Wikipedia

Giuseppe Tornatore

Ła version stabiłe ła xe stà verifegà el 16 luj 2024. Ghe xe canbiamenti a modèłi e/o file in sta version in atexa de revixion.


Giuseppe Tornatore, (Bagheria, 27 de majo, 1956) el ze un rezista, senejador, produtor sinematogràfego e montador italian, noto anca par el so inpenjo sìviłe, oltra che par diversi film che ga otenjesto un notevołe suceso de pùblego in Italia e a l'estero.

Infotaula de personaGiuseppe Tornatore

(1990) Cànbia el vałor in Wikidata
Biografia
Nasimènto27 de majo del 1956 Cànbia el vałor in Wikidata (68 ani)
Bagheria (Sicìlia) Cànbia el vałor in Wikidata
Dati personałi
RełijonAteismo Cànbia el vałor in Wikidata
Atività
Ocupasion
diretor de cine, montador, produtor de cine, senezador, diretor Cànbia el vałor in Wikidata
Atività1985 Cànbia el vałor in Wikidata –
Òpara
Òpare in rezalto
IMDB: nm0868153 Allocine: 11690 Rottentomatoes: celebrity/giuseppe_tornatore Allmovie: p114389 TCM: 517449
Musicbrainz: 5640eea0-0af6-4ca3-b62c-f9752027d57f

Tra i vari premi el ga vinsesto un Golden Globe, un Grand Prix Speciale della Giuria al Festival de Cannes del 1989 do premi BAFTA e dieze David di Donatello. El so film Nuovo Cinema Paradiso ga vinsesto l'Oscar al mejo film in łengua foresta.

Biografia

canbia

Scominsi

canbia

Nasesto a Bagheria, in provinsa de Pałermo, el 27 de majo 1956, so fiòło de Peppino Tornatore, un sindacałista de ła CGIL[1], fin da zovane el manifesta na forte atrasion pa'ła resitasion e ła rezìa. A sołi sèdeze ani el riese métar in sena a teatro òpare de maìstri cofà Luigi Pirandello e Eduardo De Filippo. El se ga diplomà co el masimo dei voti al łiceo clàsego Francesco Scaduto de Bagheria. Prima de dedicarse conpletamente al sìnema el frecuenta calche łesion a ła facoltà de łétare a Pałermo. Daspò i scominsi a teatro, drìoman el se avisina al mondo de ła sètema arte traverso serte espariense documentarìsteghe e tełevizive: in partegołar el documentario (in superoto) Il carretto. Immagini di un'antica cultura (1979). Inte'l 1979 el ze ełezesto consejer comunałe a Bagheria co'l P.C.I.[2]. El so ezordio avien so ła Rai el 5 de marso 1981, co'l documentario Ritratto di un rapinatore.

Drìoman el reałiza, sénpre par ła redasion sisiliana de Rai Tre, Incontro con Francesco Rosi (1981), Le minoranze etniche in Sicilia (1982, vinsidor de un premio al Festival de Salerno), Diario di Guttuso (1982), e Scrittori siciliani e cinema: Verga, Pirandello, Brancati e Sciascia (1983). Inte'l 1984 el cołabora co Giuseppe Ferrara par Cento giorni a Palermo, del cuało el ze produtor, oltra che co-senejador e rezista de ła segonda unità. Do ani drìoman el ezordise cofà rezista so'l grando scherma co Il camorrista, tratesto da l'omonimo romanzo de Giuseppe Marrazzo e insentrà so ła storia del noto boss de ła camora Raffaele Cutolo (inte'l film ciamà 'O Professore 'e Vesuviano).

El film riseve na bona acoliensa sia da parte del pùblego sia da ła critica e Tornatore vinse el Nastro d'arzento al mejo rezista ezordiente. L'incontro co'l produtor Franco Cristaldi porta a ła zèneze de Nuovo Cinema Paradiso, film che otien suceso in tuto el mondo, donando notorietà intarnasionałe al rezista, e che vede el inisio de na prołìfega cołaborasion co'l conpozidor Ennio Morricone. Daspò serti inprevisti, intrà i cuałi vari taji e ła proiesion blocada dopo el primo fin de setimana in tute łe sałe italiane, el film se azudega el gran premio de ła zurìa al Festival de Cannes e l'Oscar al mejo film foresto. Inte'l 1989 ghe vien conferìo el Premio Flaiano par ła senejadura pa'l łaor zvolzesto so Il camorrista e Nuovo Cinema Paradiso.

I successi dopo l'Oscar

canbia

Inte'l 1990 el zira Stanno tutti bene, film che conta del viazo de un pare sisilian a ła riserca dei fiòłi sparzesti in tuta Italia, intarpretà da Marcello Mastroianni. Inte'l 1991 el cołabora al film cołetivo La domenica specialmente co l'epizodio Il cane blu. Inte'l 1994 el zira Una pura formalità, prezentà in concorso al Festival de Cannes, che raprezenta un ponto de zvolta inte'l stiłe del rezista, che canbia radegalmente. Inte'l film A conparise do star cofà el rezista Roman Polański (inte'l ròło de ator) e Gérard Depardieu. Inte'l 1995 el torna zirar un documentario, Lo schermo a tre punte, inte'l cuało el conta ła so Sisilia. Sénpre inte'l 1995 el dirize L'uomo delle stelle, co Sergio Castellitto inte'l singołar ròło de "ładro de sonji".

El film el vinse el David di Donatello e 'l Nastro d'arzento al rezista del mejo film, nonché el Gran Premio de ła Zurìa al Festival de Venesia. El film ze anca candidà ai Oscari inte ła sesion rełativa al mejo film in łengua non ingleze. El resta folgorà dal monołogo teatrałe de Alessandro Baricco Novecento e el taca pensar a na traspozision sinematogràfega. Daspò na łonga "zestasion" A vede ła łuze La leggenda del pianista sull'oceano, co protagonista l'ator ingleze Tim Roth, conpanjà da novo da ła cołona sonora de Ennio Morricone. Anca sto film se azudega artanti premi: el David di Donatello, L'Efebo d'oro (1999), el Ciak d'oro par ła rezìa e do Nastri d'arzento, uno pa'ła rezìa e uno pa'ła senejadura. Del 2000 el ze Malèna, film co Monica Bellucci che raprezenta na coprodusion itało-statunitense e che se avałe, ancora na volta, de łe mùzeghe de Ennio Morricone.

Ritorno so'l schermo

canbia

Daspò na pauza durà un cuincuenio el zira inte'l 2006 La sconosciuta, che l'ano sucesivo se azudega tre David de Donatello. El film ze stà sernìo par raprezentar l'Italia al Premio Oscar 2008, inte ła sełesion par łe candidature cuałe mejo film foresto. Inte'l 2007 el dirizesto el spot de Banca Monte dei Paschi di Siena, ideà da l'azensia Catoni Associati[3]. Inte l'isteso ano, durando ła Serimonia dei Oscar, A vien prezentà un so curtometrajo dedegà al 50º aniversario del Mejo Film Foresto. Un montajo indove core tante imàjini de sìnema intarnasionałe premià a Hollywood.[4]

El ga firmà inte'l 2009 ła rezìa del film Baarìa (nome sisiłian del so paeze nadałe Bagheria), ła cuała trama conta na parte de vita vivesta inte ła so sità de orìzene. El film, venjesto fora el 25 de setenbre, ga verzesto ła 66ª Mostra intarnasionałe d'arte sinematogràfega de Venesia inte ła conpetision ofisiałe. Ła Łiga anti vivisesion, inte'l propro ròło de conponente par łeje de ła "Comision de revizion sinematogràfega", ga criticà[5] ła sielta de Tornatore de copar un anemałe so'l set par disanguamento sensa ricorer a efeti spesiałi o a łe tècneghe de solievo dal dołor prevedeste in Italia. Tałe sena ła ze stà zirà in teritorio tunizin. El film zera stà pres-sełesionà cofà film par raprezentar l'Italia ai Oscar 2010, ma no'l ga suparà łe sełesion sucesive e no'l ze rivà al cuinteto finałe. El pùblega anca el łibro Baarìa, il film della mia vita, par Rizzoli.

Anni 2010

canbia

Tornatore el ga risevesto ła laurea honoris causa in tełevizion, sìnema e novi media da l'Univarsità IULM de Miłan el 1º de disenbre 2010. El ga risevesto inte'l 2011 el Premio Federico Fellini 8 1/2 par l'esełensa artìstega al Bif&st de Bari. L'isteso ano el pùblega par Bompiani el łibro La menzogna del cinema, co ła trascrision de l'intarvento a l'univarsidà in ocazion de ła łaurea honoris cauza. Senpre inte'l 2011 el ga reałizà el curtometrajo sełebrativo par ła caèna de granda distribusion ałimentar Esselunga. Inte'l 2013 A vien fora el film sucesivo La migliore offerta, co Geoffrey Rush, Jim Sturgess, Sylvia Hoeks e Donald Sutherland[6]. El film el ze zirà tra Bolsan, Viena, Trieste, Parma, Miłan, Praga e ła canpanja visin a Roma. Sto film el vinse numarozi premi in Italia e non soło. El ze inpenjà inte'l 2013 inte ła pre-produsion del novo film produzesto ancora na volta da ła Paco Cinematografica che gavarìa da védarlo so'l set inte'l febraro del 2014. El film, venjesto fora inte'l 2016 co bona acoliensa de pùblego e dal tìtoło La corrispondenza, el conta ła storia d'amor a distansa tra na studentesa intarpretada da Olga Kurylenko e un profasor pì grando, inparsonà da Jeremy Irons.

Acuze de mołestie sesuałe

canbia

El 3 de novenbre 2017, in piena era #MeToo e inte l'anbito del cazo Harvey Weinstein, el vien acuzà da Miriana Trevisan de mołestie so ła rivista Vanity Fair. A stando al raconto de ła soubrette, èła ła sarìa stà mołestà inte'l studio del rezista vint'ani prima (1997).[7]

So'l cotidian la Repubblica Tornatore el ga dichairà de aver ła cosiensa a posto[8] e de recordar soło un incontro cordiałe: «partanto A respinzo łe insinuasion moveste inte i me confronti reservandome de azir inte łe conpetenti sedi a tuteła de ła mia onorabiłità». So'l cotidian Il Messaggero Margherita Buy ło ga defendesto, definendoło un zentiłomo.[9]

Nesuna denuncia formałe ła ze stà mai sporzesta da ła soubrette par mołestie; inte'l 2018, Giuseppe Tornatore ga invese cità Miriana Trevisan in zudisio - ancora in corso - danansi el Tribunałe de Roma pa'l risarcimento dei dani da defamasion.

Filmografia

canbia

Rejista e senejador

canbia

Łongometraji

canbia

Curtometraji

canbia
  • Stella gemella (1996)[10]
  • 50º aniversario Oscar Mejo Film Foresto (2007)
  • Il mago di Esselunga (2011)[11]

Documentari

canbia
  • Ritratto di un rapinatore (1981)
  • Incontro con Francesco Rosi (1981)
  • Le minoranze etniche in Sicilia (1982)
  • Diario di Guttuso (1982)
  • Scrittori siciliani e cinema (1984), serie TV in cuatro epizodi
  • Lo schermo a tre punte (1995)
  • Riccardo Freda (1996), epizodio de ła serie Ritratti d'autore
  • L'ultimo gattopardo - Ritratto di Goffredo Lombardo (2010)
  • Ennio: The Maestro (2020)[12]
  • Devotion (2020)

Produtor

canbia

Montador

canbia

Publegasion

canbia
  • Nuovo Cinema Paradiso, Sellerio 1989
  • Baarìa, Mondadori Electa, 2009
  • Il collezionista di baci, Mondadori Electa, 2014
  • La migliore offerta, Sellerio, 2013
  • La corrispondenza, Sellerio, 2016
  • Diario inconsapevole, HarperCollins Italia, 2018
  • Leningrado, Sellerio, 2018
  • Ennio, un maestro, co Ennio Morricone, HarperCollins Italia, 2018

Onorificense

canbia

Lauree ad honorem

canbia

Premi e riconosimenti

canbia

Golden Globe

Premio BAFTA

David de Donatello

Nastro d'argento

Ciak d'oro

Festival di Cannes

European Film Awards

Taobuk Award

Notasion

canbia
  1. ↑ Arriva il film di Tornatore: "Sì, è la nostra Baaria", quotidiano la Repubblica del 23/09/2009 p.1 sez. Palermo
  2. ↑ Giuseppe Tornatore Baaria Archivià il 25 de agosto 2018 in Internet Archive.
  3. ↑ Tornatore dirige i nuovi spot di Monte dei Paschi di Siena per Flying Films e CatoniAssociati su Pubblicità Italia (ligo ronpesto dispunìbiłe in Internet Archive; védarse el istòrego, la prima version e ła ùltema).
  4. ↑ La Zattera dell'Arte
  5. ↑ "'Baaria': bovino ucciso nel film, perché?" Archivià il 18 ottobre 2009 Data inte l'URL no conbazante: 18 de otobre 2009 in Internet Archive. - Conunegà de ła Łiga vivisesion del 24/09/2009
  6. ↑ Elisa Grando, «Oggi c'è il primo "ciak" di Tornatore a Trieste sul set Geoffrey Rush», Il Piccolo, 30 aprile 2012, p. 24
  7. ↑ Miriana Trevisan: «Scappai da Tornatore quando lui mi spinse al muro, e mi mise le mani sul seno»VanityFair.it, 3 de novenbre 2017. entrada il 13 de zugno 2021.
  8. ↑ Molestie, Tornatore parla in tv delle accuse di Miriana Trevisan: «Scopri di essere un mostro, ho la coscienza a posto»www.ilmessaggero.it. entrada il 13 de zugno 2021.
  9. ↑ Miriana Trevisan accusa Tornatore, le sue muse lo difendono. Le parole degli altri registiVanityFair.it, 6 de novenbre 2017. entrada il 13 de zugno 2021.
  10. ↑ QuestIT s.r.l., Archivio Corriere della Seraarchiviostorico.corriere.it. entrada il 31 gennaio 2016.
  11. ↑ Tornatore firma un 'corto' per Esselungailcorto.eu. entrada il 26 giugno 2015.
  12. ↑ «Ennio The Maestro»: Giuseppe Tornatore racconta MorriconeVanityFair.it, 19 de febraro 2020. entrada il 27 de febraro 2020.
  13. ↑ Enrico Lancia, Ciak d'orobooks.google.it. entrada il 12/04/20.
  14. ↑ CIAK D’ORO 2013 al cinema italianogruppomondadori.it. entrada il 2013.

Bibliografia

canbia
  • Giuseppe Tornatore. Uno sguardo dal set a cura di Ninni Panzera, Silvana Editoriale, Cinisello Balsamo 2007
  • L'isola di Tornatore a cura di Ninni Panzera, Silvana Editoriale, Cinisello Balsamo 2010
  • Le Madonie, cinema ad alta quota di Sebastiano Gesù e Elena Russo, con introduzione di Francesco Novara e presentazione di Pasquale Scimeca, Giuseppe Maimone Editore, Catania 1995 (Nuovo Cinema Paradiso e L'Uomo delle Stelle)
  • Antonio La Torre Giordano, Luci sulla città - Palermo nel cinema dalle origini al 2000, ASCinema - Archivio Siciliano del Cinema, prologo di Goffredo Fofi, prefazione di Nino Genovese, Caltanissetta, Edizioni Lussografica, 2021, ISBN 978-88-8243-518-9

Altri projeti

canbia

Linganbi foresti

canbia


Controło de autoritàVIAF (EN) 79075956 · ISNI (EN) 0000 0001 2029 1464 · El vałore CFIV115151 de SBN no el xe mija bon. · LCCN (EN) n95046791 · GND (DE) 11950684X · BNF (FR) cb12196577w (data) · BNE (ES) XX1172961 (data) · ULAN (EN) 500339562 · NLA (EN) 40007364 · NDL (EN, JA) 00516617 · WorldCat Identities (EN) n95-046791
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giuseppe_Tornatore&oldid=1174171"