Muxeo del Risorximento (Viłafranca de Verona)

El muxeo del Risorximento de Viłafranca de Verona el nasé in tel 1959 da l'idea da rendar permanente na mostra mesa in pie in ocaxion del çentenaro de l'Armistisio de Viłafranca. El xe sta reałixà in algune sałe rente de ła cusì dita "caxa del tratà" o pì coretamente pałaso Botajixio ( (IT) Bottagisio).

Muxeo del Risorximento
Sała andove el xe vegnesto firmà el Armistisio de Viłafranca
Stato	Itałia
Rejon	Viłafranca de Verona
Locaƚità	Viłafranca de Verona
Indiriso	Via Pace
Periodo storego cołesion	Risorximento
Poxisionamento
45°21′09.9″N 10°50′32.43″E

Storego

Verso ła fin dei çincuanta del novexento el comun de Viłafranca el rancuré on inbastimento de na mostra co stanpe, manifesti e reperti storeghi inprestai da on cołesionista privà de Cavriana. In tel 1959 ghe fé el primo çentenaro de ła stipułasion de ła Paxe de Viłafranca e se pensé de fondare on vero e propio muxeo sol risorximento cronpando i materiałi e inbastendo sù na espoxision permanente che ła trové posto in tel steso pałaso andove xe sta tegnua ła prima mostra.

Descrision

Pałaso Gandini Morelli Bugna, dito anca el Botajixio o anca mejo ciamà cofà "Caxa del Tratà", el xe el pałaso che el tien el muxeo del Risorximento: se xe drio parlar de on edifegà sióriłe costruìo longo via de ła Paxe torno el mexo del setexento, ristruturà e slargà pì volte in tel corso de ła so istoria. Sto edifegà el ga na corte co ła barchexa e jardin botanego.

El muxeo del risorximento el se cata al pian terèn, andove se połe catar armi orixinałi, stanpe e difarenti reperti de propietà dei exerçiti che i conbaté in te łe guere d'indipendensa Itałiane e in tel particołare se pove catare ojeti personałi dei çitadini Viłafranchesi che i se arołé intrà łe fiłe deii garibaldini.