Freja

Freja (AFI: /ˈfrɛja/^(VEC) in noren Freyja, in nòrdego antigo ᚠᚱᛖᛃᚨ ("ła Siora")) ciamada anca Gefn, Hǫrn, Mardǫll, Sýr, Valfreyja e Vanadís. ła ze na divinità de ła mitołoxia norena e zermànega, de ła cuała se ga preservà numarozi contaminti che i ła revarda e i ła descrive. Gavesto che łe fonti mejo documentae de sta tradision rełijoza łe ze stae strasmeteste, e inte on mùcio de cazi, łe ze stae scriveste pì de on sècoło e mezo pì tardi, el so vero roło, łe pràteghe pagane e el so culto i ze inserti.

Pintura de Nils Blommér (1845)

Caratarìsteghe de Freja

Freja ła ze considarada ła dèa de l'amore sesuałe, de ła bełesa, de l'oro, de ła sedusion, de ła fertiłità, del seiðr, de ła guerra, de ła morte e de łe virtù profèteghe.

Ła ze fioła de Njǫrðr e fiołastra de Skaði, soreła de Freyr e mojere de Óðr, che par colpa de st'ùltemo ła ga pasà łe pene de l'amor, visto che ła dasa par farse longhi viaji, costrinzéndoła a infrutuozi inseguiminti, durante i cuałi ła se dasa ndar a crii de làgreme de oro. Col consorte, ła cronpa do bełisime putełe, dai nomi enblemàteghi: Gǫrsimi e Hnoss, sinònemi de "tezoro".

Loki ła definise na ninfòmana, senpre pronta là par dar fin a łe so voje co calsiasi tipo de pàrtner, dai Jǫtunn ai èlfi, e de fato el so infrenàbiłe dezidèrio el ze cantà inte łe Mansǫngr, letaralmente "canson par òmani, lìreghe amoroze, ufisialmente vietae, ma che łe se ga difondesto inte łe alcove.

Intrà i so particułari, Freja ła ga anca cheła de esperta de łe mazeghe seiðr, col cuało ła podea far divinasion e incantèzemi in distansa.

Ła ga on cołare Brísingamen, fata par eła dai nani che i ghe ła ga donada dazéndoghe ła paroła che ła jacese co łori.

El so dì sacro el ze el vènare e ghene resta de łe peche inte el tèrmano inglezo Friday e in cheło todesco Freitag.

Bibliografia

• (IT) Anthony Mercatante, Dizionario universale dei miti e delle leggende, Roma, Newton & Compton, 2002, ISBN 88-8289-491-6

Voze corełae

• Divinità de l'amore

Altri projeti

Altri progetti

• Wikimedia Commons

• Wikimedia Commons el detien imàjini o altri file so Freja
• el detien schemi gràfeghi so

Linganbi foresti

• FreiaTreccani.it – Enciclopedie on line, Istituto de ła Ençiclopedia Italiana.
• (EN) FreyjaEnçiclopedia Britannica, Encyclopædia Britannica, Inc.
• (EN) FrejaGoodreads.