Novempopulania
Novempopulania o Aquitania novempopulana, anca conosua come Aquitania III, l'era na provinçia romana de l'inpero roman, creà verso ła fin del III secoło in seguito a ła riforma aministrativa de l' inperador Dioclesian che el divide in tre entità aministrative ła precedente provinçia inperial de ła Gałia Aquitania:
- Aquitania Prima che la conprendea ła rejon del Masicio Sentral e Berry
- Aquitania Secunda, intorno a Burdeos, Charentes e Poitou
- Novempopulania
Ła Novempopulania la confinava a nord con l' Aquitania II, a est con la Gałia narbonense, a sud con ła Tarraconexe e a ovest con l' Osèano Atlàntico.
Dipendente da łe diocexi de łe Galie, la gavea come capitałe ła sità de Eauze.
Na stełe conservà en ła łocałità de Hasparren la cełebra ła cresion de ła provinçia:
- Flamen item du(u)muir quaestor pagiq. magister
- Verus ad Augustum legato munere functus
- pro novem optinuit populis seiungere Gallos
- Urbe redux genio pagi hanc dedicat aram.
In latin el so nome el vol dir i nove popołi, riferendose a ła conpoxision de łe nove tribù prinsipałi aquitane che le l'abitava:
- I Tarbelles (Tarbelli) i abitava ła costa del Lapurdi a ła Chalosse, intorno a Aquae Tarbellicae (Dax)
- I Ausques (Auscii) en el Gers e ła sità de Elimberrum (Auch)
- I Biguerres (Bigerri o Bigerriones) de Bigorre en Turba (Tarbes)
- I Convenes (Convenae) en el Comminges, Lugdunum (Saint-Bertrand-de-Comminges)
- I Consorans (Consorani) che i ocupava Couserans (Saint-Lizier)
- I Lactorates de Lomagne, Lactura (Lectoure)
- I Elusates, in tel baso Armañac con ła sità de Elusa (Eauze)
- I Vasates (Vassei o Vocates) in tel sud-est de ła Gironda o Bazadais con capitałe in Cossium (Bazas)
- I Boyates (de Boii) en el Paexe de Buch, i abitava ła sità de Lamothe ( Teich)
El teritorio de Novempopulania l'ospitava anca altre tribù aquitane.
A seguito de l'invaxion de i popołi germanici de l'Inpero roman d'Osidente, ła Novempopulania la vien ocupà dai Vixigoti fin a quando i Franchi merovingi de Clodoveo I i le sconfige en ła Bataia de Vouillé, ocupando ła rejon. Durante i secołi VII e VIII nase łe entità del Ducato de Vasconia e del Contado de Guascogna, più tardi integrè in tel Regno de Aquitania.
Varda anca
canbia
el detien schemi gràfeghi so
| Controło de autorità | GND (DE) 4449394-0 |
|---|