Medexina
Ła medexina ła xe ła disiplina sientifica che va drìo ła sałute de łe persone (e anca de łe bestie, e lóra ła se ciama veterinaria), e che serca de curar łe małatie. Par far questo i dotori i studia in particołare ła fixiołogia, cioè come che xe fato el corpo umano e come ch'el funsiona, e łe patołogie, cioè łe małatie che pol vegnerghe ała xente e come se fa par curarle. Con el termine medexina se podarìa enténdare anca:
- El farmaco o mediçinałe o medexina;
- Ła pratica profesionàl del'arte medica da parte de na persona (medico) che el gà conseguio un titoło academico riconosiuo łegalmente;
- Ło studio e ła prevensiòn de patołogie łegae an particołàr contesto sociàl (medexina del łaoro, medicina de łe comunità, medexina sportiva, medexina spasiàl);
- L'aplicasiòn de łe conosiense mediche a particołari canpi non diretamente corełai a ła salue de individui o comunità (medexina łegałe);
- La pratica de disipline de cura alternative, no riconosiue ofiçialmente.