Fender Dodicaster

La Fender Dodicaster, ła ze na ghitara creada da ła Fender par Dodi Battaglia inte'l 1997, so łe spesìfeghe de'l ghitarista steso; projetada insieme a Pierpaolo Adda, 'sta Stratocaster ła ga in azonta ispirà ła signature model che ła Fender ła ga reałizà e meso in comersio in edision łimitada, co sołi 150 ezenplari. L'orizenałe, tutavia, el prezenta el nome "Dodi" sanpà a'l 12° tasto.

A se trata de na ghitara ùnego inte'l só zènare co de łe spesìfeghe partegołari: Mànego in àzer con tastiera recavada a 22 tasti, corpo in fràsene co top in àzer fiamà azuro (par ła presizion Sapphire Blue Transparent), batipena in mareperla, hardware indorà, cusì cofà el ponte Floyd Rose. Ła monta tre pickup Seymour Duncan: do single coil a'l mànego e a'l sentro, e un humbucker SHJB splitabiłe a'l ponte.

Con st'altra ghitara, Dodi Battaglia el ga insizo l'intiero àlbun "Un posto felice" inte'l 1999.

Una de łe do Fender Dodicaster orizenali ła ghe ze stà donada a l'asosiasion Anima Universale e vendùa a un incanto de beneficiensa so Canale 5 par vinti miłion de łire.