Galbusera
Ła Galbusera S.p.A. ła xe na axienda ałimentar itałiana che produxe biscoti, cracker e snack, ativa in Itàlia e a l'estero, fondada da Mario ed Enea Galbusera a Morbegno inte’l 1938 co sede a Cosio Valtellino[1]
|
|||||
| Dati | |||||
|---|---|---|---|---|---|
| Sorte | inpreza agroałimentària inpreza  | ||||
| Forma zurìdega | socetà par asion | ||||
| Istòria | |||||
| Creasion | 1938 , Morbegno | ||||
| Governo d'impresa | |||||
| Sito web | galbusera.it | ||||
Storia
canbiaŁa xe stà fondada inte’l 1938 dai fradèłi Mario ed Enea Galbusera che, slargando el łaboratorio del pare Ermete[2], i verxe un cafè pastiseria a Morbegno, in Valtełina.
El primo stabiłimento produtivo el xera stà costruìo inte’l 1950, ma soło co ła vertura del stabiłimento de Cosio Valtellino (SO) inte’l 1966 ła destribusion dei biscoti e dei altri prodoti, che ormai se estendeva par tuto el nord Itałia, ła pol èsar suportada.[1] Inte i ani setanta vien fondà ła sede par i ufici comerciałi e marketing de Agrate Brianza, vien anca creada da Franco Giandonati, storego manager miłanexe cołaborador de Mario Galbusera, ła rede distributiva che porta i biscoti Galbusera fora da ła Valtellina.[3]
Inte i ani novanta l'axienda concentra ła produsion so’l setor sałutistego coniando el bomò "Ła sałute prima de tuto" insieme a ła nasita de ła łinead de prodoti Speciali Salute. Dai ani 2000 l'axienda ła se propone so’l marcà co diverse łinee de prodoti ałimentari.
Inte’l 2014 l'axienda ła ga acuixìo da ła Sammontana ła propietà de ła società miłanexe Tre Marie Ricorrenze srl, antigo brand de ła produsion de panetoni.[4]
El contròło de l’axienda xe oncora de ła fameja inte łe persone dei conponenti de ła tersa xenerasion: Paolo, Lorenzo e Guido Galbusera che, co Nicoletta Zamboni, ga el 25% a testa afidando parò la xesion al manager esterno Alessandro Pittaluga[4].. Mario Galbusera xe moristo el 23 de avril 2018, inte’l 2002 el ga risevesto el titoło de Cavalier del Łaoro[2]..
Canpagne publicitarie conosue
canbiaInte i ani otanta l'axienda ła xe stà protagonista de na famoxa canpagna publicitaria inte ła cuała el testimonial jera un personaxo ciamà Mago G, i cui blomò xera "Sera i òci, verxi ła bòca" e "Xe na storia vera, xe Galbusera".[5] Vestìo co un conpleto ełegante xało e na tuba a striche xałe e rose, co na vistoxa perùca xała, el Mago G distribuiva confesion de biscoti ai pasanti patinando łongo łe vie de na sità; jera interpretà da l’ator Luca Levis fin al 1986, ano inte el cuało xe scadesto el contrato che łigava Levis a l'axienda, che ło ga sostituìo co un altro ator, el cuało parò no ga incontrà i favori del publico, cusì dopo calche ano i spot co’l Mago G xe stà abandonai.[6]
Notasion
canbia- ↑ 1,0 1,1 Come nasce Galbuseragalbusera.it. entrada il 21 dicembre 2010.
- ↑ 2,0 2,1 Morto Galbusera, il re dei biscotti. Inte el 1987 lo spot con Ilary Blasi bambina. entrada il 24 aprile 2018.
- ↑ Galbusera, l'ultimo saluto a Giandonati: lanciò l'azienda fuori dalla Valtellinalaprovinciadisondrio.it, settembre 2019. entrada il 15 settembre 2019.
- ↑ 4,0 4,1 Galbusera, ora l'obiettivo ze l'exportrepubblica.it. entrada il 19 dicembre 2017.
- ↑ MAGO G Galbusera la vera storia e Cosa fa e come ze oggicuriosando708090.altervista.org. entrada il 13 febbraio 2018.
- ↑ MAGO G Galbusera la vera storia e Cosa fa e come ze oggicuriosando708090.altervista.org. entrada il 15 marzo 2018.
Linganbi foresti
canbia- Sito ufisałegalbusera.it.
- https://www.youtube.com/watch?v=PUcpLSy20YI 24 Apriłe del 2018