Gian Giorgio Trissino

Gian Giorgio Trisino da’l Peło de Oro (pronunsia Trìsino, /’trisino/) (Vicensa, 8 de lujo del 1478Roma, 8 de desenbre del 1550) el ze stà un umanista, poeta e dramaturgo veneto.

Gian Giorgio Trissino

Poeta e trazediògrafo, el se ga intaresà de łenguìstega e architetura, oltre che a zvòlzar atività deplomàteghe par conto de’l papato. Amigo e mèntor de Andrea Paładio, el gà rescoverto inte i primi ani ‘10 el De Vulgari Eloquentia de Dante Alighieri, testo che dopo el ga traduzesto inte’l 1529. I só intarventi in canpo de ła łenguìstega i gà susità vivasi reasion inte’l mondo łetarario de l’època.

El ga scrito Il castellano (1529), diàłogo imazenario tra Filippo Strozzi e Giovanni Rucellai, par na tezi “cortizana-tałianista” che ła sostenjea l’idèa de na łengua formada da i ełeminti comuni a tute łe parlade de i łetarati de ła penìzoła. ‘Sta teorìa, concorente de chełe vansà da Bembo e Macchiavelli, ła zera sostenjùa da ła novità de ła pubregasion, senpre inte’l 1529, de ła só tradusion de’l De vulgari eloquentia de Dante Alighieri che Trissino el ga vudo el mèrito de far emèrzare de novo da’l dezmentegatojo.

A ła só tezi i se gà demostrà partegołarmente sensìbiłi (e ostiłi) i łetarati toscani.

Altri projètiCànbia

Controło de autoritàVIAF (EN61576722 · ISNI (EN0000 0001 2101 7600 · SBN (ITIT\ICCU\CFIV\034739 · LCCN (ENn82124220 · GND (DE118623974 · BNF (FRcb12108478k (data) · BNE (ESXX1764634 (data) · ULAN (EN500054986 · NLA (EN35598803 · BAV ADV10133245 · CERL cnp01240666 · WorldCat Identities (ENn82-124220
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gian_Giorgio_Trissino&oldid=887251"