Flashdance

Flashdance
Paeze	Stati Unii de l'Amèrica
Zènare	film romàntego, film muzicałe, film dramateghi e film de bało
Spàsio d'anbientasion	Pittsburgh
Ecuìp tècnega
Senejador	Thomas Hedley e Joe Eszterhas (it)
Fotografia	Donald Peterman (it)
Montador	Walt Mulconery (it)
Senògrafo	Charles Rosen (it)
Costumista	Michael Kaplan (it)
Diretor	Adrian Lyne (it)
Produtor	Don Simpson (it) , Jerry Bruckheimer, Lynda Obst, Peter Guber (it) e Jon Peters (it)
Produtor ezecutivo	Jerry Bruckheimer
Conpozitor	Giorgio Moroder (it)
Atori	Jennifer Beals (it) ; Michael Nouri (it) ; Lilia Skala; Belinda Bauer (it) ; Cynthia Rhodes (it) ; Lucy Lee Flippin (it) ; Malcolm Danare (it) ; Monique Gabrielle (it) ; Norman Scott (it) ; Phil Bruns (it) ; Robert Wuhl (it) ; Sunny Johnson (it) ; B-Boys (it)
Conpangnia produtora	Polygram Filmed Entertainment (it) ; Don Simpson (it)
Destribudor	Paramount Pictures; Netflix
Łéngua orizenałe	inglezo
Clasifegasion
Medierådet (DNK);	FSK (DEU);
Durada dei capìtułi	95 min-92 min
Nomenasion	Oscar a ła mejo fotografia; Oscar al mejo montajo; Razzie Award alla peggior sceneggiatura (it)
Pì informasion

Flashdance , el ze un film statunitense de'l 1983 direto da Adrian Lyne.

El film scrito da Thomas Hedley e Joe Eszterhas, el ga łansà ła protagonista Jennifer Beals, a l'època vintene, e'l ghe ga fazesto conóser a'l grando pùblego el rezista britànego.^[1]

Trama

Ła dezdotene Alex Owens ła łaora cofà saldadora de zorno e cofà bałerina inte un łocałe noturno, coltivando el sonjo de entrar a l'Academia de Dansa de Pittsburgh.

Ła se ałena senza sosta, ma cuando che ła va a ła scoła par partesipar a n'audision, ła se fa ciapar da'l scorajamento e ła renunsia. Na note inte'l łocal dove che ła se ezibise ła incontra Nick Hurley, só cao in fàbrega. I do i se piaze, ma Alex no ła retien coreto scumisiar na rełasion co'l propio cao.

Inte i zorni drio un ecuivoco parsonajo, Carlos, el serca de convinser Alex e ła só amiga Jeanie a ndar a łaorar inte'l só strip club. Łe toze łe refiuda, ma soło l'intarvento de Nick el farà mołar Carlos, romai pasà ai menasi. Cusì Alex ła taca frecuentar Nick e de łà a breve i do i se cata łigà inte na pasionada storia d'amor.

Inte'l fratenpo, Alex ła se incorze de èsar stada amesa a na audision a l'Academia de Dansa; ma cuesto grasie a na racomandasion de Nick. Tra miłe dubi ła se prezenta a'l provin. E anca se l'emosion ła ghe fa zbałiar el primo paso, co corajo ła cominsia da novo e ła se łansa inte ła só strasinante coreografia: un parfeto insieme de dansa clàsega, moderna e breakdance, che ła ghe parmete de conseguir l'amision.

Produsion

Ła protagonista Jennifer Beals ła gaveva ben cuatro controfegure che ła sostituiva durando łe sene de bało; una de 'st'altre controfegure (inte ła curta sena de breakdance de'l bałeto d'audision) ła jera in realtà un omo, el bałarìn de orìzene portoregana Richard Colòn, pì noto co'l nome d'arte Crazy Legs. Ła notisia ła ze stà confermà da Michael Sembello durando na pontada de Matricole & Meteore. Ła só controfegura prinsipałe par łe sene de bało ła ze stà l'atora e bałarina franseze Marine Jahan. L'incuadraùra in cui Alex ła se zlansa a'l rałentador traverso l'aria, durando ła secuensa de l'audision, ła ze stà intarpretada da Sharon Shapiro, na ginasta.^[2]

Adrian Lyne no l'è stà el primo rejista ciamà par el film. Prima de łu el film l'è stà ofrìo a David Cronenberg, che'l ga refiudà, e a Brian De Palma, che parò el zera za inpenjà inte łe repreze de Scarface.

Inte ła sena de ła gara de patinagio so'l giaso de l'amiga de Alex, Jeanie, el brano che'l conpanja ła secuensa el ze Gloria, suceso de Umberto Tozzi, intarpretada da Laura Branigan.^[3]

Cołona sonora

El brano portante de'l film, Flashdance... What a Feeling, el ga vinsesto l'Oscar cofà mejo canson de'l 1983. Conposta da Giorgio Moroder (mùzeghe) e Keith Forsey (parołe) e intarpretada da Irene Cara, ła ga deventà na hit restełando anca nantri premi tra i cuałi el Golden Globe.^[4]

N'altro suceso traesto da'l film, Maniac de Michael Sembello, ispirada a'l film horror omònemo, el ze stà anca candidà a l'Oscar.

Fra łe altre canson incluze inte ła cołona sonra, anca Lady, Lady, Lady de Joe Esposito, I'll Be Here Where The Heart Is de Kim Carnes e Love Theme from Flashdance de Helen St. John.

Eco ła track list conpleta:

1 - Flashdance... What a Feeling - Irene Cara
2 - He's a Dream - Shandi
3 - Love Theme from Flashdance - Helen St. John
4 - Manhunt - Karen Kamon
5 - Lady, Lady, Lady - Joe Esposito
6 - Imagination - Laura Branigan
7 - Romeo - Donna Summer
8 - Seduce Me Tonight - Cycle V
9 - I'll Be Here Where The Heart Is - Kim Carnes
10 - Maniac - Michael Sembello

Distribusion

El film el ze stà distribuìo inte łe sałe sinematogràfeghe statunitensi inte l'avril de'l 1983.^[5] In Itałia el ze stà prezentada in previa vista, el 1º setenbre de l'isteso ano, a ła 40ª Mostra intarnasionałe d'arte sinematogràfega de Venesia inte ła sesion "Venezia Notte".^[6]

Data de usida

Algune date de usida intarnasionałe inte'l córer dei ani łe ze stàe^[7]:

15 apriłe 1983 inte i Stati Unìi (Flashdance)^[8]
30 zunjo 1983 inte'l Renjo Unìo (Flashdance)
14 łujo 1983 inte i Paezi Basi (Flashdance)
16 łujo 1983 in Japon (フラッシュダンス)
5 agosto 1983 in Austrałia (Flashdance)
2 setenbre 1983 in Zarmania Ovest (Flashdance)^[9]
14 settembre 1983 in Francia (Flashdance)
27 ottobre 1983 in Italia^[10]
11 novenbre 1983 in Portogało (Flashdance)

Notasion

↑ Philippe Paraire, Il grande cinema di Hollywoodt, Gremese Editore, 1996, p. 145, ISBN 9788876058875.
↑ (EN) Kimberly Monteyne, Hip Hop on Film: Performance Culture, Urban Space, and Genre Transformation in the 1980s, Univ. Press of Mississippi, 2013, p. 190, ISBN 9781617039225.
↑ (EN) Ruth Benjamin e Arthur Rosenblatt, Movie song catalog: performers and supporting crew for the songs sung in 1460 musical and nonmusical films, 1928-1988, McFarland, 1993, p. 64, ISBN 9780899507644.
↑ Ezio Guaitamacchi, 1000 canzoni che ci hanno cambiato la vita, Rizzoli, 2011, ISBN 9788858617427.
↑ (EN) Joe Queenan, Balsamic Dreams: A Short But Self-Important History of the Baby Boomer Generation, Henry Holt and Company, 2002, p. 78, ISBN 9781429936361.
↑ Venezia, film per film - Flashdance, in La Stampa, nº 199, 1983, p. 14.
↑ (EN) Flashdance - Release dates, www.blu-ray.com. entrada l'8 agosto 2017.
↑ (EN) New York, Volume 16, in New York Magazine Company, vol. 16, 1983, p. 215.
↑ (DE) Flashdance, www.filmstarts.de. entrada l'8 agosto 2017.
↑ Prime visioni Roma - Flashdance, in L'Unità, nº 219, 1983, p. 17.

[1] Philippe Paraire, Il grande cinema di Hollywoodt, Gremese Editore, 1996, p. 145, ISBN 9788876058875.

[2] (EN) Kimberly Monteyne, Hip Hop on Film: Performance Culture, Urban Space, and Genre Transformation in the 1980s, Univ. Press of Mississippi, 2013, p. 190, ISBN 9781617039225.

[3] (EN) Ruth Benjamin e Arthur Rosenblatt, Movie song catalog: performers and supporting crew for the songs sung in 1460 musical and nonmusical films, 1928-1988, McFarland, 1993, p. 64, ISBN 9780899507644.

[4] Ezio Guaitamacchi, 1000 canzoni che ci hanno cambiato la vita, Rizzoli, 2011, ISBN 9788858617427.

[5] (EN) Joe Queenan, Balsamic Dreams: A Short But Self-Important History of the Baby Boomer Generation, Henry Holt and Company, 2002, p. 78, ISBN 9781429936361.

[6] Venezia, film per film - Flashdance, in La Stampa, nº 199, 1983, p. 14.

[7] (EN) Flashdance - Release dates, www.blu-ray.com. entrada l'8 agosto 2017.

[8] (EN) New York, Volume 16, in New York Magazine Company, vol. 16, 1983, p. 215.

[9] (DE) Flashdance, www.filmstarts.de. entrada l'8 agosto 2017.

[10] Prime visioni Roma - Flashdance, in L'Unità, nº 219, 1983, p. 17.

[1]

[2]

[3]

[4]

[5]

[6]

[7]

[8]

[9]

[10]