Foresta pluvial

Ła foresta pluvial ła xe 'na foresta che ła se desviłupa indove el clima el xe caraterixà da 'na piovosità ełevata, par definision łe ga da eserghe un minimo de 1750–2000 mm anui de precipitasion.

Foresta pluvial tropegal
Foresta pluvial tenperada

Łe piove abondanti łe permete a łe piante de desviłuparse asée par tuto el ano, donca ła foresta pluvial ła xe caraterixada da albari senpreverdi soto łi cuałi, se ghe xe bastansa łuxe łi se forma altri strati de vegetasion.

Co che łi albari pi' alti łi se riduxe, el sotobosco el se desviłupa int'un fito intrigo de arbusti, łiane e albari pi' picenini.[1]

Xeneralmente sto tipo de foresta ła se desviłupa in climi de tropegałi (clima ecuatorial), ma ła se pol catar anca in climi sub-tropegałi o tenperai (climi oseaneghi, climi subtrpegałi umedi)
Intra łe aree co sto tipo de bioma se ricorda a base łatitutini ła Amasonia, ła Africa sentro-osidental, ła Axia sudoriental, a medie łatitudini el Giapon e ła Nova Xełanda.

NoteCànbia

  1. dito giungla inte łe xone subtropecałi.
Controło de autoritàGND (DE4131965-5
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Foresta_pluvial&oldid=896075"