Granda depresion (1873-1895)
La granda depresion del XIX secoło, dizesta anca longa depresion, ła ze sta na crize econòmega – ła prima a devegner ciamada cusita par grandesa de portada e estension tenporałe inte el cuało ła ghea descaenà i so efeti – che ła ghea vesto scumìsio a Viena inte el 1873 e ła se ghea difondesto anca inte i Stati Unii de l'Amèrica inte el ndar de ła prezidensa de Ulysses S. Grant, dopo pì de vent'ani de guałiva crésita ecònomega determenada da ła seconda revołusion industriałe e ła zera ndà vanti finmente inte el finałe del XIX secoło.
| Sorte | Recesion depression (en)   |
|---|---|
| Intervało de tenpo | 1873 - |
| Càuza | Panico del 1873 (it) |
|
| |
El mondo desviłupà el ghea conosesto prima na crize agrària, a ła cuała ła se ghe ghea dopo zontà na parałeła crize industriałe, co forti redusion de ła domanda, profiti marzenałi całanti e scarsa sircołasion monetària (che parò no ła ghea ciapà tuti i Paezi), anca se el prodoto interno lordo (PIL) totałe el se ghea mantegnesto in crésita costante, sensa mostrar caràtari netamente recesivi.
Na forte e perdurante deflasion, a livełi struturałi, inte el ndar de l'intiero ventènio ła ghea inescà grandi licensiamenti e redusion salariałi, represion fate prezudegando i sindacai e grandi movimenti migratori da łe canpagne a łe sità e da łe àree manco desviłupae a cuełe economegamente pì forti del mondo.
Notasion canbia
Altri projeti canbia
Wikimedia Commons el detien imàjini o altri file so Granda depresion (1873-1895)
