McLaren

Ła McLaren ła ze na scudarìa britànega de Formuła 1 co sede a Woking. Da'l 2021 ła vien iscrivesta a'l Canpionato mondiałe de Formuła 1 co el nome de McLaren F1 Team.

McLaren

(en) Vodafone McLaren Mercedes (en) West McLaren Mercedes (en) Marlboro McLaren International
File:McLaren 2019 logo.png
Dati
Sorte	costruttore di Formula 1 (it) scuderia de F1
Indùstria	automobiłìstega
Istòria
Creasion	1963
Fondador	Bruce McLaren
Atività
Spor	Formula 1
Governo d'impresa
Personałità rełevante	Andrea Stella: team manager Oscar Piastri: piłota de Fòrmuła 1 Lando Norris: piłota de Fòrmuła 1 Zak Brown (it) : aministrador dełigà
Ente controłante	McLaren Technology Group
Sito web	mclaren.com…
Pozision

Fondada el 2 de setenbre 1963 da'l piłota neozełandeze Bruce McLaren (1937-1970), ła ga ezordìo inte'l 1966 e ła ze, insieme a ła Williams, una de łe pì prestijoze scudarìe britàneghe de ła màsema formuła oncora in atività.

El team el ze parte de'l McLaren Group, holding che'l conprende anca łe sosità McLaren Automotive che ła produze łe veture stradałe, McLaren Electronic Systems che ła reałiza łe conponenti ełetròneghe, fornìe anca ad altre caze inte'l Campionato Mondiale Rally, oltra a ła sentrałina MES co ła cuała McLaren ła ga vinsesto l'apalto par ła fornidura obligatoria par tuti i team de F1, ghe ze po' McLaren Applied Technologies che ła fornise consułense tècneghe, McLaren Marketing e Absolute Taste. Ła propietà de'l grppo ła ze cusì dividesta: el 25% el ghe apartien a Mansour Ojjeh, mentre el restante 75% el ze de ła sosietà de investimenti Bahrain Mumtalakat Holding, presente dal 2007 inte el capitale McLaren.

Ła McLaren ła ze una de łe pì titołàe scudarìe de ła storia de'l canpionato de Formula 1, co 8 titołi costrutori, e 12 titołi conplesivi vinsesti dai só piłoti Emerson Fittipaldi, James Hunt, Niki Lauda, Alain Prost, Ayrton Senna, Mika Häkkinen e Lewis Hamilton.

In pasà, veture McLaren łe ga coresto in altre categorie automobiłìsteghe, dominando conpletamente el Campionato CanAm, tra el 1967 e el 1972, co sincue titołi piłoti consecutivi, otegnjendo tre vitorie a ła 500 Miglia di Indianapolis inte i ani setanta, e vinsendo ła 24 Ore di Le Mans inte'l 1995.

Ła McLaren ła ze partanto ad ancò l'únega scudarìa a'l mondo, oltra a ła Mercedes, ad aver otenjesto almanco na vitoria in onjuna de łe tre pì prestijoze conpetision automobiłìsteghe (canpionato de Formula 1, 500 Miglia di Indianapolis e 24 Ore di Le Mans).

Traverso ła divizion Applied Technologies ła ze ativa anca so i altri frontoi, tra cui ła sperimentasion de un software par otimixar el tràfego aereo a Heathrow e redur i ritardi in ateragio e decoło dei aerei.

Dal 2011 ła ga riciapà l'atività de costrutor de automobiłi produxendo ła 12C in version coupé e cabrio e ła supercar P1. Inte el 2011 xe stà produxeste 400 auto mentre inte el 2012 1586 auto.

Storia

I inisi co łe biposto (1963)

Inte el 1963 el piłota neoxełandexe Bruce McLaren, dopo i primi sucesi al vołante de veture Cooper, el ga desidesto de fondar na pròpia scudaria: ła Bruce McLaren Motor Racing Ltd co sede a New Malden (dal 1965 incorporà in Kingston upon Thames) darénte Łondra, drìoman ła sede ła xe stà spostà a Colnbrook senpre inte'łe visinanse de ła cavedałe inglexe. Ła prima atività de ła scuadra xe stà cueła de scheirar do Cooper, a motor Climax da 2700 cm³, a ła Coppa Tasmania, łe veture xe stàe guidàe dal steso McLaren, che ga vinsesto el canpionato, e dal xovane statunitense Timmy Mayer che xe moristo inte el ùltema gara de ła serie.

Ła McLaren M1A (version Nassau) del 1964 a Silverstone inte el 2007

Nonostante l'epiłogo traxego, sta prima esperiensa ga formà l'organixasion de ła scuadra par tanti ani a vegnir, infati el ròło de team manager xe stà fidà suito a Teddy Mayer, so fradèło de Timmy, che el se portà come caomecanego Tyler Alexander e entranbi xe restai drìoman co McLaren a dirixer ła scuadra. Drìoman McLaren ga seità l'atività d piłota in Formula 1 co ła Cooper, ma contenporaneamente ła ga deçidesto de deventar costrutor. El primo prototipo, che no'l xe mai stà portà in gara, xe stà ła M1A, che ga servìo come baxe par i primi cołaudi, da cui se ga sviłupà ła M1B, staltra ła xera na Sport co tełàro a tarlìso tubołar rinforsà da panełi in łiga, el motor xera un Oldsmobile F85 da 4500 cc, ełaborà da ła Traco, el motor xe stà sernìo par ła so łixieresa, infati el zera costituìo prinsipalmente d'ałuminio e ła machina ła xe rivada a pexar conplesivamente 567 kg co un vantagio de 90 kg so łe altre veture de ła stesa categoria. El 26 de setenbre 1964 McLaren ła ga portà al debuto a Mosport otegnendo na vitoria.

Inte el disenbre 1964 McLaren ga coresto co ła M1B a Nassau inte ła setemana de gare de łe Bahamas xonxendo segondo, po' ła vetura xe sta prexentada al Sałon de łe auto sportive de Łondra inte el xenaro drìo, pontando a ła so comerçiałixasion, łe rechieste ga spenxesto McLaren a produrne na picoła serie puxandose a ła fàbrega Elva Cars del grupo Trojan, concesionario inglexo de ła Lambretta. Inte el 1965 McLaren ga coresto par l'ùltemo ano co ła Cooper in Formula 1, ma anca par ła Ford co ła GT40 e inte łe Sport co ła so vetura, inte el fratenpo ła gaveva conosùo Robin Herd, xovane inxegner provegnente da l'industria aeronautega, co l'inserimento in scuadra de Herd, McLaren ga deçidesto de pontar tuto so ła scuadra reałixando nove veture anca par ła Formula 1.

Considerai i boni rexultadi, inte el 1966 łe Sport xe vegneste modifega in veture biposto del Grupo 7 par poder parteçipar, in forma uficiałe, al Canpionato CanAm, mentre inte el 1967 xe stà parecià na vetura speçifega, ła M6A; ła M6A ła xera un projeto inte el cuało si jera tanto risercà ła lexieresa, infati el tełàro el xera na monoscoca in panełi de honeycomb e ła caroseria ła xera in fibra de vero e poliestere, el motor el xera un Chevrolet a 8 çiłindri a V di 5900 cm³, che sviłupava na potensa masima de 500 CV a 7000 xiri/min.

Co ła M6 e ła so evołusion M8, inte łe varie version A, B, C, D, E, F, Bruce McLaren, Peter Revson e Denny Hulme dominava ła serie Can-Am dal 1967 al 1971 vinçendo dagnóra el canpionato, a łe vitorie sportive se ga conpagnà el suceso comerciałe, xa inte el 1968 se xe arivà a produxer 31 exenplari de ła M6, ai aventori ghe vegneva oferìa anca ła posibiłità de sernir el motor, el Chevrolet come łe veture ofisiałe, o sanò el Ford V8. No avendo, el regołamento del Grupo 7, łimiti de çiłindrada, inte i ani ła se xe aumentà fin a rivar inte el 1972, col novo modeło M20, i 8300 cm³ par na potensa de 740 CV, ma pròpio cuel'ano łe McLaren ga dovesto çeder a ła maxor potensa de łe Porsche 917/10 sorałimentae, xestìe dal team Penske. Conplesivamente tra el 1967 e el 1972 łe McLaren łe ga vinçesto 56 gare inte el canpionato CanAm.

I titułi piłoti

Stajon	Canpion	Ponti	Vitòrie	Pole position	Ziri pì ràpidi
1974	Emerson Fittipaldi	55	3	2	0
1976	James Hunt	69	6	8	2
1984	Niki Lauda	72	5	0	5
1985	Alain Prost	73(76)	5	2	5
1986	Alain Prost	72(74)	4	1	2
1988	Ayrton Senna	90(94)	8	13	3
1989	Alain Prost	76(81)	4	2	5
1990	Ayrton Senna	78	6	9	2
1991	Ayrton Senna	96	7	8	2
1998	Mika Häkkinen	100	8	9	6
1999	Mika Häkkinen	76	5	11	6
2008	Lewis Hamilton	98	5	7	1

Linganbi foresti

• (inglezo) Sito ufisałemclaren.com.
• McLaren (canale ufisałe)YouTube.