Lìbaro marcà

El lìbaro marcà el ze un marcà inte el cuało i presi de beni e servisi i ze determenai escluzivamente da ła mùtua interasion de venditori e acuirenti, o sia produtori e consumatori. Par definision, inte el lìbaro marcà venditori e acuirenti no i se forsa o ingana resiprocamente, ma no i ze gnanca forsai da na tersa parte (che ła podaria èsar el Stato). I efeti agregai de łe decizion dei sìngułi i ze descrivesti da łe leji de ła domanda e de l'oferta.

I marcai lìbari i ze in neta opozision ai marcai controłai de łe economie pianifegae, inte łe cuałe i goerni i règoła diretamente o indiretamente i presi e łe provizion, pianifegando ła destribusion intrà i consumatori in baze ai fini. Sti goerni cuà i połe destribuire i beni in baze ai bezogni o favorir chi che produze de pì, dando in sta magnera incentivi. Na fiłozofia intermèdia ła ze cueła là de łe economie miste o smisiae, andove al libarismo s-ceto se ghe infianca ła man interventista del Stato col fin de garantire l'eventuałe re-ecuiłìbrio del sistema traerso de ła pułìtega econòmega.

Linganbi foresti

Controło de autorità	LCCN (EN) sh85073989