El nasionalbolsevismo' (o bolsevismo nasionale) xe na ideoloxia pulitega. L'é on incroxo tra el bolsevismo che tenta de conbinar la lota de clase co el nasionalismo. Segondo alguni l'é na ideoloxia derivada dal Fasismo, e tanti altri i lo considera a metà strada tra el Fasismo e el Leninismo.

La particolar bandiera Nasionalbolsevista che la xe conpagna a chela de la Xermania Naxista, ma al posto de la Svastega gh'é la False e martelo.

Storia canbia

El movimento, el xe nato inte i ani 20 in Xermania a òpara dei comunisti "eretisi", el xe rinato e doparà prinsipalmente in Rusia, tra la fin del XX secolo e el scuminsiar del XXI secolo, col Partio Nasional Bolsevico de Aleksandr Gel'evič Dugin e Eduard Limonov.

L'è on movimento abastansa contraditorio, in cuanto el mete insieme la Drita estrema co la Sanca estrema, Fasismo e Comunismo. Curioxa e particolar la bandiera del partio, simile a chela de la Xermania naxista, ma co na false e martel al posto de la svastega.

In Belxo le ideoloxie nasionalbolseviche le xe sostegnue dal Parti Communautaire National-Européen, che el deriva dal Parti Communautaire Européen de Jean-François Thiriart. En Italia dal projeto Fronte Patriotico e da la rivista Patria - Boletin socialista.

Ideoloxia canbia

El nasionalbolsemismo l'é conpagnà da na vixion conplesiva che ghin acentua el realismo e cuindi el concepise la pulitega drento el "continente" Eoroaxiatego, chel ciapa drento l'Eoropa tuta, la Rusia e parte de l'Axia. El nasionalbolsevismo l'é nasionalrivolusionario, tradisionalista, antistatunitense e anticapitalista inte l'anbito de la tersa via; el va de linia co le concesion rivolusionarie materialiste e spirituali.





Controło de autoritàGND (DE4041284-2
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Nasionalbolsevismo&oldid=1111725"