Mar de ƚi Coxmonauti


El mar de ƚi Coxmonauti (da el ruso: Море Космонавтов) el xe un mar marginal de el osèano Antartego situà a sud de el osèano Indian. El se cata intra el mar de Riiser-Larsen a ovest e el mar de ƚa Coperasion a est, intra  ƚa longitudine 34°E e cheƚa 54°E.[1] La cordiƚiera sotomarina Gunnerus, che ƚa xe 'na continuason de ƚa penìxoƚa Riiser-Larsen, ƚa xe ƚa frontera natural co el mar de Riiser-Larsen. El cao Batterbee (53° 48' E), estremo nord de ƚa Tera de Enderby, el segna el ƚimite co el mar de ƚa Coperasion. Se considera cofà so ƚimite setentrional el paraƚeƚo 65° S, ma el podaria eser considerà cofà ƚa banda pi' meridional de el basin African-Antartego.

Mar de ƚi Coxmonauti
Enderby Land, Antarctica.jpg
Imaxene da sateƚite de ƚa Tera de Enderby, el mar de ƚa Coperasion, el se cata so ƚa sanca
Parte deOsèano Antartego
Coordinae66°S 44°E / 66°S 44°E-66; 44Coordinae: 66°S 44°E / 66°S 44°E-66; 44
Xiografia fìxega
Superfise698 600km²
Fondità màsima4 798m
Idrografia
Basin idrografego699 000km²

El ga ciapà sto nome int'el 1962 in omajo a ƚi primi astronauti rusi da ƚa Spedision Antartega Sovietega, durante ƚa cuaƚe i so partesipanti ƚo gaveva identifegà cofà un mar independente inte'el osèano Austral.

Sto mar el bagna inte ƚa Tera de ƚa Regina Maud ƚa costa de el Prinsipe Harald e ƚa costa de el Prinsipe Olaf, che ƚe xe aree so ƚe cuaƚi ƚa Norveja ƚa pretendaria de eser sovrana. Intra ƚe aree so ƚe cuaƚi ƚa Austrałia ƚa pretendaria de eser sovrana el mar el bagna ƚa parte osidental de ƚa Tera de Enderby.

Ƚa Baxe Syowa de  el Giapòn ƚa xe stada inaugurada int'el 1957 so ƚa costa de el mar de ƚi Coxmonauti.

Sto mar el coverxe un area de 698 600 km². Ghe xe 'na streta franxa de ƚa piataforma continental che ƚa caƚa bruscamente verso el nord e ƚa riva a 4798 metri de profondità. El xe constantemente coverto de giasi a ƚa deriva, co 'na gran cuantità de ''icebergs''.[2]

NoteModìfega

  1. Information Bulletin, Voƚumi 4-5.
  2. (RU) МОРЕ КОСМОНАВТОВ