Na ciave USB (anca ciaveta USB, pena USB, unità flash USB[1] o in łengua ingleze USB flash drive, o pen drive) ła ze na memoria de masa portatiłe che se cołega al computer mediante ła porta USB.

Na ciave USB Sandisk Cruzer

I dati i ze memorizài so na memoria flash, tìpegamente de tipo NAND, contenjestea al só interno. Ła capasità ła ze łimitada unegamente da ła fisesa de łe memorie flash doparàe, co'l costo par megabyte che'l crese rapidamente par alte capasità. Tanti modełi i despone de un oceło par parmetarghene l'inganso a l'aneło de un comun portaciave.

Storia canbia

 
Na ciave USB priva de invogio esterno. A ze vizibiłi:
1) conetor USB
2) chip de zestion de'l protocoło USB
3) pin par test industriałi
4) memoria flash
5) cuarso de l'osiłador
6) LED de funsionamento
7) interutor par el bloco de ła scritura
8) spasio par na segonda memoria flash
 
Ciave USB Windows To Go

Łe ciave USB ad alta vełosità łe ga benefisià, fin da ła só prima aparision (inte l'ano 1999) de incrementi costanti e senjifegadivi sia in vełosità de łetura/scritura, che in spasio de archiviasion, mentre el costo unidario par byte stocà el ze in continua diminusion.

 
Ciave USB co antena Bluetooth

Ła prima ciave ad alta vełosità rivada so'l marcà ła ze stà produzesta inte'l zenaro 2000 da ła Trek Technology de Singapore: el modeło el se ciamava ThumbDrive e ofriva 8 megabyte de spasio.[2]

Al Consumer Electronics Show de Las Vegas 2017 ła Kingston Technology ła ga prezentà na ciave che grasie a ła capasità de 2 terabyte ła ecuivałe a ła pì capiente atualmente disponibiłe so'l marcà. A se trata de'l modeło Kingston DataTraveler Ultimate Generation Terabyte (GT), che sfruta el standard USB 3.1 Gen 1, capase de razonzer na vełosità masèma teòrega in scritura de 160 MB/s e in łeture de 240 MB/s.[3][4]

Caratarìsteghe canbia

Grasie a łe dimension reduzeste, a l'asensa de inafidabiłi mecanizmi mobiłi, a łe cresenti dimension de ła memoria e a ła só interoperabiłità, ła ciaveta ła se ga afermà, suparando parsialmente i CD e i DVD, cofà unidà prefarìa par el trasporto fìzego de dati. A se tenja parò in considarasion el fato che'l nùmaro de scriture che una memoria flash ła pol suportar no'l ze iłimità, sepur molto alto (oltra 100.000 sicli de scritura).

Tante marche de ciavete USB łe ga in catałogo łe varsion dotàe de picoła łeveta łaterałe che (cuando che ła ze asionada) ła inpedise ła scritura so'l dispozidivo.

Inte'l descargo e cargo de dati ła ciaveta USB ła ze el suporto co'l menor ingonbro e el pì vełose; ła porta USB ła ze par zonta capase de ałimentar ełetrègramente łe parifèreghe a baso consumo cofà łe ciavete, sensa nesesità de na autonoma fonte d'enerzìa, e ła ghe ne parmete el cołegamento/descołegamento sensa destùar el computer (łimitandose a seguir ła prosedura"Remosion segura de l'hardware"[5] da sistema operadivo).

Funsionamento canbia

El protocoło par el trasferimento dei dati da'l computer a ła ciaveta, e viseversa, el ze un protocoło standard denomenà USB Mass Storage protocol. Tałe standardizasion ła ga incorajà l'incluzion dei driver de suporto inte'l file system łocałe da parte dei produtori de sistemi operadivi cofà Windows, macOS e GNU/Linux.

Inisialmente ła vełosità de łetura/scritura de ła memoria flash contenjesta inte łe ciavete ła jera tanto basa, "frenada" da ła reduzesta banda pasante de l'intarfasa USB, che inte ła só varsion orizenałe, ła 1.1, ła ze de 12 Mbit/s. Resentemente invese scuazi tute łe ciavete de nova costrusion łe dòpara łe pì vełose varsion 2.0 o 3.0, parfetamente retroconpatibiłe co ła varsion 1.1, e dotàe de na banda pasante respetivamente de 480 Mbit/s e de 4,8 Gbit/s.

A ze da presizar parò che ła vełosità no ła depende soło da l'intarfasa, ma anca da'l tipo de memoria flash doparada, e da l'eventuałe prezensa de microchip dedicài drento a ła ciaveta stesa. A ghe ze a 'sto propozito in comersio serte ciavete che łe contien un picoło microprosesor dedegà ad otimizar el proseso de łetura/scritura so ła memoria flash. Oviamente ła major conplesidà de 'ste sołusion łe rełega par el momento 'sti "bołidi" ad un marcà profesionałe de fasa alta co ezigense spesìfeghe.

Notasion canbia

  1. https://support.microsoft.com/it-it/windows/creare-supporti-di-installazione-per-windows-99a58364-8c02-206f-aa6f-40c3b507420d
  2. La chiavetta Usb: Singapore, 2000corriere.it. entrada il 26 settembre 2018.
  3. Kingston, arriva la chiavetta USB da 2 terabyte!swzone.it. entrada il 26 settembre 2018.
  4. Kingston presenta una chiavetta USB da ben 2 TBhwupgrade.it. entrada il 26 settembre 2018.
  5. Leggende metropolitane: la rimozione sicura dell’hardwareINFORMATICA 37 - Blog di Informatica e Nuove Tecnologie, 30 de marso 2012. entrada il 3 de disenbre 2020.

Voze corełade canbia

Altri projeti canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Memoria_USB&oldid=1111271"