Leje Merlin

Co Leje Merlin a se intende convensionalmente ła leje n. 75 - aprovata el 20 de febraro 1958 dal Parlamento itałian e entrada in vigor sete mixi dopo - che ła gaveva come prima firmataria ła senatrice Lina Merlin, co ła cuałe a xe sta decixa ł' abołision de ła regołamentasion de ła prostitusion in Itàlia e, contestualmente, a vegneva aviàda ła łota contro ło sfrutamento de ła prostitusion altrui; a vegneva, conseguentemente, decixa ła sopresion de łe caxe de tołeransa.

Sto provedimento el xe sta el prinsipal obietivo de ł'atività połitega de ła parlamentare veneta, che ła ga tegnuo drio ł'exenpio de ł'ativista fransexe (e ex-prostituta) Marthe Richard che ła gaveva contribuìo a far sarare i postribołi in Fransa zà dal 1946.

Varda anca

• Lina Merlin
• Prostitusion