Musset

An musset al ze na mussa piẑola de legn che la pol portar una o do persone. Sto arte al gnen doperà par ndar te la neve co el unico scopo de divertirse. Chi che monta sù i lo pol goernar co un pal doperà a mo' de timon par dar la direẑion, e la unica maniera par frenar la ze quela de meter do i piei. Ẑerti musset i ze piẑoleti ma i ga la stessa sagoma de na mussa, altri i ga i mussai che se riẑa infin al dret de le stadere. Se sot i mussai ghe n'è na verga de fer par limitar al atrito, al musset al gnen ciamà ferada. A el dì de incoi se ghe un cata anca de fati de materiai diferenti dal legn. Ghe n'è anca an sport aonde che se va co el musset, ma te un sto caso inveẑe che sentadi do se stà stravacadi. An arte par ndar te la neve che ghe someja tanto al ze al bob. Sto qua al ze an tipo de musset de plastica aonde che i mussai i ze ricavadi diretamente te el pian aonde che se senta do. La guida de un bob le la fa co i serangoi che el ga un par parte de quel che lo dopera.