Verxi el menu prinsipałe
Partìo Popołare Eoropeo
(EN) European People's Party
(DE) Europäische Volkspartei
(FR) Parti Populaire Européen
(IT) Partito Popolare Europeo
250x150px
Prinsipałi raprexentanti
Leader Manfred Weber
Presidente Joseph Daul
Dati xenerałi
Stato
Sede 10 Rue du Commerce, Handelsstraat 10, Bruxelles, B-1000
Abreviasion PPE
Fondasion 8 de lulio del 1976
Dati pułitisi
Ideołoxia Popolarismo

Cristianexemo democratego
Conservatorismo liberale
Eoropeismo

Cołocasion sentro-drita
Grupo parlamentare Eoropeo Gruppo del Partìo Popolare Eoropeo
Careghe
216 / 751
Sito uficiałe

El Partio Popołare Eoropeo (in inglexe European People's Party, in todesco: Europäische Volkspartei, in fransexe: Parti Populaire Européen, in italian: Partito Popolare Europeo), scursà in PPE xé on partio pułitego eoropeo. Xé ła fameja pułitega eoropeista de sentro e de sentro-drita che toe sù łe forse xeneralmente clasificabiłi come moderae, cristiano-democrateghe e conservatrisi.

Oltre a esar el maxor partio rapresentà in tute łe istitusion de l'Union eoropea e anca el pì grando del Consejo d'Eoropa, xé el pì influente dei partii eoropei e xé el pì grando grupo pułitego ntel Parlamento eoropeo co 216 eorodeputati. Deso tute e tre łe cariche raprexentative de l'Union Eoropea (el presidente del Consejo eoropeo, el Presidente de ła Comision eoropea e el presidente del Parlamento Eoropeo) łe xé rappresentae da esponenti del PPE.

Fondà ntel 1976 da partii cristian-democratisi, che i ga toesto su l'ispirasion da l'asion dei statisti eoropeisti De Gasperi, Adenauer e Schumann ntel secondo dopoguera, sucesivamente ga visto l'adexion anca de sojeti che fa parte a l'area de sentro-drita. Anca se i partii che ghe fa parte, i gà cołocasion pułiteghe difarenti n'tei singołi stati (nte ła maxor parte dei caxi alternative a ła Sanca, ma in altri caxi ałeai de goerno co partii de sentro-sanca, in altri oncora i se difarensia da ła Drita e la Sanca, dato che i xé trasversałi).

El PPE ragrupa 73 partii menbri proenienti da 39 Paexi, de sti qua 27 i xé membri de l'UE. Fra sti qua ricatemo vari partii inportanti come IR in Fransa, ła CDU in Germania, FI in Itałia, PO in Połonia e el PP in te ła Spagna.

Xé el primo partio ntel Parlamento eoropeo dal 1999, ntel Consejo eoropeo dal 2002 e n'tel consejo del 2014-2019. Alguni dei pari fondadori de l'Union eoropea i apartegnea a partii che i xé sucesivamente entrai a far parte de el PPE.