Hardware

Col tèrmene hardware, in inzenjerìa ełetrònega e informàtega, A se ìndega ła parte fìzega de un computer, overo tute chełe parte ełetròneghe, ełètreghe, mecàneghe, manjèteghe, òteghe che łe ghe parmete de funsionar.

Vizion de ła parte hardware de un computer

Scheda mare

Ła scheda mare ła ze el conponente prinsipałe de un PC. Ła só grandesa ła varia a seconda del tipo de scheda. Ła ze dotà de sircùiti integrài che i ga ła funsion de cołegar intrà de łori i conponenti del sistema. Sora de ła scheda mare A ze posìbiłe trovar el procesor, ła memoria RAM, l'insenbre de unità de memoria ROM che łe contien el BIOS, łe schede gràfeghe e de rete.

Memoria secondaria

Ła memoria secondaria o memoria de masa ła ze l'insenbre de suporti che’l ghe parmete a i dati e a łe informasion de seitar a restar inte el sistema anca dopo el dezmorsamento del computer:

• dischi rìjidi
• nastri manjèteghi
• floppy disk
• dischi òteghi
• penete USB

Floppy disk, dischi òteghi e penete USB i pol èsar defenìi suporti removìbiłi, overo unità de memoria mìa stretamente łigàe a ła màchina.

Dispozidivi de ingreso e de sortìa

Perefèreghe de ingreso

I dispozidivi de ingreso i parmete de resévar dati da l'esterno; i prinsipałi i ze:

• Tastiera
• Dispozidivi de pontamento
• Scanerizador de imàjine
• Màchina fotogràfega
• Micròfono

Perefèreghe de sortìa

I dispozidivi de sortìa, invese, i ze chełi dispozidivi che i fornise el rezultado de na ełaborasion converténdoło in testo, gràfega o àudio, cofà el monitor, ła stanpadora o łe case àudio.

Varda anca

• Microprocesor

Portałi:Modeło:Portałe informadega |

Altri progetti

• Wikimedia Commons

• Wikimedia Commons el detien imàjini o altri file so Hardware
• el detien schemi gràfeghi so

Controło de autorità	LCCN (EN) sh85029505 · GND (DE) 4023422-8