Verxi el menu prinsipałe
Squola SVG.svg
Sta voxe o sesion ła contien erori ortografisi o de sintasi opur ła xe scrita inte un veneto mia tanto s-ceto
Contribuisi a corejerla secondo ła gramatica, l'ortografia e ła sintasi de ła lengua veneta rispetando ła grafia e ła variansa veneta doparae 'nte ła voxe
Squola SVG.svg
Migrasion de oxeli

Le migrasion le xé dei spostamenti dei animali che i fà in manjiera regolare, periodego (de stajon), longo percorsi e destinasion presixe, e che i fa viaji anca masa grandi, dopo tornando da dove che i jera partii.

Le migrasion le xé invojade da cauxe ligae a la riprodusion (ndare in serca de un logo justo par l'acopiamento, par la gnarificasion o par l'alevamento de la prove) o pure da poco magnare e on anbiente difisile a la vita in serti periodi (ex. co riva la stajion freda n'te le xone temperade).

Anca i spostamenti de le popolasion omàne, le xé drento a la difinision de migrasion, co on significà on fià difarente, in sto caxo no le xé vincolae al viajo de ritorno, come exenpio se pole considerar le migrasion dei popoli barbari come i Longobardi che i se stabilia in Italia a la fin de l'Inpero Roman d'Osidente.

Migrasion dei animali n'tel spesifegoModìfega

In xenerale, par le varie rase de animali migratrisi, i modeli migratori, anca se co on ris-cio abastansa grando, i raprexenta mecanixmi de soravivensa, che i gà fato tanta amirasion n'tei esari omàni n'tel corare dei secoli.

Migrasion dei anfibiModìfega

La maxor parte dei anfibi, come par exenpio le rane tenporarie, anca se le vive so la tera ferma, ogni ano le fa migrasion de masa durante la stajon de la riprodusion e speso, a segonda de la rasa, le torna n'te le stese acque dei ani presedenti.

Migrasion dei insetiModìfega

Le dimension cee dei inseti, i ghe rende on fià on problema far in manjiera ativa spostamenti grandi, cusita xé, che n'te le xone tenperae e in chele circunpolari, al soraxontare de la stajon pì freda, la major parte dei inseti adulti more, d'asando i ovi, larve diapauxanti o pochi individui in grado de svernare e garantir la soravivensa de la major parte de le rase. Ma alguni inseti, pesalmente quei co le ale e de dimension pì grande, le xé in grado de far grande distanse: a exenpio le cavalete, che, co el magnar el njien mancando andove che i sta, i se raduna in grandi sami (algune volte grandisimi) e i cuerxe grandi distanse a la riserca de nove xone da colonixare.

Migrasion vere e proprie, parò, le njien fate da poche spese, sora de tuto Lepidoteri, Oertoteri, Odonai e Coleoteri. N'te la major parte dei caxi i spostamenti i coinvolxe dò xenerasion sucesive: Una fa el viajo de ndada, la fa i ovi e dopo la more, e n'altra che fa el viajo de ritorno. Comuncue, le ghe xé algune spese andove la xé la stesa xenerasion a coerxare el spostamento in entrambe i sensi. El caxo pì conosuo, xé chelo de la paija monarca del Nord-America, che, ogni ano, al sopraxontare de la stajon freda, se sposta in grandi sami da le rejon setentrionali dei Stati Unii e da chele meridionali del Canada verso la California e el Mesego par svernar, volando anca 4 000chilometri.

Migrasion dei retiliModìfega

Le gajandre marine le fa spostamenti pì o manco grandi par ndar so le spaje andove che le farà i ovi, spiaje andove lore le xé nate. Infati, la roba che pì l'asa inpapinai, xé che le ricorda de presixo la rota par soraxonxare el logo andove che e l'é nate o, nonostante i sirca trenta ani nesesari par esar mauri.