Metallica

Metallica
	;
Atività
Atività	1981 –
Zènare	Thrash metal (it) e heavy metal
Targheta discogràfega	Warner Bros. Records (it) ; Mercury Records (it) ; Universal Music Group (it) ; Vertigo Records (it) ; Megaforce Records (it) ; Elektra Records (it) ; Virgin EMI Records (it)
	(2009) Rock and Roll Hall of Fame; (1990) Grammy Award alla miglior interpretazione metal (it) , premià par Stone Cold Crazy (it) ;
Sito web	metallica.com

I Metallica xe un grupo Thrash Metal American, formà a Los Angeles inte el 1981.

I xe uno de i grupi Metal piassè inportanti, e i ga vendùo pì de 100 milioni de diski in tuto el mondo.

Storia del grupo

I scuminsi (1981 - 1986)

In tel otobre del 1981 James Hetfield, cantante e kitarista, el mete n'anuncio su un giornal par catar dea xente ke gae voja de meter sù un grupo. Ghe risponde el baterista Lars Ulrich e dovo varie prove i vede ke i se cata ben eora i du i ciapa el nome de Metallica. Poco dopo se xonta al grupo anca el kitarista Dave Mustaine e al basìsta Ron McGovney. Dopo du àni entra ne la band Cliff Burton al posto de Ron McGovney, i sona in giro insieme e i scrive bona parte dee cansòn del primo album, ma dopo avèr rognà pì de na olta, Dave Mustaine vièn parà via e al so posto riva Kirk Hammett. Con sta formasion, i registra i primi tri album: "Kill 'em All", "Ride the Lightning" e "Master of Puppets". Pì ke pasàva i àni, pì i diventava conosùi in giro, sia in America ke in Europa, finkè co a tournè de Master of puppets i ghe fà de spàea a Ozzy Osbourne e cuindì i ga avùo a posibiità de sonare davanti a tanta tanta xente e farse conòsare.

I àni mejo

Sol 1986 more il basista Cliff Burton so un'incidente stradàe ke fà capotare el pulmìn ke jera drio portare a band a Copenaghen in mexo al tour europeo: Cliff Burton resta schicià soto, kealtri se a cava co un fià de sgrafi cuà e là, ma gnente de particoeàre. Dopo el trajico incidente, a band decide ke xe mejo continuare parkè Cliff(secondo jori) garìa vosùo cusita, eora al so posto, riva Jason Newsted, e cusita i Metallica va in studio de registrasion e publica prima el rabioxo "...And Justice for All" (1988) e dopo "Metallica" (1991), soprannominà Black Album par via de la copertina tutta nera. Col Black album i fà el boto, un mucio de copie vendùe, tre àni de tournè in giro pal mondo sensa mai fermarse. Durante sti tour vien registrà el "Dvd Live Shit: Binge & Purge", ke anca se el costaa un mucia de skei, el vende ben. Drento ghe xe filmati de concerti del 1989 e del 1992 - 1993.

A crixi

Sol 1996 i Metallica i publica "Load". El disco delude i veci fan, parkè invese de èsar un album Metal, i Metallica ga spostà pì e sonorità verso un smisiòto de rock-blues-country. El cd, parò ghe piaxe ae radio e a tivixiòn e cuìndi anca se i fans veci no cronpava el cd, i ga fato sù na bea streja de fans novi. so a stesa anda de Load ghe xe "Reload" (1997).

Sol 1998 vien publicà el disco de cover "Garage Inc." e sol 1999 el Dvd "S&M", registrà co l'orchestra de San Francisco.

In tel 2001, el cantante James Hetfield el se ricovera so na clinica par disintosicarse da l'alcol. El vien fora un àno dopo.

Sol 2003, a band a publica l'album "St. Anger", ke el xe piasè agresìvo de Load e Reload, ma el vien criticà da i fan e da la critica parkè l'è un album poco comerciàe rispeto a Load e Re-Load.

Ancò

Sol 2008 a band publica "Death Magnetic", e finalmente el disco el segna un ritorno ale origini, co cansoni de bona qualita, pikealtro i ga sercà de riciapàrse i fans persi co St.Anger. sol disco sòna el novo basista Robert Trujillo.

In tel 2016 arriva "Hardwired...to self destruct" dopo oto anni de attesa, album un pelo manco aggressivo de Death Magnetic ma che el pista.

Strumentasion uxà

In tei vari àni i ga canbià pì de na olta strumentasiòn. E marke pì doparàe xe stàe a Mesa/Boogie , Marshall , Diezel , Tama , Ampeg , Esp , Gibson , e tanta altra roba.

Discografia

Kill 'Em All (1983)
Ride the Lightning (1984)
Master of Puppets (1986)
...And Justice for All (1988)
Metallica (1991)
Load (1996)
Reload (1997)
St. Anger (2003)
Death Magnetic (2008)
Hardwired... to Self-Destruct (2016)
72 Seasons (2023)

Metallica live a Sacramento el 8 de disenbre 2009

Wikimedia Commons el detien imàjini o altri file so Metallica
Scholia el detien schemi gràfeghi so Metallica

Controło de autorità	VIAF (EN) 146525215 · ISNI (EN) 0000 0001 2293 9631 · El vałore VEAV016965 de SBN no el xe mija bon. · LCCN (EN) n91114928 · GND (DE) 2126186-6 · BNF (FR) cb13904963g (data) · WorldCat Identities (EN) n91-114928