Modo de artegołasion

Modi de artegołasion
Costritiva
Ocluxiva
Afregada
Fregadiva
Sibiłante
Sonante
Naxałe
Batesta
Vibrante
Aprosimante
Lìcuida
Vocałe
Semivocałe
Laterałe
Fluso de ària
Esploxivo
Inploxivo
S-ciocante

In fonètega artegołatòria, el modo de artegołasion el xe uno dei paràmatri che i parmete de clasifegar i soni del lenguajo (i foni), e pì presixamente łe consonanti. Eło el descrive ła manjiera inte ła cuała i òrgani de l'aparato fonatòrio i interajise par prodùxare on són (fonasion), saria a dir in che manjiera i làvari, la łéngua e łe altre parte de ła boca łe se poxisiona par far ostàcoło a l'ària co ła vien fora, produxendo cusita el sono vołesto.

Descrision canbia

El modo de artegołasion el xe uno dei paràmatri in baxe ai cuałi łe njien definie łe consonanti, che l'altro, el logo de artegołasion, el stabiłise cuałi òrgani i tołe parte a ła produsion del sono, e cuindi in cuałe logo de ła boca eło el njien prodoto. On ùltemo paràmatro par ła clasifegasion de łe consonanti el xe invese l'ativasion o no de łe corde vocałi, in baxe al cuało el fono el sarà rispetivamente sonoro o sordo, contìnue o no contìnue.

Par ogni logo de artegołasion ghe połe èsarghe pì modi de artegołasion difarenti, o sia pì consonanti omorgàneghe. Par exenpio, i soni [d]

e 

[n]

i xe anbedó, dal ponto de vista del logo de artegołasion, de łe alveołari, ma revardo al modo de artegołasion 

[d]

ła xe na consonante ocluxiva e 

[n]

una naxałe.

Sto paràmatro, insieme a cheło del logo de artegołasion, no el xe justo par łe vocałi par via che inte ła produsion de łore no njien metesto on ostàcoło a ła vegnesta fora de l'aria: ełe łe se clasìfega soło in baxe a ła poxision de ła łéngua inte ła boca.

Par el modo de artegołasion, łe consonanti łe se destìngue in:

Inte łe consonanti polmonari, ste clasi łe njien divideste in ostruenti e sonoranti. Le sie clase inlistae łe xe difondeste anca intrà łe consonanti no polmonari; cofà łe clic e łe laterałi.

Altri projeti canbia


Linganbi foresti canbia


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Modo_de_artegołasion&oldid=1099954"