Navigador satelitare
El navigador satelitare' el xe un congegno eletronico da metar su ne le machine, che el te spiega che strada te ghe da far. Ti quando te monti in machina e te ghe da ndar in un posto, te ghe disi al navigador l'indirizo. Lu, doparando el sistema de sateliti GPS (Global Positioning System, sistema de posizionamento mondial), el cata le coordinate precise del posto dove te si, el varda le mappe stradali che el ga in memoria e el te da a voce tute le indicazion par rivar a la meta (gira a destra tra dosento metri, ciapa la statale 11, va fora al prossimo svincolo etc.), e el te fa vedar su un schermo el percorso da far. El xe comodo asè parché te pol ndar in giro anca par na zità che no te conosi senza el ris-cio de perdarse. Parò a le olte capita anca calche inconveniente, par esenpio se le mappe no le xe agiornà el navigador el podaria farte sbagliar strada.
Wikimedia Commons el detien imàjini o altri file so navegador satelitare
| Controło de autorità | GND (DE) 4781185-7 · NDL (EN, JA) 00961637 |
|---|