Ojodoto
Un ojodoto o oleodoto ła ze na condutura particułare, doparada par el trasporto de idrocarburi inte el so stato lìcuido dai posi o dai sentri de stocajo finmente ai porti o a łe rafinarie. Oltre che al sistema de tubasion, anca łe stasion de ponpajo e controło łe fa parte de l'ojodoto.
Conduture par petrojo canbia
L'ojodoto el nase par ła necesità de trasportar via superfise dei grosi cuantitativi de petrojo co un costo menor respeto al trasporto feroviàrio e co na mejo e pì granda capasità. Sibè che tecnegamente pusìbiłe, el pozamento de conduture sotomarine el ga oncora uncó dei costi tanto erlevai, de fato, inte el cazo i ghe sìpia da sorpasar i osèani, a łe conduture el vien oncora uncó preferio el trasporto co łe petrojere.
De norma i ojodoti i ze formai da tubi de aciàio, lisi, in fusti da 10–12 m, ma talvolta anca da 18 m, e dal diàmetro variàbiłe intrà i 30 e i 140 cm, saldai intrà de lori, revestii par evitàrghene ła corozion e interai a 80–150 cm soto del liveło del teren, o sanò, se pusìbiłe, ponesti in superfise par fasiłitàrghene l'ispesion. El lìcuido el vien incanalà co de łe ponpe, sparpagnae drio de ła tubasion in destanse de 50–100 km che łe ghe inpresiona al fluso na vełosità variàbile intrà 1 e 6 metri al secondo.
Notasion canbia
Altri projeti canbia
Wikimedia Commons el detien imàjini o altri file so Ojodoto
