Luisa Ronchini

	Luisa Ronchini
Nasesto/a	1933 Bergamo
Mortesto/a	2001
In atività dal	1963 - 2001
Xènaro muxicałe	muxica popołar
Eticheta discografega	Cetra, I Dischi Del Sole, Linea Rossa
Instrumento/i	voxe, chitara
Atività prinsipałe	cantautor

Luisa Ronchini (Bergamo, 1933^[1] – 13 de luglio 2001^[1]) xe stà na cantautrice itałiana.

BiografiaCànbia

Nata a Bergamo nel 1933 ła se gà trasferio prima a Bolzan e dopo a Venesia, dove che ła gà tacà łavorar come ceramista.^[1] Qua ła gà tacà frequentar grupi anarchici e na libreria, dove che ła gà descoverto i dischi del musica popołar.^[1] Spronada da I Dischi Del Sole ła gà tacà firar par całe e strade de Venesia, Ciosa e Treporti, registrando col registrator ła musica popołar de ch'i posti.^[1]

Nel 1965 ła regstra el primo disco, l'EP Nineta cara par I Dischi Del Sole, insieme col chitarista Frnco Baroni. Nel 1964 ła forma, insieme co Gualtiero Bertelli el Canzoniere Popolare Veneto, nel 1965 ghe entra anca Alberto D'Amico. El grupo el mete insieme el spetacoło Tera e aqua, che'l presenta par ła prima volta a Venesia el 7 april. Dal spetacoło vien publicà el disco Addio Venezia addio.^[1]

Luisa Ronchini contina sonando in giro in tanti concerti, insieme co artisti importanti come Gigi Proietti e publicando altri dischi col Canzoniene Popolare Veneto e da soła.^[1]

Nel 1986, insieme co Alberto D'Amico, utiłizando el soranome de Osvaldo e Vincenza, i canta quatro canzon anticlericałi par ła radio libara Radio Gamma 5, che łe vien publicae in musicaseta dała stesa radio.

Nel 1990 ła publica na racolta de testi de canzon 'ntel libro Sentime bona zente.^[1]

L'ultimo concerto ło gà tegnuo nel 1993, in ocasion dełe cełebrazion deła nasita deła Camera del Lavoro de Venesia, insieme co Gualtiero Bertelli, Alberto D'Amico e tanti altri.^[1]

Ła xe morta el 31 de luglio del 2001 par na rara małatia.^[1]