Fenici

I fenici i xera on popolo de l’antica Canaan, ła region ancò ocupá dal nord Israele, Łìbano e la costa de la Siria. I fenici ga svilupá na cultura maritima, de mercanti e viagiatori. El punto pi alto de la loro civilizasion xe stá tra el 1200 e 900 a.C. I fenici vivea in citá stato, le pi importanti iera Tiro, Sidone, Biblos e Sarepta. I ga inventá łe navi biremi, el alfabeto che xe stá la base de tuti i alfabeti ocidentali e semitici, e ga svilupá na cultura scrita. I libri fenici no xe sopravisui, ma savemo da latre fonti che i esistea. Le citá fenice su la costa africana, come Cartagine, ia conservá testi de origine fenicia.

Fenici

Tipo	stato estinguesto e stiłe
Łéngua	feniso
Perìodo	2500 v.C. - 64 v.C.
Zeografia
Stato	Sìria, Israełe e Turchia
Continente	Àzia
Àrea de rezidénsia

El nome fenicio vien dal greco phoinix, che a so vlta vegnea dal egizian fnkhw, ch volea dir sirian. L’etimologia che fa risalir el nome da phoenix (roso porpora – che se riferaria a la produzion de la porpora) no ga basamento storico. I fenici xe na popolasion originaria de Canaan. I miti antichi che i fasea nasar i fenici in Africa xe miti ceh vol dar na storia a la popolasion, ma no ghe ricatamento archeołogica che posa sostener sti miti. Invece, se sa che i fenici i se ciamava kenaani – omeni de Canaan. La loro lengoa xe semitica. Savemo parò che ghe stá n’invasion de on popolo de marinai verso el 1200 a.C. Xe in stò tempo che i fenici ga scominziá a viagiare con navi nove pi resistenti. L’è posibile che i fenici originari i se sia misciá con popolazioni che vegnea da altre parti del Mediteraneo e ghabia acquisito la loro cultura.

Economia

A partir dal l’ano 1200 a.C., i fenici xe diventá la forza navale e comerciale pi importante del Mediteraneo. I fasea marcá de legname – el cedro del Libano – e de la porpora – colorante che i tiraa fora da dei moluschi. Tesuti e vero xerea altri ogeti che i esportava. Da la Spagna i importava aluminio e argento. Altri materiali vegnea da Cipro, Italia e forse anca da l’Inghiltera. I fenici ga fondá citá o picoli porti su tuta la costa Africana fin in Mauritania, ona on dì de viagio da l’altro. In stò modo, le loro navi le podea sempre far scalo in on porto sicuro.

Religion

I fenici iera politeisti, i credea in tanti dei. I pi importanti xe:

• Adone, on dio zoino e belo
• Anath, dea de l’amore e de la guera
• Asherah, dea de Biblos
• Astarte, regina de i cieli
• Baal, el re de l’universo
• Tanit, la dea de Cartagine
• Yamm, dio del mar

Curiositá

El nome Spagna vien da el fenicio i-shepan, che vol dir tera de i conei. El nome Bibbia vien da el nome de la citá fenicia dove se produsea i primi libri- Biblos.

Altri progetti

• Wikimedia Commons

• Wikimedia Commons el detien imàjini o altri file so Fenici