Juto:Union

Linee guida su come che bixogna fare par unir una o pì pajine inte na pajina ugnoła.

– Sporteło informasion

Caxi in cui se unise łe voxe

L'union de voxe se ga da far co se verifega uno de sti do caxi:

Dopion

A volte se cata do o pì voxe che trata del steso argomento. De sołito łe xe stae crea par sbałio. Par exenpio połe esarghe un eror inte el titoło o un uxo inpropio de ła maiuscoła o anca 'l uxo de ła sigla invese che del nome par intiero.

Inte el caxo de dopion i contegnui i va unii inte na pajina ugnoła dal titoło justo (tegnendo conto de łe convension de nomenclatura), reindirisando łe altre voxe a ła nova voxe co un rimando.

Voxe masa spesifeghe

Se na voxe ła xe cusita spesifega che xe probabiłe che no se podarà scrivare pì de un aboso podaria esar na bona roba integrarla inte na voxe de argomento pì xenerałe.

Se invese tute e do łe voxe łe xe longhe, l'union ła podaria esar no consejabiłe: varda Juto:Dimension de ła voxe.

Come segnałare łe voxe da unir

Se te cati de łe pajine da unir, ma no te si bon de farlo, te poi rendarte utiłe isteso segnałandoło inte el modo spiegà cuà soto. Calche altro wikipedian ghe pensarà.

Xonta in sima a ła voxe el modèl {{U}}

(sintasi minima: {{U|titoło de l'altra voxe}}, sintasi consejà: {{U|titoło de l'altra voxe|argomento|mexe ano}}). Meti el modèl anca in chealtra voxe.

Łe voxe che xe sta segnałae par l'union co sto modèl łe xe mese automategamente inte ła categoria:da unire.

Come unir łe pajine

Par unir do pajine:

Se te pensi che sia sensà unire prosedi, se no discutighine co chi che ga xontà el modèl so ła voxe.
Desidi cuałe de łe voxe tegner "par bona"; siełi el titoło pì justo tegnendo conto de łe convension de nomenclatura.
Sposta tuto el contegnuo de ła pajina de orixene drento ła voxe finałe, faxendo atension a integrar coretamente i contegnui xà prexenti (no basta un normałe "copia e incoła"). Inte el ogeto de ła modifega ricordate de indicar ła voxe d'orixene.
Scanseła tuto el contegnuo de ła voxe d'orixene e metaghe un senplise rimando verso ła voxe finałe.
Se ła pajina d'orixene ła ga un titoło sbałià o no standard coreji tuti i ligamenti (doparando el strumento Punta cuà, o, se i xe tanti, dimandando 'l intervento de un bot), par poderla metare in scansełasion imedià (criterio 5).

Nota ben:

Xe posibiłe copiar ła storia de ła pajina d'orixene e metarla inte ła pajina de discusion de ła voxe finałe (par mantegner ła formatasion ła va inseria infrà i tag <pre></pre>, eventualmente drento un {{caseto}}

.

Indicar inte ła riga "ogeto" ła voxe da cui se ga ciapà el testo xe nesesario e sufisente par no viołar ła licensa CC-BY-SA de Wikipedia. In caxo se scansełe ła pajina d'orixene xe obligatorio riportar ła storia de ła voxe inte ła pajina de discusion de ła voxe finałe.
Se te scopri che ła pajina d'orixene ła xe sta scansełà ma no ghe xe ła so storia inte ła pajina de discusion de ła voxe finałe dimandaghe a un aministrador (che pol vedare ła storia de łe pajine scansełae) de sistemar.
In caxo se desida de riportar ła storia de pajine co tante modifeghe, xe posibiłe vixuałixar pì de 500 righe de crono modifegando a man el vałore del parametro "limit=" inte ła URL de ła pajina.

Pajine ligae

Modèl:U
Categoria:Da unire
Modèl:Categoria da rinominare (par segnałar che do categorie łe xe da unir)