Fortran

Fortran (o FORTRAN - acrònemo de FORmula TRANslation (o TRANslator) o sia "tradusion (o tradutore) de fòrmułe" - el ze uno dei primi lenguaji de programasion, desviłupà partindo dal 1954 da un grupo de lavoro guidà da John Backus; el primo manuałe de refarimento par i programatori in FORTRAN I, The FORTRAN automatic coding system for the IBM 704 EPDM, scrivesto da l'isteso Backus, el ze del 1956, mentre che el conpiłatore el ze sta publegà inte el 1957.

Fortran
creadore	John Backus, IBM
data	1957
doparasion	General purpose
paradigmi	Programasion prosedurałe, a ojeti
tipixasion	Forte
estension	..f, .for, .f90, .f95

Istòrego

El primo conpiłatore FORTRAN el ze sta desviłupà partindo dal 1954 par el calcołatore IBM 704 da un grupo de lavoro guidà da John Backus. Se parlava de un conpiłatore otimizante (o otimizatore), ponesto-ché i projetisti i pensava che nisuni i garia mai doparà un lenguajo che no el ghese na eficensa cuanto mìnemo conparàbiłe a cheła dei lenguaji insenbratori.

El lenguajo el ze sta doparà in larga scała prinsipalmente par scrìvar programi che i ezeguiva tanti càlcołi matemàteghi e sta situasion cuà ła ga dazesto corajo a crear conpiłatori novi che i zenerase còdaze tanto ràpidi. L'inclzsion del tipo nùmaro conpleso el ghea dopo rendesto el Fortran el lenguajo de ełesion inte ła comunità sientìfega. Al dì de oncó oncora i vien projetai novi conpiłatori Fortran, co prestasion senpre pì alte.

Vàrie i ze łe version Fortran aparse:

• FORTRAN I o FORTRAN for the IBM 704 inte el 1956,
• FORTRAN II inte el 1958,
• FORTRAN III inte el 1958
• FORTRAN IV inte el 1961 (Pì difondesta),
• FORTRAN 66 inte el 1966,
• FORTRAN 77 inte el 1978,
• Fortran 90 inte el 1991,
• Fortran 95 inte el 1997,
• Fortran 2003 inte el 2004,
• Fortran 2008 inte el 2010,
• Fortran 2018 inte el 2018,

Descrision

Gràsie sia ai inumerévołi programi aplegadivi desviłupai inte el córar dei ani, sia a łe infinie librarie de funsion (ciamàbiłi anca da programi scrivesti co altri lenguaji de programasion), el Fortran el ze oncora uncó un łénguajo tanto doparà. De sto cuà łe ze stae fate anca variante par el càlcoło parałeło (doparae inte el càlcoło sientìfego; par de pì, anca se projetà orizenariamente cofà lenguajo prosedurałe, racuante so nove version łe consente de doparar anca costruti propi de ła programasion orientada ai ojeti.

Caraterìsteghe

El Fortran el ze un łénguajo cuazi senpre conpilà, inperativo, co tipizasion stàtega de łe variàbiłi, projetà prinsipalmente par el calcoło sientìfego e numèrego; łe ghe ze stae parò anca inplementasion co còdaze interpretà.

Stàndar

I documenti inlistai cuà i se referise a łe pì nove standarizasion del Fortran.

• ANSI X3.198-1992 (R1997). Tìtuło: Programming Language "Fortran" Extended. Conosesto informalmente cofà Fortran 90. Publegà da l'ANSI.
• ISO/IEC 1539-1:1997. Tìtuło: Information technology – Programming languages – Fortran – Part 1: Base language. Conosesto informalmente cofà Fortran 95. Ghe ze altre du parte de sto stàndar. Ła prima parte ła ze stada formalmente adotada da l'ANSI.
• ISO/IEC 1539-1:2004. Tìtuło: Information technology – Programming languages – Fortran – Part 1: Base language. Conosesto informalmente cofà Fortran 2003.
• ISO/IEC 1539-1:2010. Tìtuło: Information technology – Programming languages – Fortran – Part 1: Base language. Conosesto informalmente cofà Fortran 2008.
• ISO/IEC 1539-1:2018. Tìtuło: Information technology – Programming languages – Fortran – Part 1: Base language. Conosesto informalmente cofà Fortran 2018.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Fortran

Linganbi foresti

• (inglezo) Sito ufisałefortran-lang.org.
• FORTRANTreccani.it – Enciclopedie on line, Istituto de ła Ençiclopedia Italiana.
• FORTRANVocabolario Treccani, Istituto de ła Ençiclopedia Italiana.
• (EN) FORTRANEnçiclopedia Britannica, Encyclopædia Britannica, Inc.
• (EN) FortranGitHub.
• Repository sorgenti di Fortrangithub.com.