Himalaya

Ła Himałaia (da le sanscrito हिमालय, hima (neve) + ālaya (caxa)) ła xe un sistema montuoxo de ła Axia meridional.

Himałaia
Continente	Axia
Stati	Butan Cina India Nepal
Coordinae	29°N 84°E
Ponto pì alto	Everest 8 848 m s.l.m.
Longhesa	2400 km
Larghesa	250-400 km
Superfise	600000 km2
Perìodo o età	Eòsene
Tipi de piere	sedimentarie, plutoneghe e ofiołiti
Carta intrativa

Imaxene da satełite de ła banda sentro-osidental

Kangchenjunga visto da sudest

Ła separa ła pianura Indo-Ganġetica a sud da łi altopiani de ła Axia Sentral a nord, estendendose da el fiume Indo a ovest a el fiume Bramaputra a est.
Ła conprende na serie de caene a pieghe, co andamento parałeło e diresion a grandi łinie ovest-nordovest-est-sudest, intra łe cuałi se cata de łe vałi e de łi altopiani. Ła caena prinsipałe ła conprende da oves a est el 'Nanga Parbat, el 'Nanda Devi, el Dhaulagiri, el Everest, el Kanchenjunga e el 'Namcha Barwa. Pi' a sud se cata łe caene de el Picoło Himałaia e łi Siwalik. Indando invese verso nord se cata łi Zaskar, łi Ladakh, łi Kailas e el Karakorum.

Ła oregenexi ła xe scominsiada int'el Eòsene inferior, co un secondo periodo int'el Plìosene; ma ła xe incora in corso, co che dimostra ła intensa ativita sismega de ła rejon.

Ła conprende łe montagne pi' alte de ła Tera e ła xe na caena asimetrica, co un profiło meridional pi' ripido de cheło setentrional.

El versante meridional, batuo da el monson, el xe molto pi' piovoxo de cheło setentrional.

Tante porxion de ła caena łe ga na altesa superior a cheła de el łimite de łe nevi permanenti, roba che unia a łe presipitasion ełevae ła ga permeso ła formasion de estexi giasari anca a łatitudini cusì base. Ła foresta ła riva a 4800 m. a est, a 4200 m. a ovest. Łe xone coltivae invese łe riva a 4650 m.

Łe maxoria de ła popołasion ła xe de orixene tibetana, ma inte ła banda osidental se cata anca indiani montai suxo da ła pianura.

Note

Altri progetti

• Wikimedia Commons

• Wikimedia Commons el detien imàjini o altri file so Himalaya