Marina de Raguxa

Marina de Raguxa (par Italian Marina di Ragusa) ła xe na frasion de Raguxa – sentro balnear de 3 468 abitanti – situà inte łe rive del Mar Mediterraneo. Durando el perìodo de istà, a càuxa del forte fluso torìstego, ła popołasion crese notevolmente.

Marina de Raguxa

Pozision
36°47′08.7″N 14°33′17.06″E
Stato	Itàłia
Rejon autònoma	Sicìlia
Ex-provinsa	Raguxa
Zeografia
Altitùdene	8 m
Còdazi de identifegasion
Còdaze postałe	97100
Fuzo oràrio	UTC+1 UTC+2
Prefiso tełefònego	0932

Storia

Bastion de ła Tore Cabrera.

L'antìgo nome del paexe el xera Mazzarelli, che deriva da l'arabo Marsa A'Rillah, che segnifega pìcoło aprodo. A ła fin del XVI sècoło darente al porto vècio xe stà costruìa ła Tore Cabrera a scopi defensivi, e pochi deseni drìoman se gavea xa formà un nucleo abitativo; cuesto parò no gà prosperà e no se gà slargà tanto (anca a cauxa dei visin palùi al sbóco del fiume Irminio persugae inte el 800) e ła so fortuna xe rivà soło sol finir del XIX sècoło, co xe nasesto el comercio de ła pièra pégoła e co i Inglexii e de łe caròbe.

Inte el 1928, par vołontà del xerarca fasista Filippo Pennavaria, el nome se ga trasfrormà inte el atual Marina de Raguxa. Drìo el periodo bełico Marina de Raguxa ga conosesto un vero e pròpio boom abitadivo, a cauxa del descaenarse de ła moda de ła "segonda caxa a mar" da parte dei raguxani; tałe espansion continua oncora al dì d'ancùo e ga portà el borgo a deventar un sentro balnear de primordene.

Zeografia fìxega

Ła łocałità se cata a sìrca 25 km da Raguxa inte el sud-est de ła Sisiłia e intrà i altri sentri più visìni conta Santa Croce Camerina, Donnalucata, Scicli e Punta Secca (el borgo marinaro oramai famoxo grasie ai epixodi tełevixivi del comisario Montalbano). Ła xe caraterixà da na łonga spiagia sabioxa che se interonpe ad ovest al porto e ad est poco prima de ła riserva de l'Irminio. Tanti corsi d'acua uncò prevałentemente sechi desbocava łongo ła riva , e i so alvei xe stà coverti da strade. Łe spiage ga nomi derivài da ła prexensa de łocałi e più de raro da antìga tradision popołar.

Economia

Turismo

Ła conomìa de Marina de Raguxa, ancò, se fonda soratuto sol turismo balnear. Storegamente conosùo cofà "borgo de pescaori" łongo i so do łungomari (Lungomare Andrea Doria e Lungomare Mediterraneo, conosùo in modo sbalià anca cofà Lungomare Vecchio a cauxa de ła visinansa al nucleo abitativo orixenario, benché el sia stà costruìo dopo l'Andrea Doria) co el pasar dei ani xe stàe numaroxe atività de restorasion e alberghiere. Anca i presi dei afiti imobiłiari xe influensà da l'andamento de ła stajon estiva e łe raxonxe sifre superiori a ła mèdia rejonałe. Xa inte el 2009 xe stà asegnà a Marina de Raguxa ła bandiera blu da ła Fee, co anca ła visina Pozzallo. Inte el 2010 tute do łe łocałità reconferma el premio de l'ano presedente rexultando do de łe cuatro spiagie mejo organixàe de ła Sisiłia (segondo i stàndar Fee).

Altro setor conòmego ben sviłupà inte ła frasion xe l'agricoltura intensiva in sera anca grasia a ła visinansa dei marcai ortofruticołi de Santa Croce Camerina, Scicli e Vittoria, sto ùltemo l'è el pì grando de Itałia.

Infrastruture e trasporti

Strade

Ła frasion marinara xe cołegà al caòłogo da ła strada provinsiałe 25 Raguxa-Marina de Raguxa.

Aeroporti

Marina de Ragusa xe servìa da l'aereoporto de Comiso Pio La Torre che se cata a 28 km.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Marina de Raguxa