F.lli Saclà

F.lli Saclà
	;
Dati
Sorte	inpreza
Indùstria	trasformasion agroałimentare
Forma zurìdega	S.p.A.
Istòria
Creasion	1939 , Asti
Fondador	Secondo "Pinin" Ercole (it) e Piera Campanella (it)
Governo d'impresa
Sito web	sacla.it
	Pozision

F.lli Saclà, ła ze na azienda italiana del setor ałimentar fondada ad Asti inte'l 1939; el nome ze un acrònemo de "Sosietà Anonema Comersio laorasion Ałimentari". La ze stà fondà da Secondo "Pinin" Ercole e da ła mujer Piera Campanella co l'idea de utiłizar l'ecedensa produtiva de verdure tìpeghe de l'Astezan e trasformarle in un prodoto consarvà. L'azienda ła ze ancora a condusion famejar guidà dai redi e ła ze cao inte'l marcà dei sotazedi e dei sotojo, esportando in oltre cuaranta paezi del mondo.^[1].

Storia

Ła Sacla, "Sosietà anònema comersio łaorasion ałimentari", a ła cuała soło drìoman venjarà zontà l'acento so ła segonda a par ezigense publisidarie, zera stà fondà inte'l 1939 ad Asti da Secondo "Pinin" Ercole e da só mujer Piera Campanella che, inisialmente, se gaveva dedicà a ła produsion e comersio de conserve vezetałe in Piemonte, par po' zlargar ła destribusion in tuta Italia^[2].

L'azienda costitusie l'evołusion de ła "Salpa", Sosietà anònema łaorasion prodoti ałimentari che Ercole gaveva invità inte'l 1923 inte i dizmesi anbienti de un łocałe distiłarìa. Ła łaorasion de prodoti ortofruticołi gaveva ciapà pìe inte'l astezan a frente de ła progresiva crizi de ła coltura del cavalier da seda, fin a chel momento atività portante de l'economia agricoła del teritorio. I edifisi de l'azienda i se łeva inte ła parte sentrałe de Asti, inte l'atuałe Piazza Amendola, poco łontan da ła stasion feroviaria e inte łe visinanse del fiume Borbore.

Un primo momento de crize, comun a tuto el setor industriałe astezan, zonze despò ła Segonda guera mondiałe cuando carensa de materie prime, scorte e conbustibiłi conporta un cało ocupasionałe e na ridusion dei orari e dei vołumi de łaoro^[3]. Inte'l 1948 l'azienda ła subise forti dani drìoman a l'diłuvion che colpise el Piemonte, cora zo do capanoni, vien danezà i inpianti e ła produsion se ferma fin a ła ricostrusion. In sta ocazion i inpianti viene conpletamente amodernai, vien insarìe nove produsion e l'azienda ła riese a inponerse so'l marcà nasionałe usìndo da ła dimension pretamente rejonałe.

Inte'l 1956 vien incorporà ła Sipa (Sosietà Industriałe Prodoti Ałimentari), co sede a Rottofreno (PC). Inte i Ani sincuanta grasie a łe numaroze inovasion introduzeste in azienda e so'l marcà cofà el stròpoło twist off, ła pastorizasion, łe prime ołive scicałae in busta, crearìa el nùmaro dei consumadori e ze devenjesta cao del marcà grasie anca a eficasi canpanjie publicitarie inte i Anni Sessanta. In chełi ani ła fameja Ercole ła deventa propietaria de ła łocałe scuadra de basket nasesta da ła fuzion tra ła Libertas e ła Astense, ła Basket Saclà Asti, che partìndo da ła Serie D in sołe cuatro stajon ła pasarà a ła Serie A, indove ła restarà arcuanti ani.

Ła łonga faze de crize econòmega che carateriza i ani '70 ga pezantisime conseguense anca so ła dita astezana, che ła ga da far i conti co na forte redusion dei consumi ałimentari che ła investe tuto el Paeze. Ne consegue un inevitabiłe cało de ła produsion co grave ricadue so i łivełi ocupasionałi de l'azienda (A baste pensar che, inte'l ziro de pochi an, el nùmaro dei adeti el pasa dai 621 del 1971 ai 207 del 1978).

Tuto ciò avien non sensa forti tension sosiałe, stante ła indisponibiłità dei łaoradori ad acetare pasivamente forti ridusion dei orgàneghi: ed infati inte'l 1975, cuando ła Saclà ła preanuncia l'intension de proseder al łisensiamento de oltra duzento dipendenti, łe maestranse łe reazise ocupando el stabiłimentop. La vertensa ła se concludarà co'l ritiro dei łisensiamenti e co'l ricorso al strumento manco traumatico de ła casa integrasion.

Inte'l 1977, avien el canbio de ła denominasion de l'azienda, che se trasforma in "Fratelli Saclà", co refarimento ai do fiòłi del fondador, Carlo e Lorenzo da tenpo inserìi inte ła dita de fameja.

Sponsorizasion

Inte i ani Setanta ła Libertas Pallacanestro Asti e l'Auxilium Pallacanestro Torino;
El Saclà Rugby Festival, che se ga zvolzesto da febraro a zunjo 2010, co na sentinera de atività in artante sità de ła Gran Bretanja, coinvolzendo pì de 50.000 zovani zogadori de rugby;
Ła Palazzago Cycling Team, na sosietà diłetantìstega nasesta par far emerzer zovani atleti;
Rinaldo Capello, piłota de Formula 3 e Gran Turismo.

Archivio

L'archivio de ła sosietà^[4] ze consarvà ad Asti inte'l fondo Fratelli Saclà spa (estremi cronołòzeghi: 1997 - 2010)^[5], postà so un spasio dedicà,tacà ai ufici, e spartìo in funsion de ła so atività. Ła documentasion anterior ła ze andà perdesta a cauza dei zlavaji che se verifegà inte'l 1948 e inte'l 1994, che ga portà via tanto del materiałe prezente, in cuanto el stabiłimento se cata łongo el torente Borbore. L'archivio Saclà conprende pì che altro documentasion aministrativa e finansiaria łigà a ła produsion de l'azienda. L'ùnego machinario denjo de nota ze na zgrafadora manuałe par scàtołe del 1949.

Notasion

↑ Storiasacla.it. entrada il 9 gennaio 2019.
↑ Francesco Ruta, Marchio Saclà - Storia ed evoluzioneMuseo del Marchio Italiano. entrada il 9 gennaio 2019.
↑ Enza Presigiacomo, L’industria astigiana dalla ricostruzione al boom economico, Istituto per la storia della Resistenza e della società contemporanea in provincia di Asti, 2006.
↑ Fratelli Saclà spaSIUSA - Sistema informativo unificato per le soprintendenze archivistiche. entrada il 9 gennaio 2019.
↑ fondo Fratelli Saclà spaSIUSA - Sistema informativo unificato per le soprintendenze archivistiche. entrada il 9 gennaio 2019.