Gran Baja Austrałiana

Ła Gran Baja Austrałiana (in inglexe Great Austalian Bight) el xe una porxion [1] del'Osèano Indian.

Gran Baja Austrałiana
Australia.A2002231.0145.250m NASA Nullarbor.jpg
Imaxene da satełite deła parte setentrional de ła baja.
Parte deOsèano Indian
Coordinae33°S 130°E / 33°S 130°E-33; 130 (Gran Baja Austrałiana)Coordinae: 33°S 130°E / 33°S 130°E-33; 130 (Gran Baja Austrałiana)
Xiografia fìxega
Superfise484,000km²
Fondità màsima≈5,500m
Idrografia
Sałinità mexana35,7 ‰
Tenperadura20,5 °C14,5
ÌxołeArsipełago de ła Riserca, Ixoła dei Canguri
CałancheGolfo de Spenser, Golfo de San Vincenso
StatiAUS


Ła se cata tra le coste meridionałi de l'Austrałia a nord chełe de ła Tasmania a est. Ła comunica a est co el Mar de Tasman tramite el Streto de Bas, a sud e ovest diretamente co l'Osèano Indian. [2]

Łe so' całanche pi' grande łe xe el Golfo de Spenser e el Golfo de San Vincenso, entranbe łe se cata 'nteła so' porxion nordoriental.

Giografia fixicaCànbia

L'area che ła coverse ła xe molto granda, cofà ła so' profondità. I so fondałi i xe costituii prevałentemente da crosta osèanica. Inteła so parte meridional se cata el Basin de l'Austrałia meridional (che int'el Osèano Indian riva a 5708 m).

Ła Gran Baja Austrałiana ła coverse da nord verso sud ła piataforma continental austrałiana e un fianco de ła Dorsal de l'Indian Sudoriental. El fondo marin ga tacà a formarse xà intel Mesosoico par l'apertura de na nova dorsal che ga separà ła piataforma continental de l'Austrałia a nord e cheła de l'Antartide a sud.

Ła xe atraversada in superfisie da ovest a est dal fluxo caldo de ła Corente de Lèuin [3], e in fondità de est verso ovest da do fluxi fredi: ła Corente de Flinders e el Fluso de Tasman.

El fiume pi importante che el se jeta intełe so acue el xe el Mari.

Al so interno se cata l' Arsipełago de ła Riserca e l' Ixoła dei Canguri.

Giografia umanaCànbia

L' unico paexe che el se cata su łe so coste el xe l'Austrałia.

Łe so sità pi grande łe xe Adelaide, Porto Augusta el xe un groso porto indusrial, un inportante sentro de pesca el xe Porto Łiṅcen.

No ła xe particołarmente pescoxa, ma se pol catar sardełe e tòni inteła so' parte sentral e crostacei łongo łe coste sudorientałi e a l'estremo ovest.

NoteCànbia

  1. Storicamante ła vien considerada na baja (en inglexe bight) par ła so forma blandamente arcuada, ma viste łe dimenxion e ła comunicaxion direta co l'osèano, podaria benisimo eser considerada un golfo o un mar adiasente.
  2. Secondo interpretaxion pi' restritive invese ła va da Capo Pasley a ovest fin al Capo Carnot inteła Penisoła de Er.
  3. Sta corente ła xe conosua in Tasmania col nome de Corente de Zeehan

Altri ProjetiCànbia

Linganbi forestiCànbia

Controło de autoritàVIAF (EN234360251 · LCCN (ENsh92003612 · GND (DE4835705-4 · WorldCat Identities (EN234360251
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gran_Baja_Austrałiana&oldid=956368"