Lonson

Lonson la xe na fraçion de 'l comun de Mégolo, inte la provinçia de Veneçia.

Lonson

Pozision
45°38′00″N 12°28′50″E45°38′00″N, 12°28′50″E
Stato	Itàłia
Rejon	Vèneto
Sità metropułitana	Sità metropułitana de Venèsia
Comuni de l'Itałia	Méoło
Popołasion
Caze abitae	1205
Zeografia
Altitùdene	2 m
Dati istòreghi
Dì festivo	Festa patronałe(30 de setenbre)
Patrono	San Xeròlamo saçerdote e dotor
Còdazi de identifegasion
Còdaze postałe	30020
Fuzo oràrio	UTC+1 UTC+2

Zeografìa fìsega

Lonson la xe situà a nord-est de 'l capoluogo comunal che 'l se cata a çirca 3 km. El pìciolo çentro abità, çircondà da la campagna el xe traversà da 'l fiume scolo Corejo. A nord el confina co el comun de Monastier de Treviso e Fossalta de Piave. A est el confin co 'l comun de Musil el xe rapresentà da 'l tracià de la SS 14 Triestina.

Monumenti e siti d'interesse

Monumento a i cadùi de la guera '15 '18

La picenina fraçion de Lonson de Mègolo la xe ciamaa par italian cofà Losson della Battaglia a regordar la Granda Guera che la ga segnà 'sto toco de tera de la bassa Piave. El tremendo evento de guera el ga coinvolto Lonson cofà avanposto nemigo estremo e canpo de bataja, regoncuistà inte 'l zugno de 'l 1918 co gravi pèrdete. Un picenin monumento posto a la porta de 'l çentro abità el xe stà ereto da la seçion artijeri de Mégolo inte 'l zugno de 'l 1980 come testimoniança de la tràsega bataja de 'l sostiçio. Inte na làpide xe riportà el seguente: "Inte la note de 'l 25 de zugno 1918 da 'sta riva sagra a 'l destin de la patria, fanti, audaci, bersajeri, cavalieri, artijeri e xèneri de la invita III armada in un tumulto de schiere coçante e fragor de armi i ga spostà a regoncuistar cuel lenbo de tera italian che 'l sagrefiçio de vita e sangue de i fioli pi boni el ga consagrà a la Patria. Unità parteçipanti: divisioni 22, 23, 37, Pèrdete 3000 morti, 20000 ferii".

Parco Bers.Attilio Verdirosi

Realisà graçie la volontà de'l comun de Mégolo che 'l xe stà in grado de recualifegar na zona poco doparà de'l paese, el parco el xe stà dedicà al bersajer Attilio Verdirosi (Longone Sabino 1-07-1873; Lonson 19-06-1918). Medaja de oro a 'l valor militar, el xe stà perdesto propio vesin de Lonson durante i tràseghi conbatimenti che i xe avegnùi inte 'l zugno de 'l 1918, morto da na mitrajatriçe nemiga che fin a 'l ùltemo el ga çercà de fermar par fermar el sparximento de sangue de i conpagni.

Cesa de Lonson

Facia de la cesa de Lonson

La cesa parociale de Lonson, intitolada a San Zeròlamo saçerdote e dotor, la vien ereta inte 'l 1922 da la comunità locale. In realtà se trata de recostruir l'antiga cesa desfada da i eventi de guera. Inte l'àsside de la cesa xe piaçà un organo de la casa organaria Vincenzo Mascioni datà 1928, a 2 manuali e pedalera. Inte 'l 1988, par esigençe litùrxeghe el pìciolo organo el xe stà eletrifiegà e anplià de 5 registri sonori, dotà de na nova consol a trasmission elètrega.

Bibliografìa

• Bortoletto Toniolo, Le Tre Venezie, Grafiche Antiche S.r.l. Cornuda, Treviso, 2001 n.1.