Mexo de comunicasion de masa

On Mexo de comunicasion de masa, midia de masa (o en léngua inglexe Mass Media) i xé dei midia speçifegadamente projetai par comunicare in forma verta e distansa al grando publego. Se połe dire che ła comunicasion de masa ła xé costituia da organixasion ben pareciae par rivar al fin de produre e difondare mesaji rivolti a on publego largo e incluxivo, chel ciape tochi de popołasion tan difarenti fra de łori.

Tipi de mexoCànbia

JornałeCànbia

Par pì de cuatro secołi l'unego vero e propio mexo de comunicasion de masa el xé sta el jornałe. El primo jornałe eoropeo che se conose, el l'è del 1563 a Venesia, scrito a man da persone incargae dal goerno de ła Republica de Venesia par difondare notisie so łe guere, so łe pułìteghe de goerno al grando publego.

CineCànbia

Partìo inte el 1895 co ła prima projesion çinematografega fata dai fradełi Lumière, el çine el se ga fin da suito difondesto in tuti i paexi del mondo, par divegner un grando mexo de comunicasion de masa, sia co i çinejornałi, che co i film projetai.

AradioCànbia

Partìo col scumisiar del XX secoło, l'aradio l'è sta da suito on grando mexo de comunicasion. Le traxmision inte ła penixoła łe xé scumisiae inte el 1924.

Na olta el jera on mexo de comunicasion intrà i pì funsionanti, parché el se podea scoltare co se jera drio far mestieri de calsiasi tipo e de conseguensa no el inpegnava tenpo come che ło inpegnava ła carta stanpada da łexare e anca parché no ghe jera nisuna alternadiva de sto tipo. Se połe ricordare l'existensa dei radiojornałi, de łe publiçità, de łe radiostorie (raconti) e de ła mùxega.

TełevixionCànbia

La tełevixion ła xé partìa en Veneto inte el 3 de genaro del 1954, e no ła ga da suito vuo on grando suçeso, parché ła costava masa in confronto al costo de ła vida intei ani çincuanta. La vera difuxion ła se ga vuo intei ani 70.

InternetCànbia

El rivo de Internet el se ga intorno ła fin dei ani 90, anca se el vero boom el se ga vuo intei primi ani del 2000 co i Computer e intei ani diexe co i dispoxidivi mobiłi (tełefoni intełijenti, tablet, rełoji intełijenti) che i dà ła oportunidà ai mexi de comunicasion de masa de poder vegner drento a ła nostra vita en ogni momento de ła jornada.

Voxi coreładeCànbia

Controło de autoritàLCCN (ENsh85081863 · GND (DE4037877-9 · NDL (ENJA00567519
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mexo_de_comunicasion_de_masa&oldid=896670"