Oròscopo
L'oròscopo (dal tèrmano latin hōroscopus, a so volta derivante dal grego ὡροσκόπος hōroskópos, conponesto de ὥρα (hṓra), durada de tenpo, e σκοπέω (skopéō), ezamenar) el ze l'interpretasion astrołòzega de ła pozision dei astri inte el momento inte el cuało se verìfega un calsìase avegnimento. L'arte divinatòria de prodùzar un oròscopo ła se ciama oroscopia.
Oròscopo in senso pseudosientìfego
canbiaEl reconosimento de ła pozision dei astri ła ze un'oparasion tècnega reałìstega, in cuanto ła consta inte ła costrusion de na carta astrałe co łe pozision dei pianeti e de łe stełe inte el momento de l'avegnimento tolto soto ezame; de roverso ła so interpretasion col fine de predir el futuro ła ze totalmente arbitrària e pseudosientìfega. La predision ła vien formułada su l'asumesto che ła pozision dei pianeti e del zodìago inte el momento de un avegnimento el influénsee el destin o el futuro de łe persone. L'oroscòpo pì comun in contesto astrołòzego el ze basà sul tema nadałe, ła raprezentasion dei astri formułada inte el momento de ła nasimento de na persona.
Oròscopo inte el łénguajo comun
canbiaEl vien denomenà oròscopo anca ła publegasion de predision zenèreghe sul destin individuałe de łe persone, clasifegae drio el segno zodiacałe de nasimento; ste predision łe se baza su l'influensa che el pasajo dei pianeti el podaria gaver, inte el perìodo de tenpo considarà da l'oròscopo, su łe persone naseste inte un determrnà segno zodiacałe.
Notasion
canbia
Altri projeti
canbia
Wikimedia Commons el detien imàjini o altri file so Oròscopo
el detien schemi gràfeghi so
Linganbi foresti
canbia- (EN) horoscopeEnçiclopedia Britannica, Encyclopædia Britannica, Inc.
| Controło de autorità | LCCN (EN) sh85062074 |
|---|