Nicolas-Antoine Taunay

Nicolas-Antoine Taunay (Parixe, 11 de febraro 1755 – Parixe, 20 de marso 1830) xe stà un [[pitor |pitor]] [[Fransa |fransexe]].

Autoritrato de Nicolas-Antoine Taunay

Biografia

Fiòło del pitor Pierre-Henri Taunay (1728-1781), ga studià preso Nicolas-Bernard Lépicié. Rivałe de Debucourt, Nicolas-Antoine Taunay xe entrà all’Académie des beaux-arts inte el 1795.

Dopo 'ver scuminsià a studiar pitura inte el 1768 preso ła botega de Nicolas-Bernard Lépicié ga continuà in seguito soto ła guida de Nicolas Guy Brenet e de Francesco Casanova. Inte el 1773 xe stà ałievo de David all'École Académique de Parixe. Tra el 1784 e el 1787, se ga trasferio a Roma grasie a na borsa de studio dell'Académie royale de peinture. Inte el 1805 xe stà sielo co altri pitori a raprexentare łe canpagne de Napoleon Bonaparte in Xermania.

Ała cadùa dell'inperador, Taunay ga partesipà a ła mision artistica organixà dal conte Barca, influente ministro del rexente Don Joao, fuduro Joani VI del Portogało; se ga inbarcà inte el 1816 co ła faméja in diresion del Braxiłe come menbro de ła Mision artistica fransexe.

Rivà a Rio de Janeiro, xe divegnùo pitor ufisałe stipendià del Regno. Gà fato parte del grupo de artisti che i ga fondà l’Academia Imperial de Belas Artes e inte el 1820 fu nominà titołare de ła catedra de pitura paexagistega preso ła stesa Accademia. L'ano seguente, a cauxa del difisiłe raporto insorto co el pitor portoghexe Henrique José da Silva, nominà diretor de ła scoła, se convinse a tornar in Fransa.

So fiòło Félix-Émile Taunay xe divegnùo profesor de pitura paexagistega e pì tardi diretor dell’Académie impériale des beaux-arts, mentre Adrien Taunay, el fiòło minor, ga aconpagnà in quałità de dixegnator łe spedision de Freycinet e de Langsdorff.

Ópare

• 
  Vedùa de ła cołina de San Antonio (1816), Muxeo nasionałe de be łe arti - Rio de Janeiro
• 
  Vista de Outeiro, spiaxa e Ceza de ła Gloria (1817), Muxeo Castro Maya - Rio de Janeiro
• 
  Largo da Carioca (1816), Muxeo nasionałe de be łe arti - Rio de Janeiro
• 
  Mosè salvà da łe acque (1827), Muxeo nasionałe di belle arti - Rio de Janeiro
• 
  Paexagio de ła canpagna romana (1784 - 1787), Muxeo d'Arte de San Paolo

Łigadure foreste

• (PT) Nicolas-Antoine Taunay Archivià il 5 de otobre 2013 in Internet Archive.

in Enciclopedia Itaú Cultural

Altri projeti

Altri progetti

• Wikimedia Commons

• Wikimedia Commons el detien imàjini o altri file so Nicolas-Antoine Taunay
• el detien schemi gràfeghi so