Panasonic
Panasonic Corporation (fin a'l 2010 Matsushita Electric Industrial Co.) ła ze una de łe mazori aziende a'l mondo inte ła produsion de materiałi ełetròneghi, fondada a Osaka inte'l 1918 da Konosuke Matsushita.
Storia canbia
A'l raverso de nantre aziende japonezi, ła ga doparà par łongo tenpo pluzore marche par comersiałizar i só prodoti.
- El marchio (o marca) prensipal de'l grupo el ze Panasonic, che'l conprende tuta l'ełetrònega de consumo.
- El marchio National el ze stà a łongo utiłizà par comersiałizar paramenti radio, batarìe e suporti manjèteghi.
- El marchio Technics el ze oncora ancò doparà inte'l setor de l'alta fedeltà.
- El marchio Matsushita, invese, el ze doparà prevałentemente inte'l setor de l'ełetrotècnega. A'l só interno ghe ga łaorà fegure de alto profiło tècnego.
Da'l 1953 a'l 2008 ła ga controłà anca n'altra famoza marca, ła JVC (Japan Victor Company).
El 10 zenaro 2008 ła sosietà, za Matsushita Electric, ła ga anunsià l'intension de mudar el nome de ła sosietà deventando Panasonic Corporation. El cambio de denominasion el nase da ła notévołe notoriedà acuizìa inte'l tenpo da'l prinsipałe marchio posedùo da ła sosietà e el deventarà oparativo da'l 1º otobre 2008.[1] La transizione tra i due marchi dovrebbe concludersi entro il marzo del 2010.[2] Inte'l córer de'l 2010 Panasonic ła ga acuizìo Sanyo Electric Co. In pì, Panasonic ła ga na divizion inte'l canpo de ła goma e ła dezviłupa pneumàteghi par el setor bici soto el nome de Panaracer.
Reserca e zviłupo canbia
Matsushita el ze intrà i fondadori de'l "DVD board", el consorsio de aziende che łe ga stabiłìo łe łinee guida de'l standard DVD e, a só volta, ła comersiałiza ła tecnołozìa de ła cuała ła ze proprietaria che ła va soto el nome de "DVD-RAM".
Panasonic ła ze co Olympus l'azienda che ła ga łansà a fine 2008 el novo standard fotogràfego denominà Micro Quattro Terzi.
Inte'l 2010 Panasonic ła ga łansà so'l marcà Europèo mastełe par łavatrici e frigoriferi, zlargando cusì ła só gama de prodoti par ła caza e cura de ła parsona. Infati in Europa A vien comersiałizà da ani forni a microonde e razori da omo. Granda novità A ze ła vaporiera: moderna varsion de ła pinjata a presion, asé indegada par ła cotura de'l rizo e ła preparasion de'l Sushi.
Notasion canbia
- ↑ Matsushita sarà Panasonic, Punto Informatico, 11 gennaio 2008.
- ↑ Matsushita ora si legge Panasonic, Punto Informatico, 1º ottobre 2008.
Altri projeti canbia
Wikimedia Commons el detien imàjini o altri file so Panasonic Corporation
Łinganbi foresti canbia
- Sito de ła Panasonic
- Sito Technics
- Tastiere e sintetizadori ełetròneghi de marca Technics Archivià il 30 de zenaro 2023 in Internet Archive.