea inisià a ezersitarse seriamente parché stavolta i gaveva na ocazion ùnega.

Ma i tozi no i ghe credeva che el nome Force el fuse bastansa bon. I sonjava de deventar famozi a l'èstaro, cuindi i vołeva un nome che'l gavese l'isteso senjifegar in tuto el mondo. Joakim el ga suzerìo el nome Europe, che'l gaveva ciapà da l'àlbun live dei Deep Purple Made in Europe ed el resto de'l grupo el gaveva acetà de bon grado.

L'isteso zorno che i Force i ze deventà i Europe, i ze ndà a Solna par partesipar a ła prima parte de'l Rock SM. Una de łe band che i ga incontrà ze stà i Trilogy, el cui baterista el zera a chel tepo Ian Haugland. I Trilogy i ze ndà fora, mentre i Europe i ga avesto aceso ai cuarti de finałe. Erdtman l'è restà inpresionà dai Europe, soratutao da ła voze de Joakim, benché el sercase un grupo pop, non un hard rock.

Durando ła conpetision, Levén el gaveva finìo el só servisio miłitar, mentre Norum el ga catà el tenpo de ndar in tour insieme a uno dei pì famozi rockers zvedezi: Eddie Meduza. I Europe vi ga vinsesto i cuarti de finałe a Uppsala e i ze rivà a ła semifinałe a Södertälje che i ga vinsesto co fełisità acedendo cusì a ła finałe.

Intanto Joakim el ga desidesto de sełierse un nome d'arte. Se el grupo el fuse mai devenjùo famozo a l'èstaro, el ghe sarìa servìo un nome d'arte. El gavarìa vołùo aver un nome co n'asosiasion stòrega. Infin el ga sełiesto el nome Joey Tempest.

Co gavevo 12 ani go vizità i Stati Unìi e i tozi no i riusiva a pronunsiar Joakim coretamente, e i me ciamava Joe. Na volta, inte na łibarìa, go visto un łibro co'l titoło The Tempest (William Shakespeare). Cuindi go desidesto de métar i do nomi insieme e el sonava ben., op. cit., Joakim Larsson, in arte Joey Tempest


Tony el saveva che anca el só conjome, Niemistö, el sarìa stà difisiłe da pronunsiar a l'èstero e el gavea desidesto de sernir el nome d'arte de: Tony Reno. I do John invese i ga desizo de consarvar i só nomi reałi.

Ła finałe de ła Rock SM ła jera stà fisada par el 12 desenbre 1982 a Gröna Lund a Stocolma e trazmesa in tełevizion. A jera restà soło 8 grupi e i Europe i zera i favorìi. I 4 i ga sonà do canson: In The Future To Come e The King Will Return. Tra ła zurìa A jera prezenti łe rockstar Mikael Rickfors, Thomas Ledin e l'isteso Thomas Erdtman el cuało, pur avendo strenzesto amighesa co i Europe, no'l łi ga votà cofà mejo grupo. El primo premio el zera un contrato co ła Hot Records, e no'l pensava che i Europe, un grupo hard rock che i cantava in ingleze el gavarìa mai vendùo un granché in Zvesia. In conpenso, el gaveva votà par Tempest come mejo cantante e par Norum come mejo ghitarista. Ma, grasie a'l resto de ła zurìa, i Europe i ga vinsesto ła conpetision. Come se no fuse bastansa, Tempest e Norum i ga vinsesto el premio respetivamente come mejo cantante e ghitarista.

Benché a Erdtman ghe piazese i Europe, el gavea pensà che un pochi de canbiameinti łi gavarìa rezi pì de suceso. El ghe ga suzerìo a'l grupo de convertir el só sono a uno pì pop, ma Norum el ga refiudà categoregamente, anca parché no'l amava asàe Thomas, e njente A zera canbià.

Ła vitoria dei Europe inte'l Rock SM no ła ze stà soło un trapołin de łanso par łori, ma anca par l'hard rock zvedeze. A ze stà descoverte da ła CBS Rercords nantre tałentuoze band cofà par ezenpio i 220 volt, che i ze deventà famozi in Zvesia.

Joey Tempest da'l vivo a l'Alcatraz de Miłan inte'l 2004, durando el Start from the Dark Tour

Inte'l desenbre 1982 i Europe i ga rezistrà in poche setemane el só àlbun de debuto, (ciamà senplisemente Europe) e ło gaveva publegà el 24 febraro 1983. Par rezistrar ła strumentałe Boyazont, scrita da John Norum e Eddie Meduza, ga bastà 30 menuti. Inte l'àlbun A zera stà incluze łe nove varsion de łe canson contenjùe inte ła demo, pì In The Future To Come e nove canson come Words of Wisdom e Memories. El testo de Rock On l'è stà modifegà e incluza inte l'àlbun co'l titoło Farewell.

El stiłe el zera hard rock mełòdego e A ze ovio che'l sia stà influensà da grupi come Thin Lizzy, Deep Purple e Rainbow i cuałi i ghe piazeva asé ai menbri de'l grupo. Ma gli Europe i ga avùo senpre un só partegołar stiłe, grasie soratuto a l'abiłità de conpozidor de Joey Tempest.

Ła Hot Records ła zera na picoła caza discografega, cuindi el stansià soło na picoła suma par Europe: 100.000 kronor zvedezi (suparzó 14.000 euro). Ła cuałità de'l son de l'àlbun no ła jera stà grandioza, soratuto parché l'hard rock in Zvesia el zera un zènare nasùo da poco: A ze stà difisiłe catar produtori e tecnici in grado de mixar chel son. Ma i Europe i gaveva provà ad autoprodurse l'àlbun e'l rezultado l' stà bon. I ga otenjùo anca un ajuto da Thomas Erdtman e da l'inzenjer de'l sono Erik Videgård.

Ła covertina orizenałe de l'àlbun ła rafegurava senplisemente i cuatro menbri de'l grupo so un sfondro blé. El logo Europe, che tutora el contradistingue tuti i só singołi e àlbun (fata ecesion par l'ùltemo Always the Pretenders), el ze stà desenjà da'l fradeło de Tony Reno, Toivo Niemistö.

I Europe i ga devenjesto asàe popołari in Zvesia e l'àlbun el ga razonzesto l'otava pozision inte łe clasifeghe zvedezi, vendendo 30 000 copie inte łe prime do setimane da l'usida, rezultado che'l se podeva considarar òtemo. In totałe ga vendùo 1 miłion de copie de Europe in tuto el mondo.

Un'intarvista in studio co i Europe e Children of This Time sonada da'l vivo, inte l'avril 1983, che i zera stà trazmesi inte ła popołar TV Casablanca, ła ghe ga donà pì popołarità a'l cuarteto. Pì tardi, in primavera, ga tacà el tour de 25 conserti in totałe. Anca el tour el ze stà un suceso, ezaurindo tuti i posti a scuazi tuti i conserti. A cuel tenpo i Europe i godeva ancora de un scarso achipajamento par i conserti, i ze deventà comuncue el grupo hard rock pì famozo de ła Zvesia e i ze finìi arcuante volte so i zornałi.

Un zorno, ła zornałista japoneze Masa Itoh ła ga vizità un negosio de dischi inportài a Łondra. Łì ła ga catà l'àlbun Europe e ła ga desidesto de cronparlo. Ła ło ga scoltà e ła ghe ga piazesto a tal ponto che ło ga fazesto scoltar anca a un só caro amigo, T.T. Tsutsumi, el diretor de ła caza discografega japoneze Victor Records, e'l ghe ga piazesto anca a łu. Erdtman el ga resevùo na ciamada da Tsutsumi, che'l ghe ga dito de èsar intaresà a ła difuzion de Europe in Japon. L'àlbun el ze stà cusì publegà in Japon, dove el ga otenjùo un gran suceso, razonzendo ła diezema pozision inte łe clasifeghe, soratuto grasie a'l singoło Seven Doors Hotel, el cuało l'è stà sparpanjà anca in Zvesia ma no'l ga vendesto tanto cuanto in Japon.

Ze stà anca zirà el primo videoclip par ła trasa de vertura de l'àlbun: In The Future To Come. Ła suma stansiada par el videoclip no'l zera granché e'l rezultado el ghe n'a resentìo asè. Inte'l video, i 4 i sona inte na zona dezerta coverta totalmente de neve (che in realtà el zera saon) e conparise imagini de łansi de rasi ed esplozion. El video l'è stà trazmeso soło un paro de volte da ła tełevizion japoneze e ancora uncò i Europe no i ghe ne va orgojozi.

Erdtman el ga pensà che i Europe deso i ga dovesto trovarse un novo look, ma el grupo el ghe n'a dezintaresà.

Wings of Tomorrow canbia

Da'l momento che Europe el zera stà un cusì grando suceso in Zvesia, no A ghe ze stà dubio revard' a'l rezistrar un novo àlbun. Thomas Erdtman el ghe gavea dà a Joey un studio portatiłe, che po el zera un rezistrador. Joey el gavea spendesto tanto tenpo co'l só rezistrador, creando łe demo de łe canson de'l sucesivo àlbun dei Europe.

Co gavevo da rezistrar na demo, par prima roba inpostavo ła trasa de ła bateria,cantusando a mi mèdemo ła canson, po rezistravo łe trase de ghitara, tastiere e voze, de sòłito siò el rechiedeva tanto tenpo, e speso A fałavo. Cuindi A gavevo da scominsiar tuto da'l prensipio., op. cit., Joey Tempest


In cuel parìodo Joey el zera asàe influensà da'l prozesto sołista de'l ghitarista Michael Schenker dei UFO. 'Sta influensa ła pol èsar notà soratuto in canson come Wings of Tomorrow. Nantre canson che Joey el gaveva conponesto A ze łe bałade Dreamer e Open Your Heart. L'àlbun l'è stà po' ciamà Wings of Tomorrow e el ze stà rezistrà durando l'inverno de'l 1983-1984 ai Polar Studios, uno studio uzà presedentemente da band come ABBA, Scorpions e Led Zeppelin. Ze stà cui che i Europe i gaveva incontrà Leif Mases, za conosùo pa'l só łaor co i Led Zeppelin, che i gavaria produzesto l'àlbun.

Ła suma stansiada par Wings of Tomorrow ła jera stà de 400 000 corone zvedeze (sirca 56 000 euro). Ła cuałità de'l sono de Wings of Tomorrow ła ze stà mejo de cueła de l'àlbun presedente, ma Joey no el ze stà conpletamente sodisfà de ła produsion.

L'àlbun el ze stà publegà el 24 febraro de'l 1984, ezatamnete un ano dopo de ła publegasion de Europe. Poco dopo ła só reałizasion, 70 000 copie de l'àlbun łe jera stàe vendùe in Zvesia e in totałe – propio come Europe – un miłion de copie łe zera stà vendùe in tuto el mondo.

Orizenariamente el primo singoło del 'àlbun el gaveva da èsar Lyin' Eyes. Ma, el zorno de ła só publegasion, łe copie de'l singoło łe zera stà retiràee destrute a cauza de ła scarsa cuałità de ła rezistrasion. I Europe i ga desizo de optar par Stormwind come primo singoło.

El segondo singoło, Open Your Heart el ga avùo tanto suceso e el ga razonzesto ła segonda pozision inte łe clasifeghe Zvedeze. Altre grande canson de Wings of Tomorrow łe ze Wasted Time, ła strumentałe Aphasia, e una de łe canzoni più heavy dei primi Europe: Scream Of Anger, scrita da Joey e Marcel Jacob. El grupo el gaveva sentìo de aver bizonjo de un manager, e i ghe gaveva ofrìo a Erdtman el łaoro. Inte'l tardo febraro, in contenporanea co ła reałizasion de l'albun, Joey e Thomas i gaveva inisiù un viazo de promosion par i Europe. Inisialmente i ze ndài inte i Stati Unìip par negosiar un contrato intarnasionałe par el grupo. Erdtman el gaveva apontamento co łe pì grande caze discogràfeghe: ła Polygram, A&M, Warner Bros. e CBS. A New York Erdtman el gaveva incontrà un vecio cołega de ła CBS che ło gaveva jutà inte'l departimento de ła A&R, a ła Epic Records. Lasciò lì una copia di Wings of Tomorrow co el nùmaro del'albergo ndove che'l ałozava. Presto el ga avùo na ciamada da parte de Lennie Petze, el manager de'l departimento A&R de ła Epic, che el gaveva fisà un apontamento co Erdtman. Intanto Thomas e Joey i zera so ła strada par Los Angeles par incontrar de łe parsone de ła A&M. Petze, che el gaveva pianifegà de ndar a San Francisco, el gavéa desidestode ndar a Los Angeles invese, par poderli incontrar. N'ora prima de l'incontro stabiłito co ła A&M, Joey e Thomas i gaveva diznà insieme a Petze e i gaveva anułà l'apontamento co ła A&M. Dopo l'incontro co Lennie Petze, Joey e Thomas i ga zvołà a Tokyo, in Japon. Par na setimana intiera Joey el se gaveva dedicà soło a intarviste co zornałi, tełevizion e stasion radio.

Tornà in Zvesia, el gaveva scumisià el Wings of Tomorrow tour, a Mjölby, in Zvesia, inte'l tardo apriłe 1984. 'Sta volta i Europe i gavevva un mejo achipajamento de łuze e soni, cuindi i conserti i jera stà co na mejo cuałità tècnega. Jera canbià anca el look dei conponenti de ła band: tuti i se gaveva fazesto na permanente e i se gavéa cronpà novi vestidi da conserto.

Joey el gaveva sonà łe tastiere sia inte i àlbun che inte i conserti, ma no'l zera bon a sonar e cantar contenporaneamente. Sicome el preferiva consentrarse soło so'l canto e łe tastiere łe zera drio deventar senpre ì pì inportanti inte'l stiłe muzegałe dei Europe, i gaveva desizo cuindi de catar un novo tastierista che el sonase ai conserti. Joey el ga pensà a Gunnar Michaeli, che el gaveva visto inte i Avalon na volta a un rock gala. In cuel parìodo Gunnar el gavéa da rezistrar un àlbun co el só novo grupo, i Universe, ma cuando ghe ze stà dimandà de unirse ai Europe, el ga łasà i Universe e el se ga unìo ai Europe. Anca łu el ga desidesto de sernir un nome d'arte, Mic Michaeli.

A metà de l'istà de'l 1984, i Europe i ga ciapà na pauza da'l só Wings of Tomorrow tour par sonar a un gran festival rock in Finlandia. Cueło el ze stà el primo conserto a l'èstaro, e el ze stà un suceso. El łaoro de Mic co łe tastiere in tour el ghe ga vałesto l'invido ad unirse ofisialmente a ła band.

Pochi zorni dopo zera avenjùo n'altro avisendamento inte ła formasion: i Europe i ga łisensià Tony Reno. Ła desizion ła ze stà tolta da'l manager e a l'isanvùa de ła band[6]. Erdtman el ło ga łisensià par łétar. Po' i Europe e Tony i se ga incontrà n'ùltema volta e i ga parlà revardo a cuesto. Tony no'l ła gaveva ciapada par njente ben revardo a'l łisensiamento:

No go ła minema idèa de'l parché i me gabia łisensià. A l'inprovizo ła łétara! Anca i altri tozi de tanto in tanto i łasava a metà łe prove., op. cit., Tony Reno

John Norum da'l vivo co i Europe inte'l 2009

Norum el gaveva descoverto che el baterista fondador dei Trilogy, Ian Haugland, el zera drio sercar na nova band. A cuel tenpo Ian el łaorava a l'aeroporto Arlanda a Stocolma e speso el pensava de catar un grupo a'l cuało unirse. Thomas Erdtman el ło ga ciamà e łasà un mesagio so ła segreteria tełefònega. Pì tardi Ian el ło ga ciamà e ghe ze stà dito che i Europe i jera intaresài ad averlo come novo baterista. Ian el ne ze restà colpìo e el se ga incontrà co ła band a ła só nova sała prove.

Ła band co ła nova formasion ła se ga ezersità par un intiero méze, e Ian el ze stà integrà inte i Europe. Drioman, i Europe i zera tornà on the road par conpletar el só Wings of Tomorrow tour, che sarìa repartìo da Värmland. Nuove canson come Rock the Night e Ninja łe zera inserìe inte ła scałeta dei conserti e łe zera stà acolte całorozamente dai fan. Un bel'augurio par el pròsemo àlbun, dao che łe zera destinàe a farne parte. El Wings of Tomorrow tour el zera termenà co ła fine de'l 1984.

Notasion canbia

  1. Eror: <ref> nisun testo par el marcador Running with the Devil
  2. Europe – Chart HistoryBillboard. entrada il 3 ottobre 2019 (archivià il 12 maggio 2019).
  3. spaziorock.it, http://www.spaziorock.it/news.php?&id=europe-band-vince-edizione-svedese-grammy-ultimo-album.
  4. (EN) Europe – Interview with Joey Tempestmetal-rules.com. entrada il 23 marzo 2014.
  5. (EN) Joey Tempest - Europe - Uber Rock Interview Exclusiveuberrock.co.uk. entrada il 23 marzo 2014 (archivià dal URL orizenałe il 16 settembre 2019).
  6. Tony no'l rivava mai in tenpo par łe prove. Na mez'ora ła ndava ben, ma mìa do o tre ore. De tanto in tanto no'l se prezentava njanca. Cuindi zerimo in còłera co łu. E comuncue a łu no'l inportava. El pensava che A fuse pì inportante star caza co ła só moroza che ezersitarse. E cuando che gavemo dito cuesto, el se ga meso a rider., op. cit., John Norum
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Europe&oldid=1167260"