Galzignan Terme

comùn taliàn
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Galxignan Terme
Galzignan
comun
Galzignano Terme-Stemma.png
Galzignano Terme, panorama dall'alto.JPG
Cànbia el vałor in Wikidata
Locałixasion
StatoItàlia Itàlia
RejonVèneto – stema Vèneto
ProvinsaPàdoa – stema Pàdoa
Teritorio
Coordinae45°18′00″N 11°44′00″E / 45.3°N 11.733333°E45.3; 11.733333 (Galzignan)Coordinae: 45°18′00″N 11°44′00″E / 45.3°N 11.733333°E45.3; 11.733333 (Galzignan)
Altitudine22 m s.l.m.
Superficie18km²
Rezidenti4 321 (1° xenaro 2018) Cànbia el vałor in Wikidata
Red Arrow Down.svg−8 (2017)
Densità242,39 ab./km²
Comuni confinantiArcuà Petrarca, Bataja Terme, Monséłexe, Teóło, Toreja, Baon, Sinto Eugàneo, Montegroto e Vo Cànbia el vałor in Wikidata
Altre informasion
Còd. postałe35030
PrefisoErrore Lua in Modulo:Prefisso_telefonico alla linea 19: attempt to call field '_main' (a nil value).
Soranome028040
Còdaxe catastałeD889
TargaPD
Nome abitantigalzignanezi
PatronoMadona del Rozario
Dì de festa7 de otobre
Ła perla dei cołi o Ła Miami dei cołi[Fonte nesesària]
Carte interative
Sito istitusionałe

Galzignan (nome ufisałe in italiàn Galzignano Terme) el ze on comun de 4363 àneme de ła provincia de Pàdova. El fa parte del parco rejonałe dei Cołi Euganei.

Zeografia fizegaCànbia

El paéze de Galzignan l'é in zona cołinare, a 22m s.l.m.

Galzignan confina: a sud co Monséłeze, Arcuà e un fiá anca co Baon, a nord co Toreja e Teóło, a est co Vo', Sinto Euganeo e a ovest co Montegròto e Bataja.

TeritorioCànbia

El paéze el se catà drento al parco rejonal dei cołi Euganei a 22m s.l.m, el nase ai piè del monte Rua e del monte Gallo. La zona cołinare de ła sitadina ła ze prevalentemente agricoła, mentre inte ła parte orientaea, inte ła località Civrana, ze prezenti fonteghi de aqua termae salso-bromo-iodica, a 87 °C doparà dai conplesi alberghiéri pa e cure termai e ła fangoterapia.

EtimołoziaCànbia

El studioso de toponomàstega Dante Olivieri, el dize che el nome del común, el vien fora dal nome latìn de na anéma ciamà Gallicinus co sufiso -anu. Se tratarìa cuindi de on topònemo prediałe, che el ga łasà na pèca de on nome de asegnatario de on fondo ubifegà in tel téren de Galzignan[1]. Intel 1979 ze sta fato on referendum par darghe a Galzignan la zontada de "Terme". El demonimo dei ésari che vive a Galzignan ze in Veneto Galzignanezi e in italián galzignanesi.

Monumenti e loghi de intareseCànbia

Architeture RełijozeCànbia

  • Cenobio de Monte Orbiezo
  • Ceza de Sàn Lorenso
 
Ceza de S. Lorenso
  • Ceza de S. Maria Asunta
 
Ceza de S. Maria Asunta
  • Ceza dei alpini
  • Monastero del Monte Venda
  • Oratorio de ła Ss. Trinità

Architeture siviliCànbia

  • Anfiteatro del Venda
  • Caza Marina
 
Casa Marina sol monte Venda
  • Rocołeto Bonato (Rocoło del Pianzio)
  • Viła Barbarigo

Architetùre miłitariCànbia

  • Base NATO sol Monte Venda

MuzeiCànbia

  • Muzeo dei cołi Euganei

Àneme ligà a GalzignanCànbia

  • Annibale Brasola, ciclista che el ga partecipà a difarenti Giri d'Italia, e fradeło de Elio;
  • Elio Brasola, ciclista e pistard, fradèło de Annibale;
  • Angelo Saggini, poeta nativo de Galzignan el ga conposto alcune opare, ze stà anca sindaco del paeze ma el se suicidà tanto zovane;
  • Giorgio Bertin, vescovo e catołego;
  • Giovanni Commisso, scritor el ga pasà difarente tenpo pai cołi, a Valsanzibio i ghe ga dedicà na távela vizin tacà a ła muràja de Viła Barbarigo co scrito on toco de na so opara;
  • Leopardo Martinengo, połìtico de ła fin del 1800.

SocietàCànbia

Evołusion demografegaCànbia

Galzignan el ga su pa zo 1510 famejie. Ła popołasion ze aumenta del'1,9% dal 1991-2001 vardando i dati del censimento decenałe del ISTAT. Abitanti censii

Etnie e minoranse fóresteCànbia

I foresti che vive a Galzignan inte el 1º zenaro 2019 i ze 73 e i raprezenta l'1,7% de ła zente rezidente. L'etnia pì numarévołe ła ze cheła rumena co 29 àneme.

Tradision e folcloreCànbia

Sagra del RozarioCànbia

Ła prima domènega de otóbre a Galzignan ghe ze e ła sagra, in sto momento de festa intel paèze se svolge el Palio dei Mussi, sta manifestasion se verze co na sfilada in costume d'epoca, i cuai i ricorda ła vitòria de ła Republega de Venesia contro i Turchi inte la bataja de Lepanto del 1571.

Pełegrinajo de ła Madona de ła SaluteCànbia

ze on antigo pełegrinajo che el se fa da pì de 600 ani, se ga tacà a n'dare dopo varie epidemie de peste intel 1400, vien fato anualmente da prima domenega dopo Pascua verso Monteortone, dove ghe ze on antigo santuario dedicà a ła Madòna de ła Salute.

LezendeCànbia

Ła pria de SpacaCànbia

Inte el lato de ła piàça de Galzignan ghe ze na ròla, meşa in mostra. ze ciamà ła pria de Spaca, dal nome del sò proprietario, n'omo che el ga visudo intel esistito 1700, entrà poi in tea lezenda. Spaca el gaveva na locanda, dove i se ferma co łe caroze. El jera perverso e dibołico, ma a prima ociada el pareva parfin zentiłe. Pena rivava un viagiator, eło el ghe n'dava visin soridendo, eo fazeva sentare e rifociłare el ghe ofrjia come omagio na fiàsca de vin gajiardo, che in realtà el contenea on sonifero. Quando che el puaretto el se indormesaea, Spaca, eo copaea co na scortea, par no darghe fastidio a chealtri co na scipetà. Poi eło depredaea de tuto e lo sopeiva soto na grande mandorła che sorgeva la visìn.

Ła s-ciona del VendaCànbia

A Galzignan su par el monte Venda ghe ze na cezeta (Cezeta dei alpini), on fià pì su de cuesta ghe ze na masegna, tacà a cuesta ghe ze na granda sciòna. A Galzignan ze dize che a cheła sciòna se ga tacà Noè dopo aver pasà el scravaçàda universałe.

Aministrasion comunałeCànbia

Sìndico: Riccardo Masin dal 2013
Sentrałin comunal: 049/9130041
Posta eletronica: info@galzignanoterme.org


Prodoti locałiCànbia

MagnareCànbia

Par Galzignan, ła tera ła ze tanto inportante, parchè grasie a eła se produze on mùcio de prodoti agrìcułi, anca Galzignan ga piati locałi, i pì inportanti i ze:

  • Fragołe;
  • Ojo de pomełe, el ze racuanto inportante tanto che intel 2014 ze sta fato on premio ciamà "Pomea d'Oro", chel premia l'ojo pì bon dei cołi Euganei anualmente;
  • Panetòn co le Sareze:
  • Sareze;
  • Sparezi, coltivai maziormente inte ła zona tra Valsanzibio e Batajia;
  • Toreşán, i ze dei ozei (Cołombi de tore) che inte łe zone de cołi, soraatuto a Galzignan e Torejia i ze fa inpienii de ripen e fati al forno, ghe ze anca el toreşàn de Breganse che parò ze fato al spiedo;
  • Vin, a Galzignan se produze vini DOC e DOCG, cofà el Moscato dei cołi Euganei e il Fior d'arancio;
  • Zìzołe.

TrapéliCànbia

  • Corbe, i sarjia dei sesti fati da poeoni de castagno.

Modi de dirCànbia

  • Te si come Stea, a Galzignan ghe jera on brigante ciamà Giovanni Stella, eło col conbinava calcosa el scapava su pai cołi, el zè da cuesto vien fora sta citasion.[2]
  • In Pianzio no comanda gnanca Dio, el Pianzio ze na locałità de Galzignan dove che na volta che jera on mucio de zente che fazeva conbàtare.
  • Te tiro na strejà, co i putini i da conbatare se dize sta frase. Ea streja sarja ma specie de spazoła de fero doparà pa petenare cavai e masci.

StèmaCànbia

 
El stema comunałe

Orizenałe in italiàn:

(VEC)
«Campo d'argento all'albero al naturale movente dalla punta, munito di chioma e di quattro rami, due par parte; sul secondo dal basso a destra è posato l'uccello al naturale.[3]»

Tradòto in Vèneto:

(VEC)
«Canpo argentà all'albaro al natural movente so ła pònta, munio d ciòma e de cuàtro caèci, do pa parte; sul secondo dal baso a drità zè poza l'ozeo al natural.[3]»

Da ła descrision araldega del stèma comùnal ze poe evincere i sinbołi de Galzignan:

  • El roare e l'olivàro, i cuałi ze do albari tanto presenti inte el paèze;
  • l'albaro presente al centro el voe metàre in risalto ła florida e ła presenza de viła Barbarigo;
  • El smalto argentà el vołe ricordare l'abondanze de łe acue soratuto chełe termałi.[4]

SporCànbia

BałonCànbia

Ła storega scuadra de Galzignan, A.C.D. Galzignano Terme, ricordata par e zo miteghe inpreze inte i ani '80 col zugava in Promosion, intel 2020 ła se ga fuzo insiéme a naltre do scudre co e cuai ła ga creà ła Polisprtiva Real Terme, ła prima squadra de sta nòva società ła zuga intel giron M inte ła seconda Categoria, ghe ze poi l' Atletico Galzignano che mjita in tersa Categoria.

Avegnimenti sportiviCànbia

  • "Corri la Mezza alle Terme", dal 2016 ze svolge anualmente na gara de podismo, inserjia inte el calendario dea FIDAL;
  • "Gràn fondo della Spaccapria", dal 2014 se svolge anualmente stà gara de Mountain bike su pa i cołi de Galzignan;
  • Intel 2015 e 2020 ze pasà a Galzignan el Giro d'Italia;
  • "Torneo de calceto zità de Galzignan", dal 2002 se fa anualmente sto torneo inte el canpeto da calceto, organizà dal comùn e da ła paròchia;
  • "Us Kids Venice Open", il golf club de Galzignan intel 2020 el ga ospità on dei pì inportanti tornei de tozati mondiaìi de golf;
  • "Mas duro" intel 2014 Galzignan el ga ospità na gara de duathlon riconosua da ła Federazione Italiana Triathlon.

Filmografia Cànbia

A Galzignan ze sta girà alcune séne de:

  • Il mercante di Venezia de Michael Radford, inte el 2004;
  • L'alligatore, na serie dea tełevision trasmesa da ła Rai inte el 2020;
  • Sole a catinelle, inte el 2013 co Checco Zalone.

NotasionCànbia

  1. Guido Beltrame, Toponomastica della Diocesi di Padova, Libraria padovana, 1992. entrada il 14 de febraro 2020.
  2. http://www.albigolaro.it/ambiente/
  3. 3,0 3,1 http://www.comuni-italiani.it/028/040/stemma.html
  4. Galzignano Terme – Araldicacivicaaraldicacivica.it. entrada il 20 de febraro 2021.

Altri projetiCànbia

Linganbi forestiCànbia

Controło de autoritàVIAF (EN263379750 · LCCN (ENn2004037767 · GND (DE7650094-9 · WorldCat Identities (ENn2004-037767
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Galzignan_Terme&oldid=1088591"