Mestre

Mestre
locałità
Mestre – Panorama
Piasa Ferretto
Locałixasion
StatoItałia Itałia
RejonVeneto – stema Veneto
Sità metropułitanaVenesia – stema Venesia
ComunVenesia
Aministrasion
Lengue ufisiałiitałian
Teritorio
Coordinae45°29′38″N 12°14′29″E / 45.493889°N 12.241389°E45.493889; 12.241389Coordinae: 45°29′38″N 12°14′29″E / 45.493889°N 12.241389°E45.493889; 12.241389
Altitudinem s.l.m.
Abitanti89391
Altre informasion
Łénguevèneto
Còd. postałe30170
Prefiso041
TargaVE
Nome abitantimestrini
PatronoSan Michièl Arcànxoło
Dì de festa21 de novenbre [1]
Carte interative
Sito istitusionałe

Mestre ła xé na frasion del comun de Venesia e costituise l'espansion de ła sità de Venesia su ła terafèrma.

Ła sità łagunar de Venesia ła ga a ocio de 60 000 abitanti, mentre łe dó frasion de Mestre e Marghera in torno ai 200 000.

Ghe xé stai sostenidori de un progeto per separar Mestre da Venesia creando dó comuni separai, ma 'ntei quatro referendum popołari che i xé stai svolti 'ntei ani 1979, 1989, 1994 e 2003, i sitadini i xé stai senpre contrari a ła separasion.

Indèso Mestre ła rapresenta ła crésita urbana de Venesia, che ancuo no ła pol più slargarse 'nte ła łaguna.

StoriaCànbia

 
Mapa antiga de Mestre ('500)

Se sénte parlar per ła prima volta de Mestre 'ntel 994, in un documento chel dixe de sto posto chel se catava al'intrada de Venesia e ghe faxeva da dogana. Un decreto papal del 1153 el inserise Mestre infrà i teréni del véscovo de Trevixo e el dixeva che ghe gera un porto, un Casteło e na céxa arsipretal. Daspò un łongo tenpo soto Trevixo, Mestre ła xé stada tolta da Verona (Cangrande I de la Scala) e donca dai Venesiani, ai quai non ghe piaxeva el poder dei Veronexi a quei ténpi.

Durante ła guera de ła łiga de Cambrai, el casteło de Mestre el xé stà ùtiłe per Venesia, perché łà i se ga serai drénto prima de mandar soldai a Trevixo. 'Ntel Siexénto na granda parte de sto casteło ła xé stada butada xó e ancuo ghe resta soło ła Tor del Relogio (anca ła tor Belfredo ła xé vegnùa xó perché privai i gà vosuo cusì 'ntel 1876).

'Ntel 1848 Mestre ła xé stada sede de moti de insuresion contro i Austrìasi, come quei de Daniele Manin a Venesia. Daspò chei revoltóxi i gaveva tólto ła fortesa de Marghera, el 26 de magio 1849 i Austrìasi i se ga ciapà tuto indrio e quietà el revolton.

'Ntel corso del Novexénto Mestre e Marghera łe xé cresùe conpagne grasie a łe fàbriche. Sti posti i ga sunà parecia xénte che ła vegneva da ła provincia prima e da Venesia daspò, slargandose miga poco. 'Nte łe ùlteme dexene de ani comunque anca Mestre ła ga perso popołasion a vantagio de séntri menóri intorno.

GeografiaCànbia

 
El Canal Salso visin de vial Ancona; da drio el séntro diresional La Vela.

Mestre ła se cata 'nte ła Pianura vèneta a màrxene de ła Laguna de Venesia (3 m s.l.m.) e ła xe ła porta de intrada per Venesia traverso el Ponte de ła Libartà. El fasarse su ła Laguna el xé costituìo dal Parco de San Zulian, verto l'8 de magio 2004 ed grando 74 ètari.

El prinsipal corso d'aqua el xé el Marsenego chel ga n'àlveo più volte modifegà e terà. Sto qua el se divide in dó parte, el sta intorno a ła sità più vecia, 'ntel ramo Canpana o de łe Mùneghe a sud e 'ntel ramo de łe Becherie o de San Lorenso a nord. I dó brasi i se incontra de novo al'altesa del ponte de via Colombo formando l'Oxełin, el canale artifexal chel ghe porta łe aque in laguna, sfoxando a Tesèra[2].

Altro rio inportante el xé el Canal Salso chel mete in comunicasion ła sità e ła laguna; l'ùltemo toco visin qua, chel termenava al'altesa de piasa XXVII Ottobre, el xé stà terà 'ntel Novesénto per ła reałixasion de ła piasa stesa (eora ciamada piasa Barche, nome ancuo davèro doperà) e de via Forte Marghera.

NotasionCànbia

  1. Festa de ła Madona de ła Sałute
  2. Modeo idrołòxico-idràułico del fiume Marsenego.. Lingambo vardà el 23-01-2009.

Cołigamenti da foraCànbia

Controło de autoritàVIAF (EN152521285 · LCCN (ENn85354441 · GND (DE4285709-0 · BNF (FRcb133237601 (data) · WorldCat Identities (ENn85-354441
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mestre&oldid=878407"