Free to view

El free to view (sigla FTV; leteralmente in inglexe "vardàbiłe gratis") xe ła trasmision vardàbiłe co schei e criptada de contegnui tełevixivi e/o radiofonisi a łe utense.

El free to view se difarensia da el free to air (ntel qual ła trasmision xe vardàbiłe sensa schei ma no criptada) e da ła pay TV (inte ła qual ła trasmision xe criptada ma vardàbiłe co schei).

Doparar el termine

Co el free to view i contegnui tełevixivi e/o radio i vien criptai co on sistema de aceso condisionà. L'utente par poder vardarla, el ga quindi da dotarse de mestieri (tełevixion, set-top box, videorexistratore, ecc.) in grado de decriptar el sistema de aceso condisionà e, normalmente ma no sempre, anca de na smart card che ghe autorixa l'aceso.

El free to view vien doparà da łe emitenti tełevixive satełitari par permetare ła vixion dei programi tełevixivi soło che a ła nasion. Tante 'olte łe emitenti tełevixive satełitari łe cronpa i diriti de trasmision dei programi tełevixivi soło che par ła nasion e inte el contenpo el segnałe satełitare, de norma, se poe ciaparlo anca a l'estero. In Itałia el free to view vien d'oparà par ła piataforma tełevixiva satełitare vixìbiłe sensa schei Tivùsat, e in mixura minore anca da Sky andoe alguni canałi i połe esar ciapabiłi anca soło che co decoder e smart-card co diriti de abonamento pay-tv scadui.